Type to search

maharashtra आवर्जून वाचाच जळगाव

बिंदू अाणि रेषा जिवनाची भाषा : अरुणभाई गुजराथी

Share
         चोपडा | प्रतिनिधी |  बिंदू बिंदु नी रेषा बनते आणि रेषांना अर्थ देते. अशाच बिंद आणि रेषांतून मानवी भावभावना चितारल्या जातात. म्हणूनच बिंदू व रेषा या जