Type to search

Breaking News maharashtra आवर्जून वाचाच देश विदेश मुख्य बातम्या

आयसीआयसीआयच्या माजी सीईओ चंदा कोचर यांची आठ तास कसून चौकशी

Share
नवी दिल्ली :  बँक कर्ज घोटाळा प्रकरणी आयसीआयसीआयच्या माजी सीईओ चंदा कोचर आणि त्यांचे पती दीपक कोचर यांची सोमवारी तब्बल आठ तासांपेक्षा आधिक काळ ईडीनं (अंमलबजावणी संचालनालय) चौकशी केली आहे. त्याच्याविरोधातील बँक कर्जघोटाळा आणि बेहिशेबी मालमत्ता प्रकरणात ते ईडीसमोर उपस्थित झाले होते. सकाळी अकरा वाजता चौकशी सुरू झाली होती. चौकशीनंतर कोचर दाम्पत्यांनी रात्री आठ वाजण्याच्या सुमारास ईडीचे कार्यालय सोडले. दोघांचे म्हणणे ईडीने नोंदवले आहे.

व्हिडिओकॉन कंपनीला कर्ज देताना चंदा कोचर यांनी आपल्या पदाचा गैरवापर केल्याचा ठपका केंद्रीय अन्वेषण विभागानं ठेवत त्यांच्याविरोधात गुन्हा दाखल केला होता. हे प्रकरण उघडकीस आल्यानंतर ऑक्टोबर २०१८मद्ये चंदा कोचर यांनी आपल्या पदाचा राजीनामा दिला होता.

कोचर यांच्यावर व्हिडिओकॉन उद्योग समूहाला ३२५० कोटींचे कर्ज वाटप करताना अनियमितता असल्याचा तसेच कर्ज मंजूर करताना भ्रष्टाचार केल्याचा आरोप आहे. शनिवारपासून सुरु झालेल्या या चौकशीत ईडीने प्रथम चंदा कोचर, त्यांचे पती दीपक कोचर यांची चौकशी केली.

दरम्यान, याप्रकरणी ईडीने आर्थिक घोटाळा प्रतिबंध कायदा (पीएमएलए) अंतर्गत गुन्हा नोंदवला. २२ फेब्रुवारी रोजी सीबीआयने चंदा आणि त्यांचे पती दीपक कोचर तसेच धूत यांना लुकआऊट नोटीस पाठवली होती. आर्थिक घोटाळ्यांच्या प्रकरणांमध्ये अशी नोटीस पाठवणे बंधनकारक असते. त्याचबरोबर या तिघांच्या परदेशातील प्रवासावरही निर्बंध घालण्यात येणार आहेत.

Leave a Comment

Your email address will not be published. Required fields are marked *

*

error: Content is protected !!