Type to search

maharashtra आवर्जून वाचाच जळगाव

जळगावच्या काँग्रेसच्या दोघा नेत्यांवर महत्त्वाची जबाबदारी

Share

जळगाव । दि. 23 । प्रतिनिधी : आगामी लोकसभा, विधानसभा निवडणूकीच्या पार्श्वभूमीवर काँग्रेस पक्षाने वेगवेगळया समित्या गठीत केल्या आहे. काँग्रेस प्रचार समितीवर खान्देशातून माजी खासदार डॉ. उल्हास पाटील, माजी आमदार रोहीदास पाटील, माजी आमदार अमरिशभाई पटेल यांची नियुक्ती करण्यात आली आहे.

काँग्रसच्या संघटनात्मक बांधणीची तयारी पक्षाकडून सुरु झाली आहे. पाच राज्यांच्या निवडणूकीतील काँग्रेसला मिळालेल्या यशानंतर देशभरात परिवर्तनाचे वारे वाहू लागले आहे. त्यानुषंगाने आगामी लोकसभा, विधानसभा निवडणूकींसाठी पक्षाने वेगवेगळया समित्या गठीत करून बुधवारी पक्षाचे अध्यक्ष राहुल गांधी यांनी जाहीर केल्या. यात प्रदेश प्रचार समितीवर माजी खासदार डॉ. उल्हास पाटील, माजी आमदार रोहीदास पाटील, माजी आमदार अमरिशभाई पटेल यांची नियुक्ती करण्यात आली आहे.

जळगाव शहर जिल्हाध्यक्षपदी डॉ. चौधरी

जळगाव शहर काँग्रेसच्या जिल्हाध्यक्षपदी डॉ. राधेश्याम चौधरी यांची निवड करण्यात आली आहे. पक्षाध्यक्ष राहुल गांधी यांनी आज महाराष्ट्रातील 13 जिल्हाध्यक्षांची निवड जाहीर केली. त्यात डॉ. चौधरींचीही नियुक्ती करण्यात आली आहे.

डॉ. राधेश्याम चौधरी यांनी महाविद्यालयीन जिवनात युवक काँग्रेसमध्ये काम केले होते. त्यानंतर 2010 मध्ये सक्रीय राजकारणात आले. या काळात डॉक्टर सेलची जबाबदारी सांभाळली. त्यानंतर जिल्हा प्रवक्ते त्याचप्रमाणे सोशल मिडीयाचे कामही त्यांनी सांभाळले. 2015 पासून त्यांची जळगाव शहर कॉग्रेसच्या कार्याध्यक्षपदी निवड करण्यात आली होती. आज त्यांच्यावर शहर जिल्हाध्यक्षपदाची जबाबदारी सोपविण्यात आल्याचे जाहीर करण्यात आले.

Leave a Comment

Your email address will not be published. Required fields are marked *

*

error: Content is protected !!