Type to search

पवारांना भाजपात घेऊ नका!

maharashtra मुख्य बातम्या राजकीय

पवारांना भाजपात घेऊ नका!

Share
अमरावती । वृत्तसंस्था :  आजकाल कोणावर टीका करायची म्हणजे भीती वाटते. उद्या तो भाजप नाहीतर शिवसेनेत असायचा, अशा शब्दांत शिवसेना पक्षप्रमुख उद्धव ठाकरे यांनी आघाडीच्या नेत्यांवर टीकास्त्र सोडले. ‘आता तेवढे शरद पवारांना भाजपत घेऊ नका’ असे म्हणत ठाकरे यांनी मुख्यमंत्र्यांना चिमटा काढला.
शिवसेना-भाजप युती झाल्यानंतर येथे आयोजित पहिल्याच महामेळाव्यात उद्धव ठाकरे यांनी कार्यकर्त्यांना मार्गदर्शन केले. हल्ली कोणावर टीका करायची म्हणजे पंचाईत होते. उद्या शिवसेना नाही तर भाजपात असायचा. थोडे तरी लोक समोर ठेवा. सगळेच आपल्या पक्षांत आल्यास बोलायचे कोणावर? असा मिश्किल सवाल ठाकरे यांनी केला.
भाजप-शिवसेना युतीवरही ठाकरे यांनी भाष्य केले. वाद असले तरी कधीही आपला संघर्ष राज्याच्या हिताआड कधीही येऊ दिला नाही, असे सांगून ठाकरे यांनी पंतप्रधान मोदींवरही स्तुतीसुमने उधळली. अजूनही मी त्यांना नरेंद्रभाई म्हणतो. आपला भाऊ वाटावा अशी व्यक्ती देशाच्या पंतप्रधानपदी असल्याचा अभिमान आहे, असेही ठाकरे म्हणाले.
सर्व्हेक्षण म्हणजे अंतिम नाही. माझा त्याच्यावर विश्वास नाही. आत्मविश्वास हाच माझा विश्वास आहे. महाराष्ट्रात 48 जागा आपल्याला कमी पडतील, असे सांगून सर्व जागा आपणच जिंकल्या पाहिजेत, अशी अपेक्षा उद्धव ठाकरे यांनी व्यक्त केली.

[button color=”” size=”” type=”round” target=”” link=””]…तर अंधार पसरेल
काही दिवसांपूर्वी दोन्ही पक्षांकडून तलवारी काढल्या गेल्या होत्या. काही गोष्टी झाल्याही असतील. मात्र आता त्या सगळ्या विसरा आणि खर्‍या तलवारी काढून मैदानात उतरा. असे आवाहन उद्धव ठाकरे यांनी युतीच्या कार्यकर्त्यांना केले. मुख्यमंत्र्यांनी मनातून आणि म्यानातून तलवारी काढल्या आहेत, असेही ते म्हणाले. शिवसेना-भाजप जनतेची शेवटची अपेक्षा आहे. आम्ही गेलो तर अंधार पसरेल, असे सांगून सर्वसमान्यांना आधार देणारा दुसरा कोणताही पक्ष नाही, असे ठाकरे म्हणाले.[/button]

Leave a Comment

Your email address will not be published. Required fields are marked *

*

error: Content is protected !!