Type to search

maharashtra आवर्जून वाचाच जळगाव

मदर मिल्क बँक ही प्राचीन परंपरा

Share
जळगाव । 15 व्या शतकापासून मदर मिल्क बँक ही प्राचीन परंपरा आपल्याकडे असून आज आधुनिक पद्धतीने उत्तर महाराष्ट्र व मराठवाडा भागातील पहिल्या ‘माता अमृत’ या समाजपयोगी प्रकल्पाचे लोकार्पण होत असल्याचा आनंद रोटरी डिस्ट्रीक्ट 3030 चे प्रांतपाल राजीव शर्मा यांनी व्यक्त केला.

रोटरी क्लब जळगाव वेस्ट, दि जळगाव पीपल्स बँक रामदास पाटील स्मृती सेवा ट्रस्ट यांच्यावतीने राजेश्री श्री छत्रपती शाहू महाराज हॉस्पिटल येथे आयोजित लोकार्पण सोहळ्यात ते बोलत होते. व्यासपीठावर प्रमुख आतिथी म्हणून रोटरी डिस्ट्रिक्ट 3030 चे माजी प्रांतपाल किशोर केडिया, पीपल्स बँकेचे चेअरमन भालचंद्र पाटील, ट्रस्टचे अध्यक्ष प्रकाश चौबे, रोटरी वेस्ट अध्यक्ष संगीता पाटील, प्रेसिडेंट विष्णू भंगाळे, मानद सचिव राजेश परदेशी यांची प्रमुख उपस्थिती होती.

प्रारंभी ‘माता अमृत’ बोधचिन्हाचे अनावरण, दीपप्रज्वलन आणि फीत कापून लोकार्पण करण्यात आले. प्रारंभी ‘माता अमृत’ बोधचिन्हाचे अनावरण, दीपप्रज्वलन आणि फीत कापून लोकार्पण करण्यात आले. पहिल्याच दिवशी दोन मातांनी दूध दान करुन प्रकल्पाचा शुभारंभ झाला. त्यापैकी मनिषा प्रशांत पाटील यांचा मान्यवरांच्या हस्ते विशेष सन्मान करण्यात आला.

यावेळी बोलतांना प्रांतपाल शर्मा यांनी येत्या सहा महिन्यात नाशिक ते नागपूर या त्यांच्या कार्यक्षेत्रात आठ मदर मिल्क बँक सुरु होत असून रोटरी वेस्टचे यशस्वी प्रकल्प व संगीता पाटील यांचे नेतृत्वामुळे रोटरी डिस्ट्रिक्टच्या सॅनीटरी नॅपकीन प्रकल्पाची जबाबदारी रोटरी वेस्टला त्यांनी घोषित केली. किशोर केडिया यांनी अमरावती येथे चार वर्षापूर्वी रोटरी क्लबने देशातील 14 वी मदर मिल्क बँक सुरु केल्याचे सांगून या विषयातील माहिती देत जनजागृती व आगामी वाटचालीबद्दल मार्गदर्शन केले.

प्रास्ताविकात अध्यक्ष संगीता पाटील यांनी कृष्ण-यशोदा यांची कथा याक्षेत्रातील आदर्श उदाहरण असून मातेचे दूध म्हणजे अमृत असते म्हणून ‘माता अमृत’ प्रकल्पाची महिला दिनाच्या निमित्ताने सुरुवात करीत असल्याचे सांगितले.सूत्रसंचालन गनी मेमन यांनी तर आभार प्रकाश चौबे यांनी मानले.

Leave a Comment

Your email address will not be published. Required fields are marked *

*

error: Content is protected !!