Type to search

Breaking News जळगाव

बांधावर जाऊन शेतकर्‍यांचे दुःख जाणून घ्या

Share

जळगाव  – 

पक्ष मदत करत नाही, पदाधिकारी सहकार्य करीत नाहीत अशी कारणे सांगू नका, नविन सदस्यांना देखिल महत्वाच्या जबाबदार्‍या द्या, ज्यांना तीन वर्षे अथवा अधिक कार्यकाळ विद्यमान पदावर आहेत त्यांनी दुसर्‍यांना संधी देउन मार्गदर्शनाचे कार्य करा.

यावर्षी अतीपावसामुळे शेतकर्‍यांचे मोठया प्रमाणावर नुकसान झाले आहे. शेतकरी कष्टकर्‍यांचे दुःख समजून घेण्यासाठी बांधावर जा त्यांच्या व्यथा वेदना जाणून घ्या. असे  राष्ट्रवादी काँग्रेसच्या महिला प्रदेशाध्यक्षा रूपाली चाकणकर यांनी सांगितले.

राष्ट्रवादी काँग्रेस पक्ष कार्यालयात महिला पदाधिकार्‍यांच्या बैठकीत त्या बोलत होत्या. पुढे बोलतांना त्या म्हणाल्या कि, भाजपाचे मंत्री गिरीष महाजन यांनी विरोधी पक्षाचा एकही आमदार निवडून येणार नाही असे आव्हान दिले होते. तरी पदाधिकारी व पक्ष कार्यकर्त्यांच्या बळावर यावर्षी जिल्हयात राष्ट्रवादी, सहयोगी पक्ष, व अन्य 1 अशा तिन जागा मिळवित ते खोटे ठरविले आहे.

सर्वसामान्यांच्या प्रश्नांना न्याय देण्याची भूमिका ठेवा

महानगरपालिकेत भाजपाची एकहाती सत्ता आहे, तरी रस्ते, खड्डे, शहरांतर्गत असलेला महामार्गाची स्थिती, कचरा कोडीचे प्रश्न वा अन्य समस्या आहे तशाच आहेत. नागरीकांचे प्रश्न सोडवण्यासाठी महिला पदाधिकार्‍यांची संघटना बांधणी करणे महत्वाचे आहे. शिवाय जिल्हा परीसरात अतीपावसामुळे कृषी उत्पादनाचे मोठे नुकसान झाले आहे. नुकसानाीचे पंचनामे शासनापर्यत पोचण्यासाठी व्हॉट्सअ‍ॅपवर फोटो काढून तालुका व मंत्रालय अधिकारी स्तरावर पाठवले जात आहेत. परंतु ते योग्य ठिकाणी पोहचतात का? पंचनामा झाला आहे किंवा नाही याची पोच पावती आहे का? दाद कोणाकडे मागावी, राज्यपालांनी हेक्टरी 8 रूपये जी मदत जाहिर केली आहे ती अत्यंत तोकडी असून किमान 50हजार रूपये मदत, वीजबील, कर्ज माफ करावे अशा तीन  मागण्यांवर भर दिला जाणार आहे. असे अ‍ॅड. रवींद्र पाटील यांनी सांगितले.

 

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!