Type to search

रोकडे येथे आढळलेल्या मृत बिबट्याचे शवविच्छेदन व अंत्यसंस्कार

maharashtra जळगाव

रोकडे येथे आढळलेल्या मृत बिबट्याचे शवविच्छेदन व अंत्यसंस्कार

Share
चाळीसगाव । प्रतिनिधी :  रोकडे येथे शेताच्या बांधावर मृतावस्थेत आढळलेल्या बिबट्याचे वनविभागाच्या उपस्थितीत डॉक्टरांच्या पथकाने शवविच्छेदन केले. दरम्यान बिबट्याचा मृत्यू हा विषबाधेने झाल्याच्या संशय व्यक्त केला जात आहे. शवविच्छेदनानंतर बिबट्याचे तेथेच दहन करण्यात आले.

तालुक्यातील रोकडे गावाजवळील बाणगाव रस्त्यावरील एका शेताच्या बांधावर सोमवारी दुपारी चार वाजता नर जातीच्या चार ते पाच वर्षीय बिबट्याचा मृतदेह आढळुन आला. त्यामुळे तालुक्यात एकच खळबळ उडली असून बिबट्या मृत्यू कशामुळे झाला, याबाबत अनेक चर्चा आहेत. बिबट्याचे पोट फुगलेले असल्यामुळे त्यांच्या विषप्रयोग करण्यात आल्याचेे तेेथील शेतकर्‍यांकडून दबक्या आवाजात बोलले जात आहे.

शहरापासून जवळच असलेल्या रोकडे गावाजवळील बाणगाव रस्त्यावर सुपडू देवराम पाटील यांच्या लिंबूच्या मळ्यात जवळील शेताच्या बांधावर चार ते पाच वर्ष बिबट्याचा संशयास्पदरीत्या सोमवारी दुपारी मृतदेह आढळून आहे. दुपारी चार वाजेच्या दरम्यान सुपडू देवराम पाटील यांचा मुलगा सुनिल पाटील शेताच्या बांधावर पाणी भरण्यासाठी जात असता, त्याला बिबट्या मृतअवस्थेत दिसला. त्यांनो यांचा माहिती तात्काळ वन विभागाला दिला. परंतू तब्बल एक तासांनतर वनविभागाचे कर्मचारी घटनास्थळी पोहचले.

बिबट्या मृत्यू नेमका कशामुळे झाला याबद्दल उलट सुलट चर्चा सुरू होती. मृत बिबट्याचे पोट फुगलेले असल्यामुळे त्यांच्यावर विष प्रयोग करण्यात आल्याचेे बोलले जात आहे. पाटणादेवी जंगल परिसरात जवळपास पाच ते आठ बिबटे आहेत. पाटणादेवीच्या मंदिराजवळ चार दिवसांपूर्वी बिबट्या सीसीटीव्ही कॅमेर्‍यात कैद झाला होता. मृत हा बिबट प्राणी चार वर्षे वयाचा प्राथमिक अंदाज वन विभागाकडून वर्तविण्यात आला आहे.

यावेळी चाळीसगाव वनपरिक्षेत्राधिकारी संजय मोरे व मानद वन्यजीव रक्षक राजेश ठोंबरे, वनपरिक्षेत्र अधिकारी संजय मोरे यांनी रात्री उशिरा घटनास्थळी भेट दिली. तसेच वनविभागाचे वनपाल प्रकाश देवरे, संजय जाधव, बाळू शितोळे, संजय चव्हाण, प्रविण गवारे, दिलीप निकम यांनी घटनास्थळी जावून पंचनमा केला.

रोकडे मृत अवस्थेत सापडलेल्या बिबट्या मृत्यू नेमका कशामुळे आहे. यांचा शोध घेण्याठी आज त्याचे वैद्यकीय पथकांच्या निगराणीत शवविच्छेदन करण्यात आले. तीन ते चार डॉक्टरांची टिम शवविच्छेदनासाठी घटनास्थळी आले होते. शवविच्छेदन केल्यानंतर त्याच जागेवर त्याच्यावर अंतिम संस्कार करण्यात आले.

आता लक्ष अहवालावकडे

डॉक्टरांनी केलेल्या शवविच्छेदनानंतर येणार्‍या अहवालाकडे लक्ष लागले आहे. हा अहवाल दोन तीन दिवसात मिळेल. त्यानंतर बिबट्याच्या मृत्यूचे कारण समजेल.

Leave a Comment

Your email address will not be published. Required fields are marked *

*

error: Content is protected !!