Type to search

‘त्या’ तपासाला आव्हान देणार्‍या याचिका सर्वोच्च न्यायालयाने फेटाळल्या!

Breaking News maharashtra आवर्जून वाचाच जळगाव मुख्य बातम्या राजकीय

‘त्या’ तपासाला आव्हान देणार्‍या याचिका सर्वोच्च न्यायालयाने फेटाळल्या!

Share
जळगाव । प्रतिनिधी :  वाघूर पाणीपुरवठा योजना, जळगाव विमानतळ विकास यासह जिल्हा बँकेशी संबंधित 3 अशा एकूण 600 कोटी रूपयांच्या पाच घोटाळ्यांचा तपास एसआयटीमार्फत करण्याचे आदेश औरंगाबाद खंडपीठाने दिले होते. दरम्यान, या फेरतपासाला ईसीपी हौसिंग आणि राधेश्याम मदनलाल कोगटा यांनी सर्वोच्च न्यायालयात दाखल केले आव्हान देणारी याचिका सर्वोच्च न्यायालयाने शुक्रवारी फेटाळून लावली आहे.

शहरातील जिल्हापेठ तसेच शहर पोलीस ठाण्यात तत्कालीन नगरसेवक कै.नरेंद्र भास्कर पाटील यांच्या फिर्यादीवरुन जळगाव नगरपालिकेशी संबंधित पाच वेगवेगळे गुन्हे दाखल करण्यात आले होते. दरम्यान, यापैकी वाघुर पाणीपुरवठा योजना तसेच विमानतळ विकास योजनेच्या गुन्ह्यात न्यायालयात तपास अधिकारी प्रशांत बच्छाव यांनी आरोप पत्र दाखल केले होते. तर जिल्हा बँकेशी संबंधित आयबीपी योजनेच्या गुन्ह्यात पोलीसांनी सीसमरी फायनल रिपोर्ट न्यायालयात दाखल केला होता.

दरम्यान, पोलीसांनी केलेल्या तपासावर प्रश्न उपस्थित करित या गुन्ह्यांच्या फेरतपास करण्याची मागणी नगरसेवक नरेंद्र पाटील यांचे बंधु अ‍ॅड.विजय भास्कर पाटील यांनी एका याचिकेद्वारे हायकोर्टात केली होती. या याचिकेवर औरंगाबाद खंडपीठात सुनावणी होवून न्यायमूर्ती तानाजी नलावडे व मंगेश पाटील या द्विसदस्यीय पीठाने या गुन्ह्यांमध्ये करण्यात आलेल्या तपासावर प्रश्न उपस्थित करित एसआयटीमार्फत सेवानिवृत्त न्यायाधिशांच्या नेतृत्वाखाली या पाचही गुन्ह्यांचे फेरतपास करण्याचे आदेश शासनाला दिले होते.

दरम्यान हायकोर्टाच्या आदेशामुळे शहरातील राजकीव वर्तुळात एकच खळबळ उडाली होती. दरम्यान 6 मे रोजी ईसीबी हौसिंग कंपनीतर्फे गिरधारीलाल ओस्वाल यांनी सर्वोच्च न्यायालयात आव्हान देणारी याचिका दाखल केली होती. या याचिकेवर न्यायमूर्ती आर.भानुमती व आर.सुभाष रेड्डी यांच्यासमोर सुनावणी होवून स्थगिती देण्याची याचिका फेटाळून लावण्यात आली.

तर माजी नगरसेवक राधेश्याम कोगटा यांनी दाखल केलेली याचिका देखील सर्वोच्च न्यायालयाने फेटाळून लावली आहे. दरम्यान सर्वोच्च न्यायालयाने दिलेल्या या आदेशामुळे हायकोर्टाच्या आदेशावर शिक्कामोर्तब झाले असून या पाचही गुन्ह्यांच्या प्रकरणात एसआयटी तपासाला पुन्हा एकदा बळ मिळणार आहे. तर माजी आमदार सुरेशदादा जैन यांच्यासह अनेक दिग्जांच्या अडचणीत वाढ होणार आहे.

Leave a Comment

Your email address will not be published. Required fields are marked *

*

error: Content is protected !!