Type to search

maharashtra आवर्जून वाचाच जळगाव

मारवड महाविद्यालयाच्या रासेयोचे डांगरी येथे सात दिवशीय विशेष हिवाळी शिबीर

Share

मारवड, ता.अमळनेर । वार्ताहर : मारवड येथील कै.न्हानाभाऊ मन्साराम तुकाराम पाटील कला महाविद्यालयात, राष्ट्रीय सेवा योजना  विभागामार्फत 31 डिसेंबर 2018 सोमवार ते दि.6 जानेवारी 2019 रविवारपर्यंत दत्तक गाव प्र.डांगरी ता.अमळनेर जि.जळगाव येथे सात दिवसीय विशेष हिवाळी श्रमसंस्कार शिबीराचे आयोजन करण्यात आले आहे.

सदर शिबीराचे उद्घाटन 31 डिसेंबर रोजी सकाळी ठिक 11 वाजता दिव्यांग विद्यार्थीनी कु.पल्लवी किशोर वाघ हिच्या हस्ते होणार असून यावेळी प्रमुख अतिथी म्हणून प्रा.डॉ.विजय बी.मांटे (जिल्हा समन्वयक, रा.से.यो.), प्रशांत बच्छाव (अप्पर पोलिस अधिक्षक, चाळीसगाव) समाधान पाटी हे उपस्थित राहणार आहेत.

उद्घाटन समारंभाचे अध्यक्ष म्हणून जयवंतराव मन्साराम पाटील (अध्यक्ष, ग्राम विकास शिक्षण मंडळ, उपाध्यक्ष, जळगाव जिल्हा शैक्षणीक संस्था चालक संघटना, जळगाव) हे राहतील. या प्रसंगी प्रमुख अतिथी म्हणून मारवडच्या ग्राम विकास शिक्षण संस्थेचे उपाध्यक्ष एल.एफ.पाटील, ऑन.सेक्रेटरी दिनेश शिसोदे, तसेच अनिल शिवदास शिसोदे सरपंच, प्र.डांगरी व सर्व सन्माननीय सदस्य उपस्थित राहतील.

शिबीर हे सात दिवस निवासी स्वरूपाचे असून यात 50 विद्यार्थी विद्यार्थीनी सहभाग घेतील. शिबीराच्या सात दिवसांच्या कालावधीत दत्तक गावात एन.एस.एस.स्वयंसेवक, स्वच्छ भारत अभियान, बेटी बचाओ-बेटी पढाओ, शिक्षण व आरोग्य, पर्यावरण व आपत्ती व्यवस्थापन, ग्रामीण विकास, पाणी व्यवस्थापन, पर्यावरण बचाओ रॅली, बेटी पढाओ सर्व्हे, स्पर्धा परिक्षा, शौचालय निर्मिती, सोशन मिडीया, वित्तीय साक्षरता, डिजीटलायझेशन असे विविध उपक्रम राबविणार आहेत.

तसेच दररोज दुपारी 2.30 ते 4.30 या वेळेत स्वयंसेवकांचे बौध्दिक प्रबोधन करण्यात येणार आहे. त्यात दि.31 डिसेंबर रोजी डॉ.प्रशांत कुलकर्णी (वैद्यकीय अधिकारी, प्रा.आ.केंद्र मारवड) यांचे वैयक्तीक स्वच्छता व नेत्रदान श्रेष्ठ दान, डॉ.सुरेखा हिरोळे यांचे स्त्री आरोग्य समस्या, दि.1 जानेवारी रोजी डॉ.गणेश पाटील यांचे अवयव दान व सिकलसेल,

दि.2 जानेवारी रोजी प्रा.डॉ.किशोर पाठक यांचे स्वच्छ भारत अभियान, दि.3 जानेवारी रोजी प्रा.डॉ.पी.एस.पाटील यांचे ग्रामिण विकास व राष्ट्रीय सेवा योजना, दि.4 जानेवारी रोजी प्रा.डॉ.मंजुषा खरोले यांचे बेटी बचाओ बेटी पढाओ, दि.5 रोजी प्रा.सतिश सोनार, शशिकांत पाटील, मार्तंड शेलकर यांचे पर्यावरण संरक्षण व पाणी व्यवस्थापन दि.6 जानेवारी रोजी समारोप व शिबीरार्थी विद्यार्थ्यांचे मनोगताचा कार्यक्रम होणार आहे.

तरी सदर शिबीरास उपस्थित राहून युवा शक्तीला प्रोत्साहन देण्याचे आवाहन मारवड महाविद्यालयाचे प्राचार्य डॉ.देसले, राष्ट्रीय सेवा योजना कार्यक्रम अधिकारी प्रा.जितेंद्र माळी, सहा.कार्यक्रम अधिकारी प्रा.डॉ.दिलीप कदम, महिला कार्यक्रम अधिकरी प्रा.डॉ.कु.नंदा कंधारे यांनी केेले आहे.

सदर शिबीर यशस्वीतेसाठी प्रा.डॉ.पवन पाटील (जिल्हा समन्वयक, विद्यार्थी विकास विभाग, कबचौउमवी,जळगाव) प्रा.सतिश पारधी, प्रा.डॉ.संजय महाजन, प्रा.व्ही.डी.पाटील, प्रा.डॉ.माधव वाघमारे, प्रा.विजय पाटील, श्री.के.व्ही.पाटील (प्रशासकीय अधिकारी, ग्रा.वि.शि.मंडळ, मारवड) तसेच सर्व शिक्षकेत्तर कर्मचारी, रा.से.योजना स्वयंसेवक व प्र.डांगरी ग्रामस्थांचे सहकार्य मिळत आहे.

Leave a Comment

Your email address will not be published. Required fields are marked *

*

error: Content is protected !!