दोंडाईचा । dondaecha। वि.प्र
शहरातील नंदुरबार रोडवरील हॉटेल पुष्पामध्ये (Hotel Pushpa) कामगाराचा (worker) खुनप्रकरणी (case of murder) पोलिसांनी (police) पाळधी येथून चौघांच्या मुसक्या आवळल्या (arrested). त्यात दोन अल्पवयीन मुलांच समावेश आहे. दोघांना सहा दिवसांची पोलिस कोठडी देण्यात आली आहे. तर दोघां बालकांची बालसुधार गृहात रवानगी करण्यात येणार आहे.
हॉटेल पुष्पामध्ये स्वयंपाकी म्हणून काम करणारा नरेश लालचंद साहु (वय 54) याचा भांडणातून चाकुने भोसकून खून करण्यात आला. याप्रकरणी दोंडाईचा पोलिसात गुन्हा दाखल करण्यात आला. पोलिसांनी तपासाची चक्रे गतीमान केली.
पोलीस उपनिरीक्षक दिनेश मोरे, पोलीस कर्मचारी प्रेमराज पाटील, प्रवीण धनगर, अनिल धनगर आदींच्या पथकाने जळगाव नजीक असलेल्या पाळधी येथे जाऊन चौघांना ताब्यात घेतले.
मुख्य संशयीत गणेश निळकंठ कोळी (वय 25 रा. कोळीवाडा पारधी जि. जळगाव) यांच्यासह आनंद गजानन चौधरी (वय 18 रा. पाळधी) याला व दोन अल्पवयीन बालकांना अटक केली. दोघांना आज शिंदखेडा न्यायालयात हजर केले असता दि. 14 मे पर्यंत सहा दिवसाची पोलीस कोठडी देण्यात आली.
तर दोघा बालकांना उद्या बाल सुधारगृहात पाठविण्यात येणार आहे. दरम्यान संशयीतांच्या चौकशीनंतर साहु याचा खून का व कसा केला, याची उकल होण्या शक्यता आहे.