Type to search

Breaking News maharashtra आवर्जून वाचाच जळगाव देश विदेश मुख्य बातम्या

जळगाव जामोद तालुक्यात मंगळवारी होणार भेंडवळची घटमांडणी, बुधवारी अंदाज जाहिर होणार 

Share
दीपक सुरोसे | शेगाव | दि.६ :  आजच्या काळातही शेतकऱ्यांची उत्सुकता बनलेली भेंडवळ येथील घटमांडणी या वर्षी अक्षय तृतीयेच्या मुहूर्तावर मंगळवारी (ता. 7) सायंकाळी केली जाणार आहे जळगाव जामोद तालुक्यातील भेंडवळ येथे ही घटमांडणी तीनशे वर्षांपेक्षा अधिक काळापासून केली जात आहे.

दरवर्षी हंगामाच्या दृष्टीने पीक, पाणी, भाव, सामाजिक, आर्थिक, राजकीय परिस्थितीबाबत या घटमांडणीद्वारे अंदाज व्यक्त केले जातात. दरवर्षी ही मांडणी पाहण्यासाठी राज्याच्या विविध भागातून शेतकरी येत असतात या वर्षी अक्षय तृतीयेच्या (मंगळवारी) सायंकाळी भेंडवळ गावाला लागून असलेल्या शेतात एका गोल घटात ही मांडणी केली जाते आहे

त्यानंतर दुसऱ्या दिवशी (बुधवारी तारीख 8 ) सूर्योदयाच्या वेळी या मांडणीची पाहणी करून चंद्रभान महाराज वाघ यांचे वंशज पुंजाजी महाराज आणि सारंगधर महाराज वाघ हे भाकीत जाहीर करतात करती

मांडणीच्या घटांमध्ये गहू, ज्वारी, तूर, उडीद, मूग, हरभरा, जवस, तीळ, बाजरी, तांदूळ, अंबाडी, सरकी, वटाणा, मसूर, करडी असे अठरा प्रकारचे धान्य ठेवण्यात येतात. तसेच घटाच्या मध्यभागी मातीचे ढेकळे त्यावर पाण्याने भरलेली घागर त्यावर पानसुपारी, पुरी, पापड, खांडोळी,कुरडई, हे खाद्यपदार्थ ठेवले जातात.

तर रात्रभर कोणीही या ठिकाणी थांबत नाही नंतर दुसऱ्या दिवशी सूर्योदयाच्या वेळेस पाहणी करून प्रत्येक गोष्टीचे अंदाज दिले जातील. याच ठिकाणी गुढीपाडव्याला गावातील हनुमान मंदिरात पारावरची मांडणी केली जाते या मांडणीचेही अंदाज या मुख्य मांडणीच्यावेळी जाहीर केले जातात.

बुलढाणा जिल्ह्यातील जळगाव जामोद तालुक्यात  भेंडवळ या गांवी घटमांडणी होणार आहे.

Leave a Comment

Your email address will not be published. Required fields are marked *

*

error: Content is protected !!