Type to search

Breaking News maharashtra जळगाव मुख्य बातम्या

स्कायमेटचा प्राथमिक अंदाज : महाराष्ट्रात 10 जूनला मान्सून येणार!

Share
मुंबई । वृत्तसंस्था : मान्सून 20 मेच्या दरम्यान अंदमान निकोबार बेटावर आपली हजेरी लावण्याची शक्यता आहे. त्यानंतर पुढील 10 दिवसात म्हणजेच 1 जूनच्या सुमारास मान्सून भारतातील प्रवेश द्वारावर म्हणजेच केरळच्या किनारपट्टीवर दाखल होईल.तर 10 जूनला महाराष्ट्रात दाखल होईल असा अंदाज स्कामेटने वर्तविला आहे.

मान्सून आगमनाची वार्ता शेतकर्‍यांमध्ये उत्साह निर्माण करणारी ठरते, कारण, मान्सूनला उशीर झाला तर त्याचा परिणाम खरीप हंगामावर होऊ शकतो. त्यामुळे यंदाचा मान्सून तुमच्या शहरात अंदाजे कधीपर्यंत दाखल होतो, याचा एक आढावा स्कायमेट या खासगी हवामान संस्थेने सादर केला आहे. त्यानुसार मान्सून महाराष्ट्रात 10 जून पर्यंत दाखल होणार असल्याचा अंदाज त्यांनी वर्तविला आहे.

येत्या पाच दिवसात(10ते 15 मे) राज्यासह कर्नाटक, राजस्थान,गुजरात,एमपी, बिहार या भागात पावसाची शक्यता स्कायमेटने वर्तवली आहे. तर 14 मे ला मान्सूनच्या आगमनाची आणि पुढील प्रवासाची माहिती पत्रकार परिषदेत देण्यात येणार असल्याचे स्कायमेटने म्हटले आहे.मान्सूनचा पुढचा टप्पा हा पावसासाठी आतुरलेल्या मुंबई आणि कोलकाता शहरात दाखल होण्याचा आहे.

10 जून पर्यंत मान्सून महाराष्ट्रासह ओडिशा, पश्चिम बंगाल आणि छत्तीसगड, झारखंड आणि बिहारमध्ये दाखल होईल, असा प्राथमिक अंदाज स्काय मेटने वर्तविला आहे. या प्रवासानंतर मान्सूनची गती थोडी मंदावेल असेही त्यांनी सांगितले आहे.पुढे 1 जुलैला उत्तर प्रदेशातून मान्सूनचा पाऊस दिल्लीच्या उबंरठ्यावर जाऊन धडक देईल.

तेथून उत्तराखंड हिमाचल प्रदेश आणि जम्मू काश्मीरपर्यंत त्याचा प्रवास सुरूच राहिल. त्याचवेळी पंजाब आणि राजस्थानात पावसाच्या सरी कोसळायला सुरुवात होईल. त्यानंतर मान्सून पुन्हा तब्बल 15 दिवासांच्या विश्रांती घेईल असेही स्कायमेटने म्हटले आहे.

यावेळी मान्सूनचा पाऊस सरासरीच राहणार असून 93 टक्के पाऊस पडणार असल्याचा अंदाजही स्कायमेट या खासगी हवामान संस्थेने वर्तविला आहे.

Leave a Comment

Your email address will not be published. Required fields are marked *

*

error: Content is protected !!