Type to search

14000 हजार कि. मी. पायी गोसेवा सदभावना पदयात्रेचे स्वागत

maharashtra आवर्जून वाचाच जळगाव मुख्य बातम्या

14000 हजार कि. मी. पायी गोसेवा सदभावना पदयात्रेचे स्वागत

Share
भुसावळ | सदभावना पदयात्रा मो फैजखान गुरुजी द्वारा लेह लडाख पासून दिनांक 24 जून 2017 पासून सुरू झालेली 14000 किलोमीटरची पदयात्रा अकरा हजार किलोमीटर पार कडून आज भुसावळ येथे सायंकाळी साडेसातला सुराणा साधना भवन या ठिकाणी आणि आगमन झाले त्यावेळी त्यांचे स्वागत नाना पाटील सर, गौतम चोरडिया, अभिलाष लागला पंडित रवी शर्मा, रोहित महाले यांनी केले.

यावेळी रात्री आठ वाजता भुसावळ गोपालक गोसेवक बंधु बहिणीसाठी त्यांचे साधना भवन येथे हे अनुभव कथन व गोमातेचे महत्व कार्यक्रमाचे आयोजन करण्यात आले यावेळी गुरुजींनी अनुभव कथन करताना त्यांचा पदयात्रेचा उद्देश सांगितला त्यात देशी गाय संवर्धन गो आधारित शेती गोहत्या पर्यावरण, अखंड भारत वृक्षारोपण या विषयांवर चर्चा झाली त्याप्रमाणे वृक्षतोडीमुळे प्रवासात रस्त्यात कुठे थांबावे मोठा बिकट प्रश्न निर्माण झालेला आहे

अनेक पशू प्राण्यांना पिण्याचा प्रश्नही खूप ठिकाणी जाणवतो त्यामुळे वृक्षतोड पाणी बचत आणि काही महत्त्व सांगताना याचे आपण जतन संवर्धन केले नाही तर आपला देश विनाशाच्या कडे ढकलला जाईल. आपण सगळ्यांनी जाणीवपूर्वक वृक्ष, पाणी, गाय त्याचे संवर्धन करणे आवश्यक आहे असे प्रतिपादन गुरुजींनी मो. फैजखान, राष्ट्रीय संयोजक, सेवा प्रकाशन मुस्लिम राष्ट्रीय मंच. यांनी केले यावेळी कार्यक्रमाच्या सुरुवातीला गोमातेच्या मूर्तीचे पूजन करण्यात आले.

त्यावेळी त्यांचा सत्कार गोविज्ञान अनुसंधान केंद्र हरीपुरा ता. यावल चे उपाध्यक्ष श्री सोनुभाऊ मांडे यांनी केले तसेच जैन सोशल ग्रुप व भगवान महावीर नवयुवक मंडळ तर्फे हे श्री प्रशांत कोटेचा व गौतम चोरडिया यांच्या हस्ते करण्यात आला त्याचप्रमाणे भुसावळ शहरात गोसेवा, विषयी विशेष कार्य करणाऱ्या ग्रुपचा सत्कार यामध्ये रोहित महाले डॉ. भरत महाजन श्री टाक व बारा गोसेवक यांचा सत्कार फैजखान गुरुजी व नाना पाटील सर यांच्याकडून भेटवस्तू देऊन सत्कार करण्यात आला

यावेळी डॉक्टर भरत महाजन यांनी व गोसेवांसाठी मी वैद्यकीय सेवा आयुष्यभर मोफत करीन अशी घोषणा केली तसेच रोहित महाले यांनीही आपल्या व गोमाते विषयी मनोगत व्यक्त केले. गुरुजी सोबत असलेले पियुष भाई, कैलास जी, बाबाजी यांचे सत्कार श्री रघुनाथ आप्पा सोनवणे डॉक्टर डी एस पाटील यांच्या हस्ते करण्यात आला

यावेळी मोठ्या प्रमाणात परिसरातील व बाहेरील गावाचे गोभक्त गोपालक मोठ्या प्रमाणात उपस्थित होते कार्यक्रमाच्या यशस्वीतेसाठी श्री कमलेश निकम रोहित महाले, कृष्णा साळी, अभिलाष नागला, नमो शर्मा, व ईतर यांनी ही मोठ्या प्रमाणात सहकार्य केले

कार्यक्रमाचे सूत्रसंचालन व प्रास्ताविक  नाना पाटील सर व आभार प्रदर्शन नंदग्राम व शाळेचे संचालक  अभिलाष नागला यांनी केले दुसऱ्या दिवशी सकाळी आठ वाजता पदयात्रा प्रस्थान अंजाळे येथील नंदिग्राम शाळेकडे झाले त्यावेळी त्यांना त्यांच्या समवेत नाना पाटील सर, गौतम जी चोरडिया रोहित महाले, निशांत पाटील चंद्रशेखर जंगले गोसेवक पदयात्रे साठी उपस्थित होते. कार्यक्रमाचे आयोजन नाना पाटील सर यांनी केले होते.

Leave a Comment

Your email address will not be published. Required fields are marked *

*

error: Content is protected !!