एटीएम शुल्क आणि बचत खाते शुल्काच्या माध्यमातून सरकारी बँकांची तब्बल १० ,००० कोटी रूपयांची कमाई : अर्थमंत्र्यांची संसदेत माहिती

0

नवी दिल्ली :  एटीएम शुल्क आणि बचत खाते शुल्काच्या माध्यमातून सरकारी बँकांनी गेल्या साडे तीन वर्षांत तब्बल १०,००० कोटी रुपये कमवले असल्याची माहिती अर्थमंत्री अरुण जेटली यांनी लोकसभेत दिली आहे. दिव्येंदू अधिकारी यांनी बँकांचा नफा आणि एटीएमच्या स्थितीबद्दल लोकसभेत प्रश्न विचारला होता.

एका महिन्यांत एटीएममधून पाचहून अधिकवेळा पैसे काढल्यास बँका २०रुपये शुल्क आकारतात. तसंच एसबीआय वगळता इतर सर्व सरकारी बँका अपेक्षित नीच्चतम रक्कम जर बचत खात्यात नसेल तरीही खातेदारांकडून शुल्क वसूल करतात. एसबीआयने नीच्चतम रकमेवरील शुल्क वसूल करणं २०१२मध्ये बंद केलं होतं.

जनधन आणि इतर कल्याणकारी योजनांच्या खातेदारांकडून हे शुल्क वसूल केलं जात नाही. केवळ या शुल्काच्या मार्फत सरकारी बँकांनी तब्बल १०,००० कोटींची कमाई केली आहे.

खाजगी बँकाही या शुल्काच्या माध्यमातून कोट्यावधी रुपये कमवत आहेत.

एकही एटीएम बंद होणार नाही

देशातील ५० टक्के एटीएम लवकरच बंद होणार आहेत का असा प्रश्न विचारला असता देशातील सर्व एटीएम उत्तम स्थितीत असून एकही एटीएम बंद होणार नाही अशी ग्वाही जेटलींनी लोकसभेत दिली आहे. तसंच येत्या काळात एटीएमची संख्या वाढवण्याचाही प्रयत्न करणार आहे असं त्यांनी सांगितलं आहे.

LEAVE A REPLY

*