आजोबांना भेटण्यासाठी जाणार्‍या नातवावर काळाची झडप

धुळे । प्रतिनिधी dhule

सटाणा (Satan) तालुक्यातील बहिराणे येथून धमनार येथे आजोबांना भेटण्यासाठी जाणार्‍या तरूण नातवावर काळाने झडप घातली. त्याच्या दुचाकीला बेहेड गावानजीक भरधाव वाहनाने धडक (accident) दिल्याने त्याचा मृत्यू झाला.

समाधान भाऊसाहेब सोनवणे (वय 21 रा. बहिराणे ता. सटाणा जि. नाशिक) असे मयत तरूणाचे नाव आहे. तो एमएच 41 बीसी 9724 क्रमांकाच्या दुचाकीने दुपारी तीन वाजेच्या सुमारास बहिराणे येथून बेहेड ते धमनार रस्त्याने धमनार गावी आजोबा आधार भिल यांना भेटण्यासाठी जात होता. त्या दरम्यान सात वाजेच्या सुमारास बेहेड गावाच्या पुढे पेट्रोल पंपाजवळ अज्ञात वाहनाने त्यास धडक दिली. त्यात गंभीर जखमी होवून समाधान याचा मृत्यू झाला. याप्रकरणी भाऊसाहेब मन्साराम सोनवणे यांनी दिलेल्या फिर्यादीवरून साक्री पोलिसात अज्ञात वाहनावरील चालकावर गुन्हा दाखल करण्यात आला आहे. पुढील तपास पोहकाँ विसपुते करीत आहेत.