Type to search

maharashtra आवर्जून वाचाच जळगाव

जळगावला सकाळी तुरळक गर्दी …दुपारी शुकशुकाट, सायंकाळी रांगा

Share
जळगाव । जळगाव लोकसभेच्या सार्वत्रिक निवडणुकीसाठी मंगळवारी सकाळी 7 वाजेपासून मतदान प्रक्रियेला प्रारंभ झाला. शहरातील स्व. भिकमचंद जैन मनपा शाळा क्रं1,जळगाव मनपा उर्दू शाळा क्रं 15, एस.एम.आय.टी, कॉलेज, प.न.लुंकड शाळा, आदर्श मतदान केंद्र प्रोग्रेसिव्ह इंग्लीश मीडियम स्कूल,नूतन मराठा महाविद्याल आदी केंद्रावर सकाळी 8 वाजेच्या सुमारास तुरळक गर्दी होती. तर काही बुथ केंद्रावर मतदारांच्या रांगा लागलेल्या होत्या. दुपारी 12.30 वाजेनंतर 3 वाजेपर्यंत या केंद्रावर शुकशुकाट दिसून आला. दुपारनंतर 4.30 वाजेच्या सुमारास मतदारांच्या रांगा लागलेल्या होत्या.संवेदनशील केंद्रावर बंधुकधारी पोलीस बंदोबस्त तैनात करण्यात आला होता.

शहरातील मतदान केंद्रावर मंगळवारी सकाळी 7 वाजेच्या सुमारास मशीन यंत्राची जोडणी करण्यातच अर्धा तासाचा वेळ लागल्यानंतर 8 वाजता खरी मतदानाला सुरुवात झाली. खुबचंद सागरमल शाळा शिवाजीनगर या केंद्रावर मतदानाचे 10 बुथ लावण्यात आले होते. सकाळी 8.30 ते 9.45 वाजेच्या दरम्यान या केंद्रावर मतदारांच्या रांगा लागलेल्या होत्या. 10 वाजेनंतर बुथ क्रमांक 12 व 36 वगळता या केंद्रावर कोणत्याही बुथ गर्दी आढळून आली नाही. या केंद्रावर बंधकधारी पोलीस तैनात करण्यात आला होता.

मनपा उर्दू शाळा क्रं 15वर बंधुकवारी पोलीस तैनात

शहरातील गेंदालाल मिल परिसरात मनपा उर्दू शाळा क्रं 15 असून हा भाग संवेदनशील असल्याने या केंद्रांवर बंधुकवारी पोलीस तैनात करण्यात आले होते. मनपा उर्दू शाळा क्रं 15 वर 23 ते 31 असे 9 बुथ केंद्र होते. सकाळी 8 वाजेच्या सुमारास या केंद्रांवर मतदारांच्या रांगा लागलेल्या होत्या तर 10 वाजता तुरळक प्रमाणात गर्दी होती. त्यानंतर 30 नंबर केंद्र वगळता या भागातील केंद्रांवर अल्पप्रमाणात गर्दी जाणवत होती.दुपारी या के्रंद्रावरही शुकशुकाट दिसून आला.

एस.एम.आय.टी, कॉलेज

शहरातील एस.एम.आय.टी, कॉलेजच्या परिसरात सर्वच सुशिक्षित वर्गाचा रहिवास आहे. या ठिकाणी 14 ते 18 असे पाच बुथ लावण्यात होते. या केंद्रावर सकाळी 8 ते 11 वाजेच्या दरम्यान काही प्रमाणात गर्दी होती. 11 वाजेनंतर बुध क्रमांक 18 वगळता इतर बुथवर मतदारांचा अल्प प्रमाणात प्रतिसाद दिसत होता. दुपारी या केंद्रावर शांतता दिसत होती. या केंद्राच्या परिसरात सिंघम स्टाईल पोलीस तैनात होता. तर आवारात चोख पोलीस बंदोबस्त ठेवण्यात आला होता.

