Type to search

maharashtra आवर्जून वाचाच जळगाव मुख्य बातम्या

श्री संत सदगुरू सखाराम महाराजांच्या व्दि शताब्दी यात्रोत्सवास अक्षयतृतीयेपासून होणार सुरूवात

Share
अमळनेर | प्रतिनिधी   : संपूर्ण खान्देश सह महाराष्ट्रात प्रति पंढरपूर म्हणून प्रसिध्द असलेल्या येथील श्री संत सद्गुरू सखाराम महाराजांच्या यात्रोत्सवाला दि. ७ मे अक्षय तृतीये  पासून प्रारंभ होणार आहे. शहराचा धार्मिक, ऐतिहासिक वैभव असलेला हा सोहळा २ आठवडाभर सुरू राहणार आहे. बोरी नदीच्या पात्रात १५ दिवस यात्रा भरणार आहे. नूकताच संत सखाराम महाराच संस्थानचा २०० वर्ष पूर्ती निमित्त द्विशताब्दी सोहळा बोरी वाळवंटात पार पडला.

अक्षय्य तृतीयला (७ मे ) सकाळी नऊ वाजता शहरातील नागरिकांचे उपस्थितीत देव परिवाराचे हस्ते स्तंभरोपण व ध्वजारोहणाने संत सखाराम महाराज यात्रोत्सवास प्रारंभ होणार आहे. दि १४ मे रोजी सकाळी ७. ३० वाजता मोहन महाराज बेलापूरकर यांचे व दिंडीचे शहरात परंपरेनूसार आगमन होईल.या दिंडीचे स्वागत सखाराम महाराज संस्थानचे गाधीपती स्वतः करतात प्रसाद महाराज आपल्या शिष्याला गाव वेशीवर घ्यायला जावून वाजत गाजत वाडी संस्थानात आणतील बेलापूर घराणे अमळनेरकर घराण्याचे शिष्य आहेत गूरूने शिष्याचे स्वागत करण्याची हि परंपरा क्कचितच दिसून येते

मोहिनी एकादशी, अर्थात १५ मे रोजी सायंकाळी ७. ३० वाजता रथाची मिरवणूक वाडी संस्थानातून निघेल.हि मिरवणूक रात्रभर चालते सुताच्या दोराने रथ ओढून नेण्याची परंपरा आहे या सोहाळ्यात सर्व अठरा पगड जातीचे लोक सहभागी होत असल्याने सर्वधर्मिय सोहळा दिसून येतो

१७ रोजी सखाराम महाराज पुण्यतिथी असून यावेळी विविध सामाजिक ऊपक्रम संस्थान मार्फत राबविले जातात

१९रोजी सकाळी सहा वाजता पालखी मिरवणूक सुरू होईल.हा सर्वात मोठा सोहळा मानला जातो मे हिटच्या तळपत्या ऊन्हात दगडी दरवाजा मार्गे पालखी फर्शी पूलावरून पैलाड मार्गे बोरी वाळवंटात रात्री ८ पर्यंत पोहचते याठिकाणी गूलाल सोहळा पार पडून सोहळ्याची सांगता होते

तर २० रोजी सकाळी १०ते १२ या दरम्यान मोहन महाराज बेलापूरकर यांचे काल्याचे कीर्तन व यात्रोत्सवाची सांगता होणार आहे.

या संपूर्ण सोहळ्याला यशस्वि करण्यासाठी उपस्थितीचे आवाहन श्री सखाराम महाराज विठ्ठल रूख्मिणी संस्थान, अमळनेरतर्फे करण्यात आले आहे.

Leave a Comment

Your email address will not be published. Required fields are marked *

*

error: Content is protected !!