जळगाव – Jalgaon – प्रतिनिधी :
महासभेच्या प्रारंभीच कोर्ट चौक ते गणेश कॉलनी चौकापयर्र्तच्या अतिक्रमणाच्या विषयासह विशेष निधीअंतर्गत स्थगित 100 कोटीचा निधी परत मिळविण्याच्या विषयासह शहरात बसविले जाणारे एलईडी दिवे व त्यांचे मेंटेनन्सचा विषय तसेच प्रभाग 6 मधील असलेला मनपाच्या भूखंडाचा विषय चांगलाच गाजला.
यावेळी व्यासपीठावर महापौर भारती सोनवणे, उपमहापौर सुनील खडके, आयुक्त सतीश कुलकर्णी व नगरसचिव सुनील गोराणे उपस्थित होते.
प्रारंभी प्रभाग 7 मधील कोर्ट चौक ते गणेश कॉलनी पयर्र्तच्या रस्त्यावरील अतिक्रमणाच्या मुद्यावर वादंग निर्माण झाले होते.
या प्रभागाच्या नगरसेविका दीपमाला काळे, त्यांचे पती मनोज काळे आदींनी हे अतिक्रमण हटविण्याबाबत मनपा प्रांगणात निषेधात्मक आंदोलन केले.
अतिक्रमण काढण्याबाबत ठोस आश्वासन मिळावे या मुद्द्यावर त्या ठाम राहिल्या. शेवटी याबाबत बैठक बोलवून त्यात लवकरच चर्चा करीत या विषयावर तोडगा काढण्यात येईल असे आश्वासन महापौरांसह आयुक्त सतीश कुलकर्णी यांनी दिल्याने हे आंदोलन त्यांनी मागे घेतले.
एकमेव तहकुब विषय
शहर मनपातील डॉ. सौ. हेमलत नेवे, न्यायालयीन रोजंदारी मानधन तत्वावर कार्यरत वैद्यकीय अधिकारी यांचे (वेतनवाढ) मानधनात वाढ करणेबाबत प्रशासनाकडून आलेल्या प्रस्ताव तहकुब करण्यात आला.
कोर्टात दाद मागण्याच्या विषयास शिवसेनेचा विरोध
नगरोत्थान महाअभियान अंतर्गत रुपये 100 कोटी निधी मंजूर असून हा निधी प्रलंबित आहे. याकामी प्रशासकीय पाठपुरावा करणे व वेळप्रसंगी निधी मनपास प्राप्त होणेसाठीउच्च न्यायालय औरंगाबाद खंडपीठात दाद मागणेसाठीच्या खर्चास मान्यता मिळण्याच्या विषयास शिवसेनेने आक्षेप घेतला व आपला विरोध दर्शविला. तसेच एमआयएमने या विषयावर आपली भूमिका तटस्थ म्हणून जाहीर केली.
या मुद्यावर वातावरण चांगलेच तापले होते. या मुद्यावरुन शिवसेनेचे विष्णू भंगाळे व माजी स्थायी सभापती अ‍ॅड. शुचिता हाडा यांच्यात शाब्दिक वाद झाला.
अ‍ॅड. हाडा यांचे म्हणणे होते की आपण सवार्र्मिळून स्थगित झालेल्या 100 कोटीच्या निधी शहराच्या विकासासाठी परत मिळविण्याबाबत प्रयत्न करु, पालकमंत्री गुलाबराव पाटील यांचेकडे पाठपुरावा करु यावेळी शिवसेनेनेही सहकार्य करावे व पाठपुरावा करावा.
मात्र ऐनकेन प्रकारे निधी न मिळाल्यास न्यायालयात दाद मागू असे प्रस्तावातच अ‍ॅड. शुचिता हाडा यांनी स्पष्ट केले व सभागृहातही अशाच प्रकारे मुद्दा मांडला. मात्र या मुद्द्यास शिवसेना नगरसेवक विष्णू भंगाळे यांनी न्यायालयात जाण्याच्या मुद्यास विरोध दर्शविला. तर एमआयएमतर्फे रियाज बागवान यांनी तटस्थ राहणेच पसंत केले.
एलईडीच्या मुद्यावरही वादंग
संपूर्ण शहरात एलईडी बसविण्यात येत असून त्याच ठेकेदाराकडून हे काम तीन महिन्यात करुन घेण्यात येणार आहे. यात वाढीव वस्त्यांचाही समावेश आहे.
