वित्तमंत्री सुधीर मुनगंट्टीवार यांच्या चंद्रपूर येथील घरावर १९ जानेवारीला ग्रामपंचायत कर्मचाऱ्यांचा मोर्चा

0

चोपडा | प्रतिनिधी :     शासनाने ग्रामपंचायत कर्मचाऱ्यांना थकित व अनियमित आणि कमी पगाराचा प्रश्न सोडवणेसाठी पगारा करीता शंभर टक्के अनुदान द्यावे तसेच नगरपालिका कर्मचाऱ्यां प्रमाणे नगार अनूदान द्यावे तशी अर्थ संकल्पात तरतूद करावी यासाठी राज्याचे वित्तमंत्ती सुधीर मुनगट्टीवार यांच्या चंद्रपूर येथील घरावर येत्या १९ जानेवारीला ग्रामपंचायत कर्मचाऱ्यांचा मोर्चा काढण्यात येणार आहे .

त्यासाठी उद्या १८ जानेवारी शुक्रवारी सायंकाळी ५ वाजता भुसावळ येथील रेल्वे स्टेशनवर कर्मचाऱ्यांनी मोठ्या संख्येने जमावे असे आवाहन काॅ. अमृतराव महाजन यांनी केले आहे.

तालुक्यातील ग्रामपंचायत कर्मचाऱ्यांची बैठक पंचायत समितीत काॅ.रमेश पाटील यांच्या अध्यक्षतेखाली घेण्यात आली.यावेळी जिल्हा महासंघाचे अध्यक्ष काॅ.अमृतराव महाजन यांनी मार्गदर्शन केले.पंचायत समितीने कर्मचाऱ्यांना दिवाळीला अनुदानाची रक्कम समाधानकारक दिल्याने कर्मचाऱ्यां तर्फे  धन्यवाद दिलेत. यावेळी ग्रामपंचायत कर्मचाऱ्यां चे विविध मागण्यांचे निवेदन पंचायत समितीचे कार्यालय अधिक्षक पी.के.सपकाळे यांना दिलीप सोनवणे यांनी सादर केले.

याप्रसंगी  ग्रामपंचायत विस्तार अधिकारी जे.पी.पाटील, जगन्नाथ पाटील,तसेच रमेश शहा,बागूल आदी कर्मचारी उपस्थित होते.निवेदनात चोपडा तालुक्यातील ग्रामपंचायत कर्मचाऱ्यांची माहिती त्वरित अपडेट करावी,थकित पगारसह प्राव्हिडंट फंड रकमेचा भरणा करावा,आकृती बंध बाहेरील कर्मचाऱ्यांना किमान वेतन द्यावे आदी मागण्यांचा समावेश आहे.

यावेळी विस्तार अधिकारी जे.पी.पाटील म्हणाले कर्मचाऱ्यांची अपडेट माहिती जिल्हा परिषदेकडे वेळेवरच पाठविली जाईल.गत वेळे प्रमाणे कर्मचाऱ्यांना पगार मिळतील अशी व्यवस्था प्रशासन करीत असल्याचे आश्वासन त्यांनी दिले.

ग्रामपंचायत कर्मचाऱ्यांच्या मेळाव्यात काॅ. अमृतराव महाजन यांचेसह आदींनी मनोगत व्यक्त केले.मेळाव्याला ग्रामपंचायत कर्मचारी मोठ्या संख्येने उपस्थित होते.याप्रसंगी हिरामण धनगर,कांतीलाल पाटील,सुनिल कोळी,नथ्थू कोळी,रमेश पवार,रेवसिंग बारेला,रविंद्र पाटील अशोक पाटील,रमेश खैरनार,जगन पावरा आदीं उपस्थित होते.

LEAVE A REPLY

*