Type to search

maharashtra आवर्जून वाचाच कृषिदूत जळगाव

३५ टन केळी उत्पादन घेणारा शेतकरी आता घेत आहे १०० टन उत्पन्न

Share
रावेर |प्रतिनिधी  :  जगभरात होणाऱ्या केळी उत्पादनातील ३० टक्के केळी उत्पादन भारतात घेतले जाते.यातील ३६ लाख टन  केळीचे उत्पादन एकट्या जळगाव जिल्ह्यात  घेतले जाते. मुंबईहून दुबई,चीन,ओमान देशात केळी निर्यातीसाठी ७ दिवसांचा कालावधी लागतो,फिलिपाईन्स या ठीकाणाहून या बाजारपेठा मध्ये केळी आणण्यासाठी १७ दिवसांचा कालावधी लागतो,सर्व प्रमुख बाजारपेठा आपल्या जवळ असताना, त्याठिकाणी आपली केळी पोहचत नाहीत,यासाठी  आगामी कालखंडात सर्व आव्हाने पेलून धरण्यासाठी निर्यातक्षम पॅॅकेज तंत्रज्ञानाची गरज असल्याची भूमिका  जेष्ठ केळी तज्ञ डॉ.के.बी.पाटील यांनी व्यक्त केले.
   येथील शेनाबाई गोंडू पंडित मराठा समाज मंगल कार्यलयात आत्मा व कृषी विज्ञान मंडळ पाल यांच्या संयुक्त विद्यमाने शेतकरी मेळावा झाला.यावेळी ते बोलत होते. या कार्यक्रमाच्या अध्यक्षस्थानी खासदार रक्षा खडसे,जिल्हा परिषदेचे उपाध्यक्ष नंदकिशोर महाजन,कृषी उत्पन्न बाजार समितीचे सभापती राजीव पाटील,माजी शिक्षण सभापती सुरेश धनके,पंचायत समिती सभापती माधुरी नेमाडे,जिल्हा उपाध्यक्ष पद्माकर महाजन,कृउबा संचालक गोपाळ नेमाडे,उपसंचालक अनिल भोकरे,जिल्हा कृषी अधिकारी संभाजी ठाकूर,अमोल पाटील,योगिता वानखेडे,ममुराबाद कृषी संशोधन केंद्राचे हेमंत बाहेती,मुक्ताईनगर कृषी अधिकारी बाळासाहेब व्यवहारे,चोपडा कृषी अधिकारी पी.एन.चौधरी,जामनेर आर.एन.जाधव,डॉ.बी.बी.मुळीक उपस्थित होते.
         पुढे बोलतना त्यांनी सांगितले कि, ३० टक्के उत्पादनापैकी १ टक्का देखील केळी भारतातून निर्यात होत नाही.जळगाव जिल्ह्याला १०० वर्ष केळी उत्पादनाचा इतिहास जुडलेला असून,अरब राष्ट्रातील इराण,इराक,ओमान,सौदी अरेबिया दुसरीकडे हॉगकॉग,जपान,कोरिया,बाजारपेठा चागल्या केळीची वाट पाहत आहे.त्यांच्या अपेक्षित अनेक निकषात खान्देशी केळी सिद्ध झाली आहे.तरी आपण त्यांना केळी देवू शकत नाही.
देशातील १ टक्का केळी देखील निर्यात होत नाही,केळीला पोषक वातावरण नसताना देखील दर्जेदार व निर्यातक्षम केळी उत्पादित करण्यात शेतकरी मागे नाहीत,४७ डिग्री उष्ण तापमानात केळी उत्पादन पाहून जगात आश्चर्य होत आहे.हे सर्व शेतकर्यांच्या मेहनतीने व टिश्यूकल्चर लागवडीने यशस्वी झाले आहे.३५ टनाचे हेक्टरी उत्पादन आता १०० टनापर्यंत पोहचले आहे.तांदलवाडी गावातून एका वर्षात गुणवत्ता पूर्ण क्षमतेची २०५ कंटेनर बाहेर गेली आहे.त्यांनी फ्रुटकेअर तंत्रज्ञान वापरले,दर्जेदार उत्पादनाची कास धरल्याने शक्य झाले आहे.
आगामी काळात आता केळी निर्यातीसाठी ठिकठिकाणी पॅॅक हाउस होणे गरजेचे असल्याचे त्यांनी स्पष्ट केले.यावेळी जिल्हा परिषदेचे उपाध्यक्ष नंदकिशोर महाजन यांनी देखील मनोगतातून तांदलवाडी येथील शेतकर्यांच्या कामाची माहिती दिली.प्रास्ताविक पाल कृषी विज्ञान केंद्राचे संजय महाजन,सूत्रसंचालन महेश महाजन,आभार एस.पी.गायकवाड यांनी मानले.
१५ शेतकरी व दोन गटांचा सन्मान 
शेतकरी मेळाव्यात शेती कसताना निरनिराळे प्रयोग घेवून मोठ्या प्रमाणात उत्पन्न घेणारे तसेच यशस्वी शेतकरी यांचा सन्मान यावेळी करण्यात आला यात यावल येथील प्रकश चोपडे,न्हावी येथील धनेश्वर भोळे,थोरगव्हाण येथील प्रवीण पाटील,चिनावल येथील सुहास सरोदे,अंतुर्ली येथील पुरुषोत्तम वंजारी,बोदवड येथील राजेंद्र कांडेलकर,नाडगाव येथील नरेश नारखेडे,साळशिंगी येथील प्रताप देशमुख,साकरी येथील नारायण पाचपांडे,जोगळखोरी येथील संजय साळुंखे,मेणगाव येथील सुरेश पाटील,रांजणी येथील सुभाष बिंदवाल,गलवाडे येथील संदीप देसले,चुंचाळे येथील उदय महाजन,मस्कावद येथील उमा महेश्वरी कृषी मंडळ,गोरगावले चोपडा येथील किसान गट या ठिकाणी सन्मानित करण्यात आले.
[button color=”” size=”” type=”round” target=”” link=””]

शेती व्यवस्थापनात योग्य नियोजन केल्यास मेहनतीला फळ मिळते,सरकार देखील शेतकर्यांच्या मदतीला आहे.सरकारच्या शेततळे व बांधबंदिस्ती हि काळाची गरज ओळखून सरकार ने योजना राबवल्या आहेत.कमी क्षेत्र व अधिक उत्पन हे शेतकर्यांनी साध्य करून दाखवले आहे.आता नवनवीन तंत्रज्ञान वापरून विविध प्रयोग शेतकर्यांनी राबवले पाहिजे.शासनाने सर्व व्यवस्था उभ्या केल्या आहेत.त्या शेतकर्यांनी मिळवाव्यात.कर्जमाफी कायमस्वरूपी मार्ग नाही,त्यापेक्षा शेतकरी सक्षम होणे गरजेचे आहे
खासदा रक्षा खडसे,र रावेर लोकसभा मतदार संघ .

[/button]

Leave a Comment

Your email address will not be published. Required fields are marked *

*

error: Content is protected !!