Type to search

maharashtra आवर्जून वाचाच जळगाव

वैद्यकीय क्षेत्रात उत्तम कामगिरी करणारे डॉ. गिरीष गर्गे, विशाखा गर्गे, डॉ. उदय तल्हार यांचा गौरव

Share

जळगाव । प्रतिनीधी  : धन्वंतरी जयंती उत्सवानिमित्त आयोजित कार्यक्रमात डॉ. गिरीष गर्गे, डॉ. विशाखा गर्गे व डॉ. उदय तल्हार यांचा धन्वंतरी पुरस्कार देवून त्यांचा गौरव करण्यात आला.

धन्वंतरी उत्सव जयंतीनिमीत्त धन्वंतरी पूजन, सत्कार समारंभाचे आयएमए सभागृहात आयोजन करण्यात आले होते. कार्यक्रमाच्या अध्यक्षस्थानी डॉ. राजेश पाटील हे होते. तर व्यासपीठावर आयोजक वैद्य पी. एस. चौधरी, वैद्य सी.व्ही. त्रिपाठी, प्रमुख अतिथी व व्याख्याते वैद्य जयंत जहागीरदार, सत्कारमूर्ती डॉ. शिरीष गर्गे, डॉ. विशाखा गर्गे आणि डॉ. उदय तल्हार आदी उपस्थित होते. कार्यक्रमाच्या सुरुवातीला उपस्थितांचा परिचय वैद्य उषा जगताप यांनी करुन दिला. त्यानंतर मान्यवरांच्या हस्ते सत्कारमुर्तींचा सत्कार करण्यात आला.

यावेळी भावना चौधरी, हेमंत बाविस्कर, आनंद दशपुत्रे, हर्षद त्रिपाठी, पराग जहागीरदार, आदित्य जहागीरदार यांच्यासह आयुर्वेद प्रेमी मोठ्या संख्येने उपस्थित होते. कार्यक्रमाचे सूत्रसंचलन दिपक शिरुडे यांनी केले.

पैशाकडे न पाहता काम करा – डॉ. जयंत जहागिरदार

व्याख्यानात बोलतांना डॉ. जयंत जहागीरदार म्हणाले की, प्रत्येकाकडून आपल्याला नेहमी काहीतरीर शिकायला मिळत असते. त्यामुळे तो लहान असो की मोठा प्रत्येक जण आपला गुरुच असतो. त्यामुळे वैद्यकीय क्षेत्रात काम करीत असतांना प्रत्येकाने पैशाकडे न बघता काम केले पाहिजे. असे केल्यास पैसा अपोआप तुमच्या मागे येईल असेही त्यांनी यावेळी सांगितले.

हे आहेत सत्कारमुर्ती

वैद्यकीय क्षेत्रातील उत्तम कामगिरी तसेच चांगली सेवा करणारे डॉ. शिरीष गर्गे, डॉ. विशाखा गर्गे आणि डॉ. उदय तल्हार तीघांचा कार्यक्रमात गौरव सत्कार करण्यात आला.

Leave a Comment

Your email address will not be published. Required fields are marked *

*

error: Content is protected !!