Type to search

maharashtra आवर्जून वाचाच जळगाव मुख्य बातम्या

भुसावळ ते स्टॅच्यू ऑफ युनिटीपर्यंत ‘से नो टू ड्रग्ज’चा संदेश

Share
भुसावळ । प्रतिनिधी :  ‘से नो टू ड्रग्ज’ अर्थात ‘व्यसनाला नाही म्हणा’ ही संकल्पना घेऊन देशभरातील सहा हजार बाईकर्स ठिकठिकाणी तीन दिवसांपासून राईड काढत होते. जळगाव जिल्ह्यातील राईझींग रायडर्स प्लसचे 25 सदस्य याच मोहिमेंतर्गत 370 किमीची राईड करीत गुजरात राज्यातील स्टॅचू ऑफ युनिटीला जावून पोहोचले.

मोहिमेत जळगाव व भुसावळ येथील बाईकर्स असून यात चार महिला व 21 पुरुषांचा समावेश आहे. जिल्ह्यात तीन वर्षांपूर्वी स्थापन झालेल्या राईझींग रायडर्स प्लस या बाईकप्रेमी व रायडिंगची हौस असलेल्या सदस्यांचा यात समावेश आहे. या सदस्यांनी यापूर्वी ही विविध सामाजिक उद्देश घेऊन आजूबाजूच्या जिल्ह्यांना व तेथील ऐतिहासिक ठिकाणांना भेटी दिल्या आहेत.

राईझींग रायडर्स प्लसच्या 25 बाईकर्सने शहिद दिनी दि.23 मार्च रोजी सकाळी शहिद भगतसिंग, सुखदेव व राजगुरू यांच्या स्मृतीस अभिवादन करून भुसावळ येथील गांधी पुतळा तर जळगाव येथील आकाशवाणी चौकातुन मोहिमेस प्रारंभ केला.

ही रॅली गुजरात राज्यातील स्टॅच्यु ऑफ युनिटीला संध्याकाळी 7 वाजता पोहोचली तर दि.25 मार्च रोजी आपापल्या ठिकाणी सायंकाळी 5.30 वाजता आगमन झाल्यावर मोहिमेची सांगता झाली. मोहिमेदरम्यान शहादा येथील क्षयदिनाच्या कार्यक्रमाला बाईकर्सनी उपस्थिती दिली. तब्बल साडे बारा तासात 370 किमी अंतर बाईकर्सनी पार केले. प्रवासात ठिकठिकाणी थांबून त्यांनी व्यसनाला नाही म्हणा हा संदेश देत राष्ट्रीय एकात्मतेबाबत जागरूकता निर्माण केली.

देशभरात सहा हजार बाईकर्सची नोंदणी – बाईकप्रेम व रायडिंगची आवड असलेल्याची देशभरात तब्बल सहा हजार बाईकर्सची नोंदणी आहे. मागील तीन दिवसांपासून ते आपापल्या क्षेत्रात रायडिंग करत आहेत. प्रत्येकाच्या स्थानिक पातळीवरील संकल्पना वेगवेगळ्या असल्यातरी ‘से नो टू ड्रग्ज’ ही मध्यवर्ती संकल्पना आहे.

या मोहिमेंतर्गत मुंबईतील 462 रायडर्स मुंबईसह परिसरात जागृती निर्माण करीत आहेत, अशी माहिती राईझींग रायडर्स प्लसच्या भुसावळ येथील सुनील अंबाडे यांनी दिली.

Leave a Comment

Your email address will not be published. Required fields are marked *

*

error: Content is protected !!