Type to search

maharashtra आवर्जून वाचाच जळगाव

भारतीय जैन संघटना महाराष्ट्रातील दहा लाख मुलींना  संस्कारीत करणार :  हस्तीमलजी बंब 

Share
चोपडा  | प्रतिनिधी :   भारतीय जैन संघटना वेगवेगळ्या माध्यमातून सामान्य जनते पर्यंत पोहचत असून, युवती सक्षमीकरण, बिजनेस डेव्हलपमेंट, सुजलाम सुफलाम पाणी योजना, शांतीलाल मुथ्था फाऊंडेशनच्या माध्यमातून मूल्यवर्धन अध्ययन अशा विविध माध्यमातून सामान्यना सहकार्य करत असते आज पर्यंत युवती सक्षमीकरणच्या माध्यमातून पाच लाख मुलींना संस्कारीत करण्यात आले आहे तर येत्या दोन वर्षांत महाराष्ट्रातील दहा लाख मुलींना युवती सक्षमीकरणच्या माध्यमातून संस्कारीत करण्यात येणार असल्याचे भारतीय जैन संघटनेचे राज्याध्यक्ष हस्तीमलजी बंब यांनी सांगितले.

शहरातील बोथरा मंगल कार्यालयात मेळावा आयोजित करण्यात आला होता.यावेळी ते अध्यक्षस्थानावरून हस्तीमलजी बंब बोलत होते. .मेळाव्याला जैन संघटनेचे राज्य सदस्य रत्नाकर महाजन, विनय पारख, जिल्हाध्यक्ष विनोद जैन,जैन श्री संघाचे सचिव विनोद टाटीया,माजी अध्यक्ष डॉ.सुरेश अलिझाड, दिगंबर जैन समाजाचे अध्यक्ष प्रा.व्ही.एस.जैन, जिल्हा उपाध्यक्ष शांतीलाल कोचर,तालुकाध्यक्ष क्षितिज चोरडीया यांचेसह आदी मान्यवर उपस्थित होते.

.यावेळी राज्याध्यक्ष बंब म्हणाले की, युवती सक्षमीकरण,बिजनेस डेव्हलपमेंट सक्षमीकरण,परिचय संमेलन,स्वास्थ संबंधी माहिती,अल्पसंख्याक शिष्यवृत्ती ,समाज उत्थान आणि देशहिताचे कार्य बाबत माहिती, महाराष्ट्र दुष्काळमुक्त,सुजलाम सुफलाम योजनेची माहिती तसेच शांतीलाल मुथ्था फाउंडेशनच्या माध्यमातून मूल्यवर्धन अध्ययन बाबत माहिती अश्या विविध विषयांवर त्यांनी मार्गदर्शन केले.तसेच यावेळी त्यांनी चोपडा शाखेचे कामाचे कौतुक केले.

कार्यक्रमाच्या सुरवातीला भारतीय जैन महिला संघटनाच्या माध्यमातून नवकार महामंत्र व स्वागतगीत सादर करण्यात आले. तदनंतर मान्यवराचे स्वागत करण्यात आले. यावेळी प्रा.सुरेश अलिझाड,रत्नाकर महाजन यांनी मनोगत व्यक्त केले.

. कार्यक्रमाचे सूत्रसंचालन प्रा.प्रवीण ओस्तवाल तर आभार प्रदर्शन दिपक राखेचा यांनी केले.कार्यक्रम यस्वीतेसाठी संघटनेचे सचिव दिनेश लोडाया, आदेश बरडीया,मयूर चोपडा, लतीश जैन, प्रवीण राखेचा,राहुल राखेचा,मयंक बरडीया, चेतन टाटीया, निर्मल बोरा, शुभम राखेचा, आकाश जैन, विपुल छाजेड, पवन बरडीया, श्रेणीक रुणवाल,आनंद आचलिया, संदीप सुराणा,जितेंद्र बोथरा,अक्षय टाटीया,अभय ब्रम्हेचा,महिला जैन संघटनेचे अध्यक्षा सपना टाटीया,सचिव मानसी राखेचा आदी सभासद हजर होते.

Leave a Comment

Your email address will not be published. Required fields are marked *

*

error: Content is protected !!