याच मक्तेदाराकडून या कामास उशीर होत असल्याबद्दल हा ठराव रद्द करण्यापयर्र्त ही चर्चा गत महासभेच्या वेळी गेली होती असे असतांना तीन महिन्यात हे काम पूर्ण होईल हे कशावरुन व या मक्तेदाराकडून मनपाची फसवणूक तर होणार नाही असा मुद्दा शिवसेना नगरसेवक विष्णू भंगाळे यांनी उपस्थित केला.
तर सुधारीत प्रोजेक्ट देवून तीन महिन्यात हे काम पूर्ण करुन घेवू असे आयुक्त सतीश कुलकर्णी यांनी आपले म्हणणे स्पष्ट केले व आपली फसवणूक होणार नाही याची काळजी घेतली जाईल असेही स्पष्ट केले.
मनपाच्या भुखंडास दुसर्‍याचेच कुलूप : नगरसेवक धीरज सोनवणे
प्रभाग क्र. 6 मध्ये एका भूखंडाबाबत हा भूखंड मनपाचा असून यावर दुसर्‍यानेच कुलूप लावले आहे हा मुद्दा मांडून सर्व सभागृहाचे लक्ष वेधले.
मनपाचा हा भूखंड लहान मुले तसेच वृध्दाना फिरण्यासाठी दिलेला होता. असे असतांना दुसरेच तेथे येवून कुलूप लावून जातात. त्यांना काय अडचण येते ?
कुणाची परवानगी न घेता कुलूप का लावले आहे? असा प्रश्न त्यांनी उपस्थित केला. याबाबत योग्य ती दखल घेत कारवाई केली जाईल असे शहर अभियंता भोसले यांनी स्पष्ट केले.
समता नगरात या, हगणदारीमुक्त झाले का बघा : बर्डे
शहर हगणदारीमुक्त झाले असल्याच्या आलेल्या ठरावास शिवसेना नगरसेवक नितीन बरडे यांनी आक्षेप घेतला व याबाबत समता नगरचे त्यांनी उदाहरण सभागृहासमोर मांडले.
समता नगरात शौचालयांची पुरेशी व्यवस्था नाही, दिवे नाहीत, पाण्याची कमतरता असते, शौचालय चांगल्या कंडिशनमध्ये नसतांना शहर हगणदारीमुक्त कसे? असा प्रतिप्रश्न बरडे यांनी केला. मात्र भाजपाने बहुमताच्या जोरावर हा मुद्दा पारित करुन घेतला.
नियमानुसार पारित
अशासकीय प्रस्ताव विषय क्र. 17 व 23 या दोन्ही विषयांवर नियमानुसार योग्य तो निर्णय घ्यावा या अटीवर हा ठराव शिवसेना व एमआयएमतर्फे संमत करण्यात आला. हे दोन्ही ठराव मनपाचे भूखंड इतर संस्थाना भाड्याने वापर करण्याबाबतचे होते.
सर्वानुमते मंजूर विषय
एकूण 12 प्रशासकीय प्रस्तावासह 31 अशासकीय प्रस्ताव महासभेपुढे ठेवण्यात आलेले होते. या एकूण प्रस्तावापैकी जवळपास 40 प्रस्ताव हे सर्वानुमते मंजूर करण्यात आले.
यात सार्वजनिक शौचालय दुरूस्त करणे यासह विशेष अनुदानांतर्गत प्रभाग क्र. 28 टी.पी. स्कीम नं. 3 फायनल प्लॉट नं. 72 ते 151 व 188 ते 72 अ तसेच 198 मधील रस्ते डांबरीकरणे कामी मक्तेदार एल एच पाटील यांचे देयकातून कपात केलेली रकम 14,750 मात्र सुरक्षा अनामत परत करणेाबत प्रशासनाचा प्रस्ताव व नागरी दलितेतर वस्ती सुधारणा योजनेंतर्गत वार्ड क्र. 28 मध्ये बॅड. निकम चौक ते आस्वाद हॉटेल चौक पयर्र्तचा रस्ता डांबरीकरण करणेकामी मक्तेदार एल एच पाटील यांचे देयकातून कपात केलेली रकम 13,500 मात्र सुरक्षा अनामत परत करणेाबत प्रशासनाचा प्रस्ताव, तांबापुर्‍यातील गुलाबबाबा कॉलनी रस्ता डांबरीकरण करणे यासह इतर विषय व अशासकीय प्रस्ताव सर्वानुमते मंजूर करण्यात आले.
उपमहापौरांनी मानले आभार
उपमहापौरपदी निवडून आणल्याबद्दल उपमहापौर सुनील खडके यांनी प्रथम शिवसेनेसह एमआयएमचे व भाजपातील वरिष्ठांचेही आभार मानले. त्यांची ही पहिलीच सभा असून यशस्वीपणे सभा पार पाडली.
