Type to search

Breaking News आवर्जून वाचाच देश विदेश मुख्य बातम्या राजकीय

इस्लामाबादमधील सार्क परिषदेचं निमंत्रण भारताने फेटाळलं

Share

इस्लामाबाद  : २ वर्षांपासून ठप्प झालेली सार्क संवाद प्रक्रिया पुन्हा सुरू करण्यासाठी इस्लामाबादमधील सार्क परिषदेचं  निमंत्रण भारताने फेटाळलं.

दक्षिण आशियातील अफगाणिस्तान,बांग्लादेश ,भुतान, भारत , मालदीव,नेपाल,पाकिस्तान आणि श्रीलंका या देशांची राजकीय संघटना म्हणजे सार्क. या संघटनेच्या ध्येय धोरण निश्चितीमध्ये अफगाणिस्तान,भारत , बांग्लादेश,पाकिस्तान आणि श्रीलंका महत्त्वाची भूमिका बजावतात.

दरवर्षी दक्षिण आशियातील एका देशात सार्कच्या सर्व देशांची बैठक होत असे. २०१६मध्ये भारतीय लष्कराच्या उरीमधील तळावर पाकिस्तान प्रायोजित दहशतवाद्यांनी हल्ला केला. या पार्श्वभूमीवर सार्कच्या परिषदेत भाग घेण्यास भारताने नकार दिला. अफगाणिस्तान, श्रीलंका ,बांग्लादेश आणि नेपाळनेही भारताचीच री पुढे ओढली. त्यामुळे सार्कची संवाद प्रक्रिया ठप्प झाली. त्यानंतर गेल्या दोन वर्षांत सार्कची एकही बैठक झालेली नाही.

काही महिन्यांपूर्वी पाकिस्तानमध्ये सत्तांतर झाले. नवीन पंतप्रधान इमरान खान भारताशी संबंध सुधारण्यास उत्सूक आहेत. ‘ भारताने एक पाऊल पुढे यावं आम्ही दोन पाऊलं पुढे येऊ’ असं विधान ते कायमच करत असतात. नुकतंच भारतीय शिखांसाठी पाकिस्तानातील ‘करतारपूर गुरुद्वारे’चे दरवाजे खुले करण्यात आले. शिख धर्माचे संस्थापक गुरू नानक १८ वर्षं या गुरुद्वारेत वास्तव्य केले होते. करतारपूरचे दरवाजे उघडणं दोन्ही देशांचे संबंध सुधारू शकतात असं वक्तव्य खुद्द पंतप्रधान नरेंद्र मोदींनी केलं होतं.

आता हेच संबंध अधिक चांगले करण्यासाठी इस्लामाबादमध्ये होणाऱ्या सार्क परिषदेचं निमंत्रण भारताला देण्यात आलं. भारताने हे निमंत्रण नाकारलं आहे.’ सार्क हा आठ देशांचा समूह असून परिषद कुठे होणार याचा निर्णय सगळे देश मिळवून ठरवतात.

तेव्हा तारीख, जागा काहीही ठरलं नसताना सार्क परिषदेचं निमंत्रण देण्यासाठी पाकिस्तान सार्क समितीचे नेतृत्व करत नाहीत. सर्व देशांनी हिरवा कंदील दाखवल्यावरच सार्कची संवाद प्रक्रिया पुन्हा सुरू होईल’ अशी घोषणा भारतीय परराष्ट्र मंत्रालयाकडून करण्यात आली आहे.

बांग्लादेशमध्ये निवडणुका होत आहेत, श्रीलंकेत राजकीय अस्थिरता निर्माण झाली आहे तर अफगाणिस्तानमध्ये लोकशाहीच्या पुनरुज्जीवनाचे प्रयत्न सुरू आहेत. अशा परिस्थितीत हे देश तरी सार्कच्या प्रक्रियेत लक्ष घालणार नाहीत. त्यामुळे सार्कची प्रक्रिया पुन्हा सुरू होण्याची चिन्हं धुसर झाली आहेत.

Leave a Comment

Your email address will not be published. Required fields are marked *

*

error: Content is protected !!