Type to search

maharashtra आवर्जून वाचाच जळगाव

रावेर सहाय्यक निबंधकांच्या खुर्चीवर बेशरमाची झाडे

Share
रावेर|प्रतिनिधी : सहकार खाते  ठेवी परत मिळवून देण्यात गंभीर नसल्याने बुधवारी जनसंग्राम संघटनेने सहा.निबंधकांच्या कार्यलयात ठिय्या आंदोलन करून,सहा.निबंधकांच्या ख्रुची व टेबलावर बेशरमाची झाडे ठेवून निषेध केला .

रावेर तालुक्यातील १८ पतसंस्थेकडून ३२६ ठेवीदारांच्या १३ ते १४ कोटीच्या ठेवी,तसेच जिल्हा कार्यक्षेत्र असलेल्या सावदा-फैजपूर,तापी अर्बन कॉ- क्रेडीट सोसायटी,तापी पतपेढी चोपडा,चंद्रकांत हरी बढेसर यापतसंस्थेकडे १०-१२ कोटी असे तब्बल २५  कोटी रुपयांच्या ठेवी गेल्या १२ वर्षापासून मिळत नसल्याने,ठेवीदार त्रस्त झाले आहे.

तसेच आज ठेवी मिळणार नसतील तर कार्यालयाला टाळे ठोकून जेलभरो आंदोलनाचा पवित्रा ठाकरे व त्यांचे सहकारी ठेवीदार यांनी घेतला.

यावेळी रावेर पोलीस स्टेशनचे पोलीस उपनिरीक्षक अमृत पाटील व राजेंद्र करोडपती यांच्या मध्यस्थीने सहकार अधिकारी ८ दिवसात बैठक घेवून ठेवीदारांना त्यांच्या ठेवी मिळवून देण्याचे लेखी पत्र दिल्यावर ५ तासानंतर ठिय्या आंदोलन मागे घेण्यात आले.

येथील सहा.निबंधक एस.एफ.गायकवाड यांच्या कार्यलयात जनसंग्राम लोकमंचाचे अध्यक्ष विवेक ठाकरे यांच्या अध्यक्षतेखाली ठेवीदारांनी ठिय्या आंदोलन व सहा.निबंधकांच्या खुर्चीवर बेशरमाची झाडे ठेवून,सहकार अधिकार्यांचा निषेध केला. यावेळी विवेक ठाकरे यांनी ठिय्या आंदोलनाची माहिती देताना सांगितले कि,येथील सहा.निबंधक एस.एफ.गायकवाड यांना जिल्हा उपनिबंधकांनी बुधवारी वरील संस्था व ठेवीदार यांची बैठक घेवून ठेवीदारांच्या रक्कमा अदा करण्यासाबंधी कारवाई करण्याचे पत्र देवून देखील,मंगळवारी उशिराने गायकवाड यांची जळगाव येथे मिटिंग असल्याची माहिती त्यांना देवून सदरची बैठक रद्द करण्याचे कळवले.

मात्र रात्री उशिराने माहिती मिळाल्याने सुमारे सव्वा तीनशेहून अधिक ठेवीदारांना माहिती देणे शक्य नसल्याने,सहा.निबंधकांनी बैठक बोलावून ते उपस्थित न राहिल्याने संघटनेच्या अध्यक्ष व सदस्यांनी कार्यलयात जाऊन खुर्ची व टेबलावर बे-शरमाचे झाडे ठेवून निषेध नोंदवला आहे.दुपारी दीड वाजेपासून संध्याकाळ पर्यंत ठिय्या आंदोलन केले.यावेळी अध्यक्ष ठाकरे सांगितले कि,१२ वर्षापासून रावेर यावल तालुक्यातील २१०० ठेवीदारांचे २५ कोटी रुपये अडकून आहे.वारंवार मागणी करूनही दुर्लक्ष होत आहे.

तापी अर्बन,तापी सहकारी चोपडा,चंद्रकांत हरी बढे वरणगाव या संस्थेकडून १३ कोटी रक्कम असताना सदरील ठिकाणाहून ठेवीदारांना न्याय मिळत नाही,त्यांच्या हक्काच्या रक्कम परत मिळत नसल्याने ठिय्या आंदोलन केल्याचे सांगितले.यावेळी डी.टी.नेटके,यशवंत गाजरे,कमल भिरूड,पंडित नेमाडे,गणेश सराफ,मीनाक्षी कांचन नेहते,नरहरी झांबरे,कलाबाई पाटील,गिरधर नारखेडे,सुभद्रा चौधरी,यादव फालक,प्रमिला पाटील,वसंत गाजरे,शोभा ढाके,प्रल्हाद बोरोले,मंगला फेगडे,महेश चोपडे,खालिदा शेख,खेमा बोंडे,शोभा पाटील,रमेश बोंडे,कविता पाटील,विजय देशमुख,सुमन ढाके,यशवंत नेहते,सुमन चौधरी व ठेवीदार उपस्थित होते.

कर्ज वसुली बाबत कारवाई व विविध परवानग्याच्या नावाखाली,अपसेट प्राईज ठरवण्यासाठी सहकार विभागाच्या अधिकाऱ्यांनी संबधिताकडून पैसे घेवून त्या मंजुर्या दिल्याने सहकार खात्याच्या अधिकाऱ्यांचा पतसंस्थावर अंकुश नसल्याने,सहकार  खाते बेशरम झाले आहे.

यामुळे ठेवीदारांचे पेमेंट देण्यास असमर्थ ठरले आहे. असा आरोप  त्यांनी केला.तर ११ मार्च रोजी जिल्ह्यातील ठेवीदारांसाठी जळगाव जिल्हा उपनिबंधकाकडे बैठक बोलवण्यात आल्याचे त्यांनी सांगितले.यावेळी रावेर तालुक्यातील महिला व पुरुष १६४ ठेवीदार उपस्थित होते

Leave a Comment

Your email address will not be published. Required fields are marked *

*

error: Content is protected !!