Type to search

Breaking News maharashtra आवर्जून वाचाच जळगाव मुख्य बातम्या

भुसावळला रेल्वे स्कूल मतदान केंद्राबाहेर राखिव मशीनमुळे गोंधळ

Share
भुसावळ :  १७ व्या लोकसभा निवडणुकीतील तिसर्‍या टप्प्यात होणार्‍या मतदानात येथील रेल्वे स्कुलमधील मतदान केंद्राबाहेर राखिव मतपेट्यांवरु एकच गोंधळ उडाला. या प्रकरणी पोलिसांनी दोघांना ताब्यात घेतले आहे.

रेल्वे स्कुल मतदान केंद्रावरील इव्हिएम मशीन नादुरुस्त झाल्यास तेथे दुसरे मशीन उपलब्ध करुन देण्यात येते. मात्र येथील रेल्वे दवाखान्याजवळील रेल्वे स्कुल मतदान केंद्राबाहेर एक चार चाकी क्र. एम.एच. १९ सीव्ही २१२७ मध्ये तीन रिझर्व इव्हीएम मशीन ठेवण्यात आले होते. या गाडीचा चालकाला मतदानाचा हक्क बजावण्यासाठी जायचे असल्याने त्याने रेल्वे स्कुल मतदान केंद्राचे केंद्र प्रमुख यांना या राखिव पेट्या तुमच्याकडे अणून देते असे सांगितले.

त्यामुळे या राखिव पेट्या ज्यांच्या कस्टडीत होत्या ते राजेंद्र महाजन ही राखिव तीनही मशीन मतदान केंद्रात नेत असतांना उपस्थित लोकांनी हा काय प्रकार आहे? पेट्यांची आदला बदली करताय का? विशेष म्हणजे या पेट्यांसोबत गाडीत जे दोघे बसले होते. त्यापैकी एक राजेंद्र महाजन यांचा मुलगा असल्याचे त्याने सांगत तो डबा देण्यासाठी आल्याचे सांगितले.

तर दुसर्‍याने आपण सॉफ्टवेअर इंजिनिअर असल्याचे सांगितले. त्यामुळे उपस्थित भारिप कार्यकर्त्यांच्या मनात पाल चुकचुकली त्यामुळे घटनास्थळी मतदान अधिकारी व पोलिसांना बोलावण्यात आले.

पोलिसांनी दोघांना ताब्यात घेतले तथा मतदान अधिकर्‍यांनी या मशीनची तपासणी करुन त्यात छेडछाड झाली किंवा नाही तसा अहवाल देण्याचे सांगितले. दरम्यान या राखिव इव्हीएम मशीनमुळे या मतदान केंद्राबाहेर एकच गोंधळ उडाला होता.

Leave a Comment

Your email address will not be published. Required fields are marked *

*

error: Content is protected !!