Type to search

maharashtra आवर्जून वाचाच जळगाव सेल्फी

पक्षी गणनेत 37 जातींच्या पक्ष्यांची नोंद

Share
जळगाव । प्रतिनिधी :  जागतिक स्थलांतरित पक्षी दिनानिमित्त निसर्गमित्रतर्फे शनिवार दि.11 रोजी मेहरूण तलावावर पक्षी निरीक्षण, गणना आणि प्लास्टिकचे घातक परिणाम यावर प्रबोधन उपक्रम राबवण्यात आला. या उपक्रमात 19 पक्षीप्रेमी नागरिकांनी सिटीझन साइंटीस्ट म्हणून आपला सहभाग नोंदवला. ही गणना सकाळी 6.30 ते 8 वाजता दरम्यान करण्यात आली.

त्यात 37 जातींच्या पक्ष्यांची नोंद करण्यात आली. त्यांची एकूण संख्या 496 भरली. त्यापैकी 11 जाती ह्या पाणथळ पक्षांच्या होत्या. नोंद झालेले पक्षी स्थानिक स्थलांतरित असून विदेशी स्थलांतरित पक्षी आढळले नसल्याची माहिती पक्षीमित्र शिल्पा व राजेंद्र गाडगीळ यांनी दिली.

‘पक्षी संरक्षित करा: प्लास्टिक प्रदूषणाचे उपाय व्हा’ असे ह्या वर्षीचे घोषवाक्य होते, स्थलांतरित पक्षांमध्ये मुख्यतः पाणथळ पक्षी मोठ्या प्रमाणावर असतात. या संकल्पनेवर आधारित निसर्ग मित्रतर्फे प्लास्टिक, पक्षी व एकूण प्राणीजगत, पर्यावरणावर होणार्‍या घातक परिणामांची माहिती पक्षीमित्र शिल्पा व राजेंद्र गाडगीळ यांनी दिली.

मेहरूण तलावावर राबवण्यात आलेल्या पक्षी निरीक्षण व पक्षी गणना या उपक्रमात हेमलता पाटील, वेदश्री पाटील, योगेश सोनार, नारायण सोनार, चेतन वाणी, सुमित माळी, सुधाकर माळी, सोमेश वाघ, धनश्री बागुल, गोकुळ इंगळे, मुकेश कुरील, कृष्णा कुरील, विलास बर्डे, चिन्मय बारुदवाले, रेवीन चौधरी, सुमेध सोनावणे यांनी सहभाग घेतला.

या गणनेत प्रामुख्याने छोटा पाणकावळा, गाय बगळा, छोटा बगळा, मध्यम बगळा, ढोकरी, हळदी-कुंकू बदक, वारकरी, टिबुकली, कंठेरी चिलखा, नदी सुरय, शेकाट्या हे पाणथळ पक्षी त्याचबरोबर वृक्ष निवासी निळ्या शेपटीचा वेडा राघू या स्थलांतरित पक्षाची नोंद झाली.

Leave a Comment

Your email address will not be published. Required fields are marked *

*

error: Content is protected !!