Type to search

Breaking News maharashtra आवर्जून वाचाच जळगाव मुख्य बातम्या राजकीय

#Video # डान्सबार सुरु होण्यासाठी तोडीपाणी झाली : अजित पवार

Share

मनोहर कांडेकर | चाळीसगाव । दि. 18 । प्रतिनिधी :  माजी गृहमंत्री आर.आर.पाटील यांची मी आज माफी मागतो. कारण शासन हे डान्सबार बंदी कायम ठेवू शकले नाही. लोकांचे आयुष्य उद्धवस्त करणार डान्सबाराला बंदी घालण्याचा चांगला निर्णय आर.आर.पाटील यांनी घेतला होता. परंतू शासनातर्फे न्यायायलात भक्कम बाजू न मांडल्यामुळे आज डान्सबार सुुरु करण्याचा निर्णय झाला. डान्सबार सुरु होणे हा आज काळ दिवस असून डान्सबार सुरु होण्यासाठी नक्कीच तोडपाणी झाल्याचा आरोप माजी उपमुख्यमंत्री अजित पवार यांनी येथे केले.

जिल्ह्यातील राष्ट्रवादी काँग्रेस पार्टीने निर्धार परिवर्तनाचा निमित्ताने पाहिला संपर्क यात्रा व जाहिर सभा शुक्रवारी संकाळी 11 वा. शहरातील बलराम व्यायाम शाळेच्या पटांगणावर झाली. यावेळी ते बोलत होते. व्यासपीठावर माजी उपमुख्यमंत्री छगनराव भुजबळ, राष्ट्रवादीचे प्रदेशाध्यक्ष जयंत पाटील, विरोधी पक्षनेते धनंजय मुंडे, जिल्हयाचे संपर्क नेते दिलीप वळसे पाटील, माजी खासदार वसंतराव मोरे, माजी आमदार राजीव देशमुख, दिलीप वाघ, चित्रा पाटील, तसेच जिल्ह्यातील सर्व प्रमुख नेत्यांची उपस्थिती होती.

पुढे बोलताना अजित पवार म्हणाले की, युपीए सरकारच्या काळात गुटखा बंन्दी, तंटामुक्ती गाव, संत गाडगे बाबा स्वच्छता अभियान, डान्सबार बंन्दी आदि निर्णय लोकप्रिय झाले होते. परंतू शासनाच्या नाकार्तपणामुळे आज डान्सबारवरील बन्दी उठविण्यात आली आहे. डान्साबर सुुरु होण्यासाठी काही अटी ठेवण्यात आल्या आहेत. परंतू ह्या अटी केवळ काहीचा हप्ता वाढविण्यासाठी आहेत. या निर्णयामुळे अनेकांची संसार उद्धवस्थ होणार आहेत. हे सरकार सुट-बुट वाल्याचे सरकार आहे, गरीबाचे नाही.

जिल्ह्याती पाण्याचा व चारा प्रश्न बिकट झाला आहे. परंतू अजुनही राज्यात कुठेही चारा छावण्या सुरु करण्यात आल्या नाहीत. तसेच अनेक गावाना पाण्याचे टॅन्कर सुरु करण्यात आले नाही, शासनाच्या जलयुक्तच्या कामाचा बोजवार उडले म्हणून टॅन्कर सुरु करण्यात आले नसल्याचे त्यांनी सांगतीले.

भाजपा रडीचा डाव खेळत आहे

पुढे बोलताना श्री.पवार म्हणाले की, नुकतेच कर्नाटक भाजपाने कॉग्रेसचे आमदार विकत घेण्याचा प्रयत्न केला. त्यासाठी 60 कोटी एका आमदाराला देवू केले. तर राज्यात देखील काही दिवसांपूर्वी मनसेच्या आमदारांना 1 कोेटी रुपय देवून विकत घेतले होेते. हा पैसा भाजपानेे आनला कुठून असा प्रश्न त्यांनी उपस्थितत केला. तसेच राज्यातील नगर परिषदांमध्ये भाजपाची सत्ता राहवी म्हणून आमच्या नगरसेवकांना अपात्र करण्याचा घाट घातला जात आहे. हे लोकशाहीला मारक असून भाजपा रडीचा डाव खेळत असल्याचा आरोप त्यांनी केला.

