थकबाकीदारांचा वीजपुरवठा खंडित करा

सहव्यवस्थापकीय संचालक चंद्रकांत डांगे, धुळ्यात आढावा बैठक
थकबाकीदारांचा वीजपुरवठा खंडित करा

धुळे Dhule। प्रतिनिधी

थकीत व चालू वीजबिलांचा भरणा (Payment of electricity bills) करून वीजग्राहकांनी (power consumers) सहकार्य करावे. अन्यथा बिल न भरणार्‍या (Not paying the bill) ग्राहकांचा वीजपुरवठा तात्काळ खंडित (Power outage) करावा, असे स्पष्ट निर्देश महावितरणच्या कोकण प्रादेशिक विभागाचे सहव्यवस्थापकीय संचालक (Joint Managing Director, Konkan Regional Division, MSEDCL) चंद्रकांत डांगे (Chandrakant Dange,) यांनी दिले आहेत.

डांगे यांनी धुळे येथे धुळे व नंदुरबार मंडलाची आढावा बैठक (Review meeting) बुधवारी (8 जून) घेतली. त्याप्रसंगी ते बोलत होते. यावेळी जळगाव परिमंडलाचे मुख्य अभियंता कैलास हुमणे, धुळे मंडलाचे अधीक्षक अभियंता पंकज तगलपल्लेवार व नंदुरबार मंडलाचे अनिल बोरसे मंचावर उपस्थित होते.

यावेळी सहव्यवस्थापकीय संचालक डांगे म्हणाले की, ना नफा, ना तोटा तत्वाने वीजसेवा देणार्‍या महावितरणवर एक ग्राहक म्हणून वीजखरेदी, पारेषण खर्च तसेच विविध कर्ज व त्याच्या हप्त्यांचे सद्यःस्थितीत करोडो रुपयांचे दायित्व आहे. दुसरीकडे महावितरणच्या वीजग्राहकांकडे थकबाकीचा मोठा डोंगर आहे. या गंभीर आर्थिक संकटामुळे महावितरणच्या अस्तित्वाचा सध्या बिकट प्रश्न निर्माण झालेला आहे. वीज ही मूलभूत गरज असतानाही ग्राहक इतर अनेक सेवांचे पैसे देतात. मात्र मूलभूत गरज असलेल्या विजेचे बिल भरत नाहीत. त्यामुळे थकबाकीदार ग्राहकांवर कारवाई करण्याचे निर्देश सहव्यवस्थापकीय संचालक डांगे यांनी दिले.

ग्राहकांना दरमहा त्यांनी वापरलेल्या विजेचे बिल अचूक व वेळेत देण्यासाठी मीटर एजन्सी नेमण्यात आलेल्या आहेत. या एजन्सींना मीटर रीडिंग घेताना फोटोंचा दर्जा सुधारण्यास व अचूक काम करण्यास सांगितले आहे. मात्र कार्यक्षमता न सुधारल्यास संबंधित मीटर रीडिंग एजन्सींवर तात्काळ कठोर कारवाई करण्याचे निर्देश त्यांनी यावेळी दिले.

यावेळी जळगाव परिमंडलाचे मुख्य अभियंता कैलास हुमणे यांनी विविध विषयाचा आढावा घेऊन या महिन्यात वीजबिल वसुलीसह ग्राहकसेवा आणखी गतिमानतेने करण्याचे आवाहन केले.

बैठकीला धुळे व नंदुरबार मंडलातील सर्व कार्यकारी अभियंते, उपविभागीय अभियंते, शाखा अभियंते, अधिकारी व मीटर रीडिंग एजन्सीचे कर्मचारी उपस्थित होते.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com