LOADING

Type to search

शेंदुर्णी नगर पंचायतीच्या सार्वत्रिक निवडणुकीत विनापरवाना ना. महाजनांनी फोडला प्रचार नारळ : गुन्हा दाखल

Breaking News maharashtra आवर्जून वाचाच जळगाव मुख्य बातम्या राजकीय

शेंदुर्णी नगर पंचायतीच्या सार्वत्रिक निवडणुकीत विनापरवाना ना. महाजनांनी फोडला प्रचार नारळ : गुन्हा दाखल

Share
दिग्विजय सूर्यवंशी | शेंदुर्णी,ता-जामनेर :    शेंदुर्णी नगर पंचायतीच्या सार्वत्रिक निवडणुकीच्या प्रचार नारळाच्या सभेची पूर्वपरवानगी घेतली नसल्याने आचारसंहितेचे उल्लंघन केल्याबाबत तक्रार येथील राष्ट्रवादी शहराध्यक्ष सुनील शिंपी यांनी निवडणूक आयोगाकडे केली होती. निवडणूक अधिकाऱ्यांनी तक्रारीची दखल घेत पहूर पोलीस स्टेशन अधिकारी सहाय्यक पोलीस निरीक्षक शिरसाठ यांना पत्र पाठविले होते. यावरून भाजपा शहराध्यक्ष सुनील शिंनकर यांच्या विरुद्ध भादवी कलम १७६ अ(ह) प्र.९ प्रमाणे प.ना.का.नं. ७६७/२०१८ नुसार गुन्ह्याची नोंद करण्यात आली आहे.

दि. १ डिसेंबर रोजी भाजपच्यावतीने निवडणूक प्रचाराला येथी त्रिविक्रम मंदिरामध्ये प्रचार नारळ फोडून सुरुवात करण्यात आली. तसेच, त्रिविक्रम मंदिराच्या सभागृहात जाहीर सभा घेऊन धार्मिक स्थळी प्रचार सभा घेतल्याने येथील राष्ट्रवादी तर्फे आक्षेप घेत निवडणूक निर्णायक अधिकार्यांकडे लेखी तक्रार दाखल केली असता सभेची पूर्वपरवानगी नसल्याचे समोर आल्याने निवडणूक निर्णायक अधिकार्यांनी गुन्हादाखल करण्याचे पत्र पहूर पोलीस ठाणे येथे दिले असता त्यावरून कार्यवाही करत भाजप शहराध्यक्ष तथा आयोजक सुनील शिंनकर यांच्या विरोधात दि.३ रोजी सुनील शिंपी यांची फिर्याद घेत गुन्हा नोदविण्यात आला आहे.

याबाबत पुढील तपास सुरु असल्याचे पहूर पोलीस स्टेशन मधून सांगण्यात आले.

नामादारांच्याच सभेची परवानगी नाही

प्रचाराचा नारळ फोडण्यासाठी ना. गीरीष महाजानांसह जिल्ह्यातील प्रमुख नेते आणि पदाधिकारी उपस्थित होते. यामध्ये भाजपा जिल्हाध्यक्ष उदय वाघ,तालुकाध्यक्ष चंद्रकांत बाविस्कर, भाजपा जिल्हाउपाध्यक्ष गोविंद अग्रवाल यांसह जिल्हा, तालुका आणि स्थानिक पदाधिकारी आणि कार्यकर्ते उपस्थित होते.

यामुळे ना. महाजनांची सभा घेताना परवानगी घेण्याची गरज न पडल्याने आश्चर्य व्यक्त करण्यात येत आहे.

Leave a Comment

Your email address will not be published. Required fields are marked *

*

error: Content is protected !!