पुढे श्री.पवार यांनी शेतकरी कर्जमाफी, बेरोजगारी, शिवशाही बस, संभाजी भिडे, नागरीकांचे फोन टॅप करणे, नोटबंदी आदि प्रश्नावर फडणवीस सरकारवर प्रहार केला. संभाजी भिडे हा तुकाराम महाराज पेक्षा मनू श्रेष्ठ असल्याचे सांगतो. मनूचे कौतूक करुन, तो महाराष्ट्रातील संताचे महत्व कमी करण्याच प्रयत्न करीत आहेत. तसेच उद्धव ठाकरे आता आयोध्यात व पंढरपुरात जात आहेत. साडेचार वर्ष त्याना कोणी थांबवले होते का ? असा प्रश्न उपस्थित करुन, केवळ सत्तेसाठी सर्व बनवण्याचा धंदा भाजपा शिवसेनेच्या सरकारकडून चालू असल्याचे ते म्हणाले.

बाळासाहेबाशी पंगा घेतला, तुम्ही काय आहात-छगन भुजबळ

जो जास्त बोलतो, त्याला जास्त सहन करावे लागते. महाराष्ट्र सदन चांगले बांधले म्हणून मला अडीच वर्ष जेलमध्ये टाकले अजुनही सरकार माझावर गुन्हे दाखल करणार आहेत. वाह रे शासन तेरा खेळ, न्याय मागा तो होई जेल म्हणत, शासन जिथे जिथे कमी पडले आहे. तिथे मी त्यांच्यावर प्रहार करणारच आहे. मी बाळासाहेब ठाकरेशी पंगा घेतला आहे. तुम्ही काय आहात. असे आवाहन माजी उपमुख्यमंत्री छगनराव भुजबळ यांनी शासनाला यावेळी बोलताना दिले.

पुढे ते म्हणाले की, दिल्लीतील राष्ट्रपती भवनानतंर महाराष्ट्र सदन अशी एकमेव सुन्दर वास्तूचे निर्माण आमच्या शासनाच्या काळात झाले. त्यांच्या बांधकामाचे 100 कोटी रुपय सुध्दा अजुन शासनाने ठेकेदाराल दिले नाही. त्यात भष्ट्राचार कसा झाला. माझावरील सर्व आरोप निरधार असून शासनाला काहीच हाती लागले नाही.

निवडणुका आल्या म्हणून शासनाल ओबीसीचा अडीस कोटी रुपय देण्याचा कळवळा आला आहे. आगोदर ओबीसी विद्यार्थींच्या शिष्यवृत्ती शासनाने द्यावी, एमपीएससी परिक्षा पास विद्यार्थांना नोकरी समावून घ्यावे आदि मुद्दे त्यांनी उपस्थित केले. तसेच शासन हे जाती-जाती मध्ये भांडण लावण्याचे काम करीत असल्याचे ते म्हणाले. तसेच शेतकर्‍यांचा पीक विमा योजना हा शासनाच्या सर्वात मोठा भ्रष्ट्राचार असून 55 हजार कोटी रुपय अंबाणीच्या कंपनीला जात असल्याचे त्यांनी स्पष्ट केले. पुढे त्यांनी बेरोजगारी, महागाई, रॅफेल विमान घोटाला, राममंदीर आदि मुद्दयावर शासनाल घेरले.

संविधान विरोधी लोकांच्या विरुध्द लढाई उभी करा

दिल्लीत संविधान जाळणार्‍याना अभय दिला जातो, तर दुसरीकडे मनुस्मृती झाळणार्‍या आमच्या महिला कार्यकर्त्यावर गुन्हे दाखल केले जातात. त्यामुळे संविधान वाचवण्यासाठी संविधान विरोधी लोकांच्या विरुद्ध लढाई उभी करुन राष्ट्रवादीचे सरकार आणा असे आवाहन त्यांनी उपस्थितांना केले.

ऑनलाईन शेतकर्‍यांची फसवी कर्जमाफी  : धनंजय मुंडे

मुख्यमंत्र्यांनी साडेेचार वर्षापूर्वी निवडनुकीच्या वेळी शेतकर्‍यांच्या कर्जमाफीची घोषणा गेली होती. तसेच 7/12 कोरा करण्याचे देखील सांगतीले होते. शासनाने कर्जमाफी दिली, परंतू तिच्याच खुट्टी मारुन ठेवली आहे. पत्नीसह शेतकर्‍याला ऑनलाईन कर्जमाफीचा फार्म भरण्यासाठी बोलविण्यात जात असून ही ऑनलाईन कर्जमाफी फसवी असल्याचा आरोप विरोधी पक्षनेते धनंजय मुंडे यांनी केला.

