Type to search

पालक सचिव आज घेणार जळगाव जिल्ह्यातील टंचाईचा परिस्थितीचा आढावा

maharashtra आवर्जून वाचाच जळगाव मुख्य बातम्या

पालक सचिव आज घेणार जळगाव जिल्ह्यातील टंचाईचा परिस्थितीचा आढावा

Share
जळगाव, दि. 14 – जिल्ह्यातील पाणीटंचाई व दुष्काळी परिस्थितीचा आढावा घेण्यासाठी जिल्ह्याचे पालक सचिव राजेश कुमार आज (15 मे) सकाळी 10.00 जिल्हाधिकारी कार्यालयातील सभागृहात बैठक घेणार आहे. अशी माहिती जिल्हाधिकारी अविनाश ढाकणे यांनी दिली आहे.

जिल्ह्यातील टंचाई परिस्थितीवर मात करण्यासाठी जिल्हा प्रशासन आवश्यक त्या उपाययोजना करीत आहे. जिल्ह्यातील टंचाई परिस्थिती जाणून घेण्यासाठी मुख्यमंत्री देवेंद्र फडणवीस यांनी नुकताच जिल्ह्यातील सरपंचाशी संवाद साधला असून टंचाई परिस्थितीवर मात करण्यासाठी आवश्यक त्या उपाययोजना करण्याचे निर्देश जिल्हा प्रशासनास दिले आहे. त्यानुसार जिल्हा प्रशासन आवश्यक त्या उपाययोजना प्राधान्याने अवलंबित आहे. यामध्ये नागरीकांना पिण्यासाठी पाणी पुरविणे, जनावरांना पाणी व चारा आणि मागेल त्याच्या हाताला काम देण्यास प्राधान्य देण्यात येत आहे.

जिल्ह्यातील भविष्यातील पाणीटंचाई व दुष्काळी परिस्थितीची माहिती जाणून त्यावर तातडीने उपाययोजना करण्यासाठी मुख्यमंत्री देवेंद्र फडणवीस यांनी पालक सचिवांना आपल्या जिल्ह्यात जाऊन आढावा घेऊन 21 मे पर्यंत अहवाल सादर करण्याचे निर्देश दिले आहे. त्यानुसार जिल्ह्याचे पालक सचिव तथा राज्याच्या कामगार विभागाचे प्रधान सचिव राजेश कुमार आज जिल्ह्यात येत असून ते जिल्हाधिकारी कार्यालयातील सभागृहात जिल्ह्यातील अधिकारी यांची बैठक घेणार असून त्यांचेकडून जिल्ह्यातील पाणीटंचाई व दुष्काळी परिस्थिती चा आढावा घेणार आहे. व याबाबतचा अहवाल मुख्यमंत्र्यांना सादर करणार आहे.

Leave a Comment

Your email address will not be published. Required fields are marked *

*

error: Content is protected !!