Type to search

maharashtra आवर्जून वाचाच जळगाव

जमिनीशी नातं निर्माण करणारेच यशस्वी होतात : आशा व युवाशक्ती फौंडेशनच्या किल्ले बनवा स्पर्धेतील विजेत्यांना पारितोषिक वितरण

Share
जळगाव ।  प्रतिनिधी : मातीशी खेळणार्‍या माणसांची मातीशी नाळ जुळते व अशा माणसांचे मातीशी नाते जुळते. मातीशी नाळ जुळलेलेच जमिनीवर घट्ट पाय ठेवून यशस्वी होतात असे प्रतिपादन आ.राजूमामा भोळे यांनी केले. आशा व युवाशक्ती फौंडेशनच्यावतीने आयोजित किल्ला बनवा स्पर्धेच्या पारितोषिक वितरण प्रसंगी ते बोलत होते.

याप्रसंगी व्यासपीठावर अनुभूतीच्या संचालिका निशा जैन, रायसोनी मॅनेजमेंट इन्स्टिट्यूटच्या डॉ. प्रीती अग्रवाल, ज्येष्ठ पत्रकार दिलीप तिवारी, शिल्पा चोरडिया, आर्किटेक्ट निनाद कुळकर्णी, विराज कावडीया, अमित जगताप आदी उपस्थित होते.

प्रकल्प संचालक गिरीश कुळकर्णी यांनी प्रास्ताविक केले. स्पर्धेतील सहभागी दर्शन मराठे, आरती चौधरी तसेच परीक्षकांच्यावतीने आर्किटेक्ट निनाद कुळकर्णी यांनी मनोगत व्यक्त केले. निशा जैन यांनी विद्यार्थ्यांचे कौतुक केले व आपली संस्कृती जपण्याचा हा प्रयत्न आवश्यक व महत्वाचा असल्याचे म्हटले.

दिलीप तिवारी यांनी पंतप्रधान, आमदार, महापौर व मंचावरील विविध संस्थांचे प्रमुख हे आधुनिक किल्लेदार असल्याचे सांगितले. विद्यार्थ्यांना विधिमंडळाचा किल्ला दाखवावा असे आवाहन त्यांनी आ.राजुमामांना केले व त्यांनी तात्काळ होकार दिला.

दोन्ही संस्थांच्या कार्याचे व स्पर्धेचे सर्वांनी विशेष कौतुक केले. कार्यक्रमाचे सूत्रसंचालन व्यवस्थापिका सुजाता बोरकर यांनी आभार अमित जगताप यांनी मानले.

Leave a Comment

Your email address will not be published. Required fields are marked *

*

error: Content is protected !!