Type to search

पक्षी संरक्षित करा : प्लॅस्टिक प्रदूषणासाठी उपाय करा

maharashtra आवर्जून वाचाच जळगाव देश विदेश फिचर्स सेल्फी

पक्षी संरक्षित करा : प्लॅस्टिक प्रदूषणासाठी उपाय करा

Share

[button color=”” size=”” type=”round” target=”” link=””]शनिवार दि.११ मार्च २०१९ जागतिक स्थलांतरित पक्षी दिन आहे. त्याचे महत्व सांगणारा एक छोटेखानी लेख[/button]

Protect Birds: Be Solution To Plastic Pollution हे आहे या वर्षीच्या “World Migratory Bird Day – 2019 ` चे घोष वाक्य.  सन २००६ पासून हा दिवस जगभरातील पक्षीप्रेमी विविध पद्धतीने साजरा  करतात .दरवर्षी हा दिवस विशिष्ट संकल्पना घेऊन साजरा केल्या जातो. त्यावर आधारित घोष वाक्य दिले जाते.या वर्षी प्लास्टिक प्रदूषणाचा मुद्दा ऐराणीवर  आहे.प्लास्टिक प्रदूषणावर प्रभावी उपाय योजना तातडीने करण्याची किती गरज  आहे हे यातून दिसून येते.

प्लास्टिक मुळे माती आणि पाणी प्रदुषित होऊन पशु – पक्ष्यांच्या अनेक प्रजाती बाधित झाल्या आहेत.प्लास्टिक कच-या मुळे  समुद्र,नद्या ,ओढे या सारखे जलस्त्रोतावर येणा-या पाणथळ पक्ष्यांचे अधिवास  धोक्यात आले आहेत आणि त्यांचा जातीही संकटग्रस्त झाल्या आहेत.९०% समुद्र पक्ष्यांच्या शरीरात प्लास्टिकचे अंश सापडले आहेत २०५० पर्यंत हे प्रमाण ९९%  वर पोहचेल असे संशोधनातून पुढे आले आहे.म्हणजे पंख असूनही त्यांची प्लास्टिक पासून सुटका नाही.  आपल्या शहरातही परिस्थिती फारशी वेगळी नाही.

मेहरूण तलाव ,शिरसोली  तलाव, मन्यारखेडी तलाव ,गिरणा नदीकाठचे निमखेडी आणि सावखेडा शिवार हे पाणथळ पक्ष्यांचे मुख्य अधिवास आहेत.जळगावामध्ये हिवाळ्यात येणा-या देशीविदेशी पाणथळ स्थलांतरित पक्ष्यांच्या दृष्टीने हे जलस्त्रोत खूप महत्वाचे  आहेत.प्लास्टिक कच-याने या सर्व स्त्रोताना मगरमिठी घातली आहे.सन २०१० ते आतापर्यंत २५ स्थानिकआणि ४५ विदेशीस्थलांतरीत पक्ष्यांची नोंद झाली आहे. यापैकी देशीविदेशी मिळून ३५ प्रकारचेपाणथळ जातीचे पक्षी कमी अधिक संखेने  या तलावावर आणि गिरणेवर येतात.

यांत विविध जातीचे नियमित येणारे  पाणथळ पक्षी जसे बदक,तुतारी,पाणलाव,तुतवार हे आहेत.तर मोठा रोहित आणि काळ्या डोक्याचा व तपकिरी डोक्याचा कुरव हे अचानक आढळलेले पक्षी.फक्त पाणथळच नव्हे तर काही शिकारी पक्षी जसे कैकर,बहिरी ससाणा, अगदी छोटे माशिमार हे देखील मेहरूण तलाव काठी आढळून आले आहेत.कारण  पाणी हे सर्वच सजीवांसाठी रोजची गरज आहे.

पण वेगाने घटणारी पाणी  पातळी,सांडपाणी  आणि प्लास्टिक कचरा यामुळे यांची संख्या दरवर्षी घटते  आहे.नवीन प्रजाती या  ठिकाणी येतात पण तलावात पाणी नाही त्यामुळे अन्न मुबलक नाही ते पाठ फिरवतात.म्हणूनच प्लास्टिक प्रदूषण व अन्य प्रदूषके हटवणे गरजेचे आहे.या जलस्त्रोतांचे संवर्धन आणि संरक्षणसाठी जलद गतीने उपाय योजना करणे ही तातडीची गरजेचे आहे.एकूणच जीवसृष्टी सुखी तर आपण सुखी.म्हणूनच आपण सर्वांनीच पक्षी संवर्धनासाठी त्यांच्या अधिवास संरक्षणासाठी आवाज उठवला पाहिजे. त्याचा एक भाग म्हणून आजच्या दिनाचे महत्व आहे.

 

 लेखक – पक्षीमित्र शिल्पा गाडगीळ -९४२३९७३११५

 

 

Leave a Comment

Your email address will not be published. Required fields are marked *

*

error: Content is protected !!