Type to search

maharashtra आवर्जून वाचाच जळगाव

#Video # सामरोदला अवैध वाळूची वाहतुक जोमात

Share
सामरोद, ता.जामनेर । वार्ताहर :  सामरोद येथे कांग नदीपात्रातून दररोज रात्रंदिवस अवैध रेतीची वाहतूक होत असल्यामुळे सामरोद परिसर वाळवंट होण्याची शक्यता निर्माण झाली आहे.

दरम्यान या वाळू वाहतुकी व साठ्याबाबत महसूल विभाग दूर्लक्ष करत असल्याचा ग्रामपंचायत सदस्यांचा आरोप आहे.
कांग नदीपात्रातून दररोज रात्रंदिवस रेती वाहतूक होत असल्यामुळे नदीपात्रामध्ये मोठमोठे खड्डे निर्माण झाल्यामुळे पाण्याचे व्यवस्थित प्रसारण होत नसल्यामुळे शेतकर्‍यांच्या विहिरीच्या पाण्याच्या पातळीत वाढ होत नाही. परिणामी शेतकर्‍यांचा शेेती व्यवसाय धोक्यात आला आहे.

कांग नदीपात्रामध्ये रेतीची चोरटी वाहतूक होते. त्याबाबत ग्रा.पं.सदस्य अतुल तायडे यांनी तलाठी के. एस.साळुंके व तहसीलदार जामनेर यांना दूरध्वनीद्वारे रेतीचोरी बाबत कळविले होते. तरी पण कोणतीही कारवाई होत नसल्यामुळे महसुल विभागाबाबत लोकांमध्ये प्रश्नचिन्ह उभे राहिले आहे.

दै.देशदूतने मार्च महिन्यामध्ये अवैध रेती संदर्भात आरोपाची बातमी छापल्यामुळे मोठा गदारोळ निर्माण झाला होता. तरी सुध्दा प्रशासनाला कोणतीच जाग आली नाही. बातमी छापून आल्यानंतर फक्त 4-5 दिवस रेती वाहतूक बंद राहिली. नंतर पुन्हा रेतीची चोरटी वाहतूक जोमात सुरू झालेली आहे.

त्यामुळे पाणी कुठतरी मुरत असल्याची शंका निर्माण झाली आहे. बर्‍याच वेळी वाळू वाहतूक करणारे चोरटे व ग्रामस्थ यांच्यामध्ये भांडणे निर्माण होतात.

एखाद्या वेळेत या छोट्या भांडणाचे रूपांतर मोठ्या भांडणामध्ये होण्याची शक्यता निर्माण झाली आहे. त्या अगोदर प्रशासनाने या प्रकरणाची गंभीर दखल घेवून अवैध रेती वाहतूक बंद करावी अशी मागणी उपसरपंच संजय देसाई, ग्रा.पं.सदस्य अतुल तायडे, गोपाळ सुरळकर, सुनील डांगे, संजय धुंदाळे यांनी मागणी केली आहे.

महसुल विभाग सुस्तच

कांग नदीपात्रातून मोठ्या प्रमाणात अवैधरित्या होत असलेल्या वाळूबाबत देशदूतने जागल्याची भूमिका घेत सदस्यांंच्या तक्रारीनुसार वृत्त सचित्र प्रकाशीत केले आहे. तरीही महसुल विभागाच्या अधिकार्‍यांना जाग येवू नये हे विशेष. वाळू चोरीवर ठोस निर्बध घालण्याकडे महसूल विभाग दूर्लक्ष करत असल्याने महसूल विभागाबाबत आता नागरीकांना संशय येवू लागला आहे. जर महसुल विभागाच पाणी मुरत असेल तर वाळूची तस्करी होतच राहणार असल्याचेही नागरीकांत चर्चा आहे.

Leave a Comment

Your email address will not be published. Required fields are marked *

*

error: Content is protected !!