Type to search

maharashtra आवर्जून वाचाच जळगाव

कारागृह बंदीची सिव्हिलच्या कैदी वार्डात ‘संडे पार्टी’

Share
जळगाव । प्रतिनिधी :  कारागृह बंदी असलेल्या संशयित आरोपी प्रकृती खराब झाल्याचे सांगून कारागृहातून जिल्हा शासकीय वैद्यकीय महाविद्यालय व रुग्णालयात दाखल झाला. त्यानंतर बंदी कैदाने रुग्णाल्याच्या कैदी वार्डामध्ये मित्रांना बोलवून रविवारी रात्री मद्यप्राशन करीत जोरदार पार्टी केल्याची धक्कादायक माहिती समोर आली आहे. दरम्यान या कैद्याला पोलीसांनी हटकल्यानंतर त्याने पोलीसाशी वाद घातला. दरम्यान या कैद्याच्या पार्टीची चर्चा रुग्णालयात आवारात सुरु होती.

खूनाच्या गुन्ह्यात कारागृहात असलेला चेतन सुरेश आळंदे उर्फ चिंग्या हा प्रकृती खराब झाल्याचे सांगून जिल्हा शासकीय वैद्यकीय महाविद्यालय व रुग्णालयात उपचारार्थ दाखल झाला होता. रविवारी सायंकाळी जिल्हा शासकीय वैद्यकीय महाविद्यालय व रुग्णालयाच्या कैदी वार्ड असलेल्या वार्ड नंबर 9 मध्ये इतर कैदी असतांना चेतन आळंदे याने रविवारी सायंकाळी त्यांच्या मित्रांना देखील याठिकाणी बोलवून याठिकाणी मद्यप्राशन करून जोरदार पार्टी करून जेवणाचा आस्वाद देखील घेतला.

रात्री उशिरापर्यंत संशयिताचे मित्र मंडळी रुग्णालयाच्या कैदी वार्डात थांबून होते. सोमवारी सायंकाळपर्यंत संशयित चेतन आळंदे हा रुग्णालयाच्या कैदी वार्डातच होता.

पोलीस कर्मचार्‍याने हटकले

रुग्णालयाच्या कैदी वार्डजवळ ड्युटी असलेल्या पोलीस कर्मचार्‍याने कैद्याला हटकल्याने चेतन आळंदे व त्याच्या मित्रांनी पोलीस कर्मचार्‍याशी हुज्जत घालून वाद घालण्याचा प्रयत्न केला. तरी देखील संशयितासह त्याच्या मित्रांनी कैदी वार्डातच मद्यप्राशन करून संडे पार्टी केली.

रुग्णालयाच्या कैदी वार्डात संशयिताची मौजमजा

संशयित आरोपी चेतन आळंदे हा अनेक वेळा प्रकृती खराब झाल्याचे सांगून नेहमीच जिल्हा शासकीय वैद्यकीय महाविद्यालय व रुग्णालयाच्या कैदी वार्डमध्ये दाखल होत असल्याची माहिती समोर आली आहे. त्याठिकाणी त्याचे मित्र देखील अनेकवेळा ठाण मांडून बसलेले असता. न्यायालयीन कामकाजासह इतर सर्व सुत्रे संशयित चेतन आळंदे हा रुग्णालयातून हलवित असल्याचीही धक्कादायक माहिती समोर आली आहे.

Leave a Comment

Your email address will not be published. Required fields are marked *

*

error: Content is protected !!