Type to search

maharashtra आवर्जून वाचाच जळगाव राजकीय

जळगाव लोकसभेच्या जागेसाठी शिवसैनिक आग्रही

Share
जळगाव । युती झाली तरी जळगाव लोकसभेची जागा ही शिवसेनेलाच मिळावी, अशी आग्रही मागणी जिल्हाभरातील शिवसैनिकांनी सोमवारी संपर्कप्रमुख संजय सावंत यांच्याकडे केली आहे. सर्व पदाधिकारी, कार्यकर्त्यांच्या भावना समजून यासर्व सूचना शिवसेना पक्षप्रमुख उद्धव ठाकरे यांच्याकडे मांडण्यात येतील, अशी माहिती सहकार राज्यमंत्री गुलाबराव पाटील यांनी पत्रकार परिषदेत दिली. युतीला अनेक कार्यकर्त्यांचा विरोध असल्याचेही त्यांनी सांगितले.

आगामी लोकसभा निवडणुकीच्या पार्श्वभूमीवर जिल्ह्यातील दोनही लोकसभा निवडणुकांच्या जागांसंदर्भात चर्चा तसेच कार्यकर्त्यांकडून माहिती घेणे. याबाबत कार्यकर्ते पदाधिकार्‍यांची बैठक हॉटेल रॉयल पॅलेसमध्ये घेण्यात आली. स्थानिक पातळीवर जो कार्यकर्ता काम करतो, जो लोकप्रतिनधी जनतेत जातो त्यांच्या सूचना ऐकूण घेण्यासंदर्भात बैठक घेण्याचे पक्षप्रमुख उद्धव ठाकरे यांचे आदेश होते. त्यानुसार ही बैठक घेण्यात आल्याचे गुलाबराव पाटील यांनी सांगितले.

जळगाव लोकसभेची जागा ही शिवसेनेला मिळावी ही आग्रही मागणी प्रत्येक तालुक्यातून आल्याने ही मागणी पक्षप्रमुख उद्धव ठाकरे यांच्यापर्यंत संपर्क प्रमुख पोहचविणार आहे. युतीबाबत कार्यकर्ते, पदाधिकार्‍यांकडून संमिश्र प्रतिक्रिया येत आहे. बहुतांश प्रतिक्रिया या युती न होवो अशापण आहेत. काही कार्यकर्ते युती व्हावी, अशीही मागणी करीत आहे. मात्र, शिवसैनिक हा पक्षप्रमुखांच्या आदेशाचा भूकेला असतो. जे आदेश असतील ते सर्वांना मान्य असतील पण सर्व कार्यकर्त्यांच्या व्यथा ऐकूण घेतल्या असल्याचे गुलाबराव पाटील यांनी सांगितले.

स्थानिक पातळीवर फिल्डवर अन्याय झाल्यावर पदाधिकार्‍यांच्या प्रतिक्रिया जाणून घेणे हे पक्षाचे काम आहे. प्रतिक्रिया व्यक्त करणे हे काही पाप नाही, किंवा तो निर्णयही नाही. पक्षप्रमुखांचा आदेश सर्वांना मान्य असेल, असे ते म्हणाले. दरम्यान, पुलवामान हल्ल्यानंतर आम्ही आमचे कार्यक्रम पुढे ढकलले आहे.

याबाबत आम्हाला राजकारण करायचे नाही किंवा कोणावर बोलण्याची इच्छा नाही. अशा स्थितीत राहुल गांधी हे पंतप्रधान असते तरी शिवसेना व जनता त्यांच्या पाठीशी उभी राहिली असती, शेवटी हा देशाचा विषय आहे. अशी प्रतिक्रिया गुलाबराव पाटील यांनी दिली. यावेळी संपर्क प्रमुख संजय जगताप, आमदार किशोर पाटील, माजी आमदार चिमणराव पाटील, जिल्हाप्रमुख चंद्रकांत पाटील यांची उपस्थिती होती. दरम्यान, या बैठकीला प्रशांत किशोर यांच्या टीमच्या काही सदस्यांनी मार्गदर्शन केल्याची माहिती आहे.

[button color=”” size=”” type=”round” target=”” link=””]

आमदार-राज्यमंत्र्यांमध्ये खलबते

सहकार राज्यमंत्री गुलाबराव पाटील यांनी अजिंठा विश्रामगृहात बैठकीसंदर्भात माहिती दिली. आमदार सुरेश भोळे अजिंठा विश्रामगृहात उपस्थित होते. पत्रकार परिषद संपल्यानंतर आमदार भोळे व गुलाबराव पाटील, संपर्क प्रमुख संजय सावंत यांच्यात 4.45 वाजेच्या सुमारास बंददाराआड साधारण पंधरा ते वीस मिनिटे चर्चा झाली.

यानंतर ते शिवाजीनगर उड्डाणपुलाच्या भूमिपूजन सोहळ्याला रवाना झाले. लोकसभेत युती झाल्यानंतर आता विधानसभेची गणिते काय राहतील यासंदर्भात सर्वच पदाधिकारी व कार्यकर्त्यांमध्ये संभ्रमावस्था असेल त्या पार्श्वभूमीवर युतीच्या घोषणे आधी झालेली ही बैठक चर्चेचा विषय ठरली.

[/button]

Leave a Comment

Your email address will not be published. Required fields are marked *

*

error: Content is protected !!