रांगोळीतून दिला मतदानाचा संदेश

गणेश कॉलनी परिसरातील प.न.लुंकड कन्या शाळेत 188 ते 193 असे बुथ केंद्र होते. या क्रेंदाच्या गेटजवळ सुंदर व सुबक अशी रांगोळी काढण्यात आली होती. त्या रांगोळीत‘लोकशाहीचा ठेवू या मान शंभर टक्के करू या मतदान’ असा संदेश दिला होता. तसेच बोटावर शाई, बळकट लोकशाही असे संदेश देणारे फलकांवर संदेश लिहिले होते. याठिकाणीही बंदुकधारी पोलिस तैनात केलेला होत.

आदर्श मतदान केंद्रात 98 वर्षीय वृध्देने केले मतदान

गणेश कॉलनी परिसरातील प्रोगे्रसिव्ह इंग्लिश मीडियम स्कूल या याठिकाणी 184 ते 187 असे चार केंद्र होते. आदर्श मतदान केंद्र म्हणून नाव देवून या केंद्राच्या गेटच्या कमानिवर फुग्यांची सजावट करुन हे मतदान केंद्र आकर्षक आणि सुंदर करण्यात आले होते. गेटपासून ते मतदान केंद्रापर्यंत खाली मॅट टाकण्यात आलेली होती. आजुबाजूचा परिसरही फुग्यांनी सजविण्यात आलेला होता. या केंद्रावर रेणुका राजाराम येवले व 98 रा. श्रीकृष्ण कॉलनी या वृध्द महिलेने आपला मतदानाचा हक्क बजावला.

20 वर्षीय युवतीने प्रथमच केले मतदान

20 वर्षीय युवती सायली उदय जोशी रा. गणेश कॉलनी, या युवतीने प्रथमच मतदानाचा हक्क बजावला. सकाळी 7 वाजता मतदान करणार होती. प्रथमच मतदान करणार असल्याने मनात भीती होती मात्र मतदान केल्यानंतर आपण एक सुजाण नागरिक झाल्याचा अभिमान वाटतोय. असे सायलीने सांगितले.

या केंद्रांवर तहसीलदार वैशाली हिंगे, अप्पर तहसीलदार अभिजीत जाधव यांनी भेट दिवून पाहणी केली. तसेच तहसीलदार हिंगे यांनी गेटजवळ मतदानाचे लावलेले कटआऊट सोबत मतदानाची सेल्फी काढली. तसेच या केेंद्रावर येणारे शिक्षक, शिक्षिका व तरुण युवतींनाही आपल्या सेल्फिचा मोह आवरला गेला नाही. या केंद्रावर हिरकणी कक्ष, पाण्याची व्यवस्था यासह आदी सुविधा उपलब्ध होत्या.

जिवंत मतदाराला दाखविले मयत

शाळा क्र. 22 मध्ये मतदानासाठी गेलेले रमेश बाविस्कर रा. आंबेडकर नगर, यांना यादीत नाव शोधल्यानंतर यादीमध्ये मयत असल्याचा उल्लेख आढळुन आला. त्यामुळे त्यांना मतदान करता आले नाही.

५ पर्यत रावेर लोकसभेसाठी ६२.०१ टक्के मतदान 

रावेर लोकसभेतील रावेर विधानसभा मतदारसंघात सायंकाळी ५ वाजेपर्यत १ लाख ८४ हजार २५२ मतदान होऊन ६२.०१ टक्के मतदान झाले आहे. रावेर विधानसभा श्रेत्रात २ लाख ९७ हजार १५२ मतदार आहे.यासाठी १७०० कर्मचारी तैनात असुन ३१९ मतदान केंद्र आहे.

सायंकाळी ५ वाजता १ लाख ८४ हजार २५२ मतदारांनी मतदान केले यात ९६ हजार ६१५ पुरुष व ८७ हजार ६३७ महीला मतदार आहे. सरासरी ६२.०१ टक्के मतदान झाले आहे.

Leave a Comment

Your email address will not be published. Required fields are marked *

*

error: Content is protected !!