Type to search

Breaking News maharashtra आवर्जून वाचाच टेक्नोदूत देश विदेश मुख्य बातम्या

पीएसएलव्ही सी ४५ अवकाशात झेपावले

Share
नवी दिल्ली :  भारतीय अवकाश संशोधन संस्थेच्या (इस्रो) शिरपेचात सोमवारी आणखी एक मानाचा तुरा रोवला गेला. भारताच्या एमीसॅट उपग्रहासह इतर देशांचे २८ नॅनो उपग्रहांचे सोमवारी श्रीहरिकोटा येथील अवकाशतळावरून पीएसएलव्ही सी ४५ प्रक्षेपकाच्या मदतीने यशस्वी प्रक्षेपण करण्यात आले.

एमीसॅट आणि नॅनो उपग्रह एकाच वेळी अंतराळात पाठवण्याची ऐतिहासिक कामगिरी ‘इस्रो’ने सोमवारी केली. सकाळी ९ वाजून २७ मिनिटांनी पीएसएलव्ही सी ४५ प्रक्षेपक एमीसॅट व २८ नॅनो उपग्रहांना घेऊन झेपावले. पीएसएलव्ही प्रक्षेपकाने चांद्रयान २००८ व मंगळ ऑर्बिटर २०१३ या दोन्ही मोहिमांत मोठी भूमिका पार पाडली होती. यात अमेरिकेतील २४, लिथुआनियातील ११ ,स्पेनमधील १ तर स्वित्झर्लंडमधील एका उपग्रहाचा समावेश आहे.

‘इस्रो’ची ही ४७ वी पीएसएलव्ही मोहीम असून सोमवारची मोहीम चार टप्प्यांमध्ये पूर्ण होणार आहे. एमीसॅट उपग्रह हा विद्युत चुंबकीय मापनासाठी काम करणार आहे. प्रक्षेपक अंतराळात ७४९ किमीवर एमीसॅट उपग्रह सोडेल आणि ५०४ किमी ऑर्बिटमध्ये इतर उपग्रहांना प्रक्षेपित करणार आहे.

पीएसएलव्ही सी ४५’ची वैशिष्ट्ये

पीएसएलव्ही सी४५ द्वारे उपग्रह प्रक्षेपित करता येतात. तसंच इलेक्ट्रॉनिक इंटेलिजन्स उपग्रहही प्रक्षेपित करता येतात. हे उपग्रह संरक्षण विषयक संशोधनासाठी उपयोगी ठरतात.

या रॉकेटमधून एमीसॅटसोबत २९ नॅनो उपग्रहही प्रक्षेपित करण्यात आले. यामध्ये अमेरिकेतील २४, लिथुआनियातील ११ ,स्पेनमधील १ तर स्वित्झरलंडमधील एका उपग्रहाचा समावेश आहे.

हे पूर्ण मिशन तीन तास चालणार आहे.

हा इस्रोचा ४७ वा पीएसएलव्ही प्रोग्राम आहे.

हे रॉकेट अंतराळात ७४९ किमीवर एमिसॅट सोडेल आणि ५०४ किमी ऑर्बिटमध्ये इतर उपग्रहांना प्रक्षेपित करेल.

डीआरडिओ आणि इस्रो या मिशनसाठी संयुक्तपणे काम करत आहेत.

Leave a Comment

Your email address will not be published. Required fields are marked *

*

error: Content is protected !!