पुढे बोलतांना ते म्हणाले की, फडणवीस सरकारत 16 मंत्र्यांनी 90 हजार कोटींचा रुपयांचा घोटाळ गेला आहे. आम्ही तो सभागृहात मंडलाही, मात्र देवेद्र फडणवीस आपल्या मंत्र्याना क्लिन चिट देवून मोकले झालेत. गेल्या चार वर्षात फडणवीस सरकारने महाराष्ट्रला बरबटून टाकले असून भ्रष्ट्रचारी चौकशी झाली पाहिजे.

महाराष्ट्राचा अपमान

पुढे ते म्हणाले की, गुजरात येथील सरदार वल्लभभाई पटेल यांच्या पुतळ्या पेक्षा कमी उंचीचा शिवाजी महाराजा पुतळा होण्यासाठी शिवाजी महाराजच्या पुतळ्याची उंची कमी करण्यात आली आहे. हा महाराष्ट्राचा अपमान आहे. त्यामुळे या स्वाथी सरकारला खाली खेचण्याचे आवाहन त्यांनी केले. पुढे त्यांनी रॅफेेल, व्यापम, निरव मोदी, महागाई, राममंदिर आदि विषयावर केद्र व राज्यातील सरकारवर प्रहार केला.

जळगाव जिल्ह्याचा माणसे  विकत घेण्याचा पॅर्टन : दिलीप वळसे पाटील

जळगाव व धुळे महापालिकेच्या निवडणुकांमध्ये भाजपाने जळगाव जिल्ह्याचा निवडणुका पॅर्टन वापरुन सत्ता मिळवळी आहे. परंतू हा पॅर्टन पैसे देवून माणसे विकत घेण्याचा असल्याचा आरोप मंत्री गिरीष महाजन यांचे नाव न घेता राष्ट्रवादीचे जिल्हयाचे संपर्क नेते दिलीप वळसे पाटील केला. यापुढे परिवर्तनाचा निर्धार करुन राष्ट्रवाची सत्ता आनण्याचे आवाहन त्यांनी केले.

10 टक्के आरक्षणातील आमदार विधानसभेत पाठवू नका :  जयंत पाटील

पाच राज्यातील निवडणुकींचा निकाल पाहता भाजपाची हवा निघून गेली आहे. त्यामुळे केंद्रा पासून ते राज्यात भाजपा सरकार नुसत्या घोषणा करत सुडले आहेत. न मागता देखील त्यांनी केंद्रात 10 टक्के आरक्षण दिले आहे. परंतू हे आरक्षण न्यायालयात टिकणार नाही. भाजपाचे आमदार बिघडलेले असून मुली पळवून नेण्याची भाषा ते करतात, त्यामुळे विधानसभेत 10 टक्के आरक्षणातील नव्हे, तर चांगल आमदार पाठविण्यासाठी राष्ट्रवादीच्या उमेदवारांना निवडणून द्या असे आवाहन राष्ट्रवादीचे प्रदेशाध्यक्ष जयंत पाटील यांनी केले.

प्रमोद पाटील यांच्या नावाचा उल्लेख
अजीत पवार यांनी आपल्या भाषणात बोलताना अनेक वेळा प्रमोद पाटील व रजीव देशमुख यांच्या नावाचा उल्लेख केला. त्यामुळे प्रमोद पाटील यांचा देखील राष्ट्रवादीकडून खासदारकीसाठी विचार केला जात असल्याचे जवळपास सिध्द झाले आहे.

यावेळी मा.आमदार राजीव देशमुख व प्रमोद पाटील यांनी आपले मनोगत व्यक्त केले. सभेसाठी तालुक्यातील मोठ्या संख्येने नागरिक व राष्ट्रवादीचे कार्यकर्ते उपस्थित होते. सुत्रसंचालन ता.आ.दिनेश पाटील व नगसेवक रामचंद्र जाधव यांनी केले.

Leave a Comment

Your email address will not be published. Required fields are marked *

*

error: Content is protected !!