Type to search

Breaking News maharashtra आवर्जून वाचाच देश विदेश मुख्य बातम्या राजकीय

मी वाराणसीतून लोकसभेची निवडणूक लढवू का ? : काँग्रेस सरचिटणीस प्रियांका गांधी

Share
उत्तर प्रदेश  :  मी वाराणसीतून लोकसभेची निवडणूक लढवू का ? असा सवाल काँग्रेस सरचिटणीस प्रियांका गांधी यांनी पक्ष कार्यकर्त्यांना रायबरेली येथे झालेल्या एका बैठकीत विचारला आहे. त्याला काँग्रेस कार्यकर्त्यांनी सकारात्मक प्रतिक्रिया दिली असून या प्रश्नामुळे उत्तर प्रदेशात राजकीय चर्चांना उधाण आलं आहे.

उत्तर प्रदेशात निवडणुकांचे पडघम वाजू लागले आहेत. यंदा पहिल्यांदाच प्रियांका गांधी लोकसभा निवडणुकांच्या प्रचारासाठी मैदानात उतरल्या आहेत. प्रयागराज ते वाराणसी अशी गंगायात्रा त्यांनी केली.

काँग्रेस अध्यक्ष राहुल गांधी अमेठीतून लोकसभा निवडणूक लढवणार आहेत; तर सोनिया गांधी रायबरेली मतदारसंघातून निवडणूक लढवतील. प्रियांका गांधींनी यंदा निवडणूक लढवावी अशी उत्तर प्रदेशातील काँग्रेसच्या नेत्यांनी आणि कार्यकर्त्यांची इच्छा आहे.

तेव्हा प्रियांका गांधींनी वाराणसीतून निवडणूक लढवावी अशी मागणी उत्तर प्रदेश काँग्रेसमध्ये जोर धरत आहे. वाराणसी हा पंतप्रधान नरेंद्र मोदी यांचा मतदारसंघ आहे. २०१४ मध्ये आपचे नेते अरविंद केजरीवाल यांनी मोदींविरोधात निवडणूक लढवली होती. प्रियांका गांधींनी वाराणसीतून निवडणूक लढवल्यास मोदी वाराणसी मतदारसंघातच अडकतील आणि त्यांना इतर ठिकाणी प्रचारासाठी अधिक वेळ देता येणार नाही. तसंच प्रियांकांइतके तगडे आव्हान मोदींना कोणीच देऊ शकत नाही, असं मानलं जातं.

त्या पार्श्वभूमीवरच पक्षाच्या बैठकीत प्रियांका गांधींनी हा प्रश्न कार्यकर्त्यांना विचारला होता.

Leave a Comment

Your email address will not be published. Required fields are marked *

*

error: Content is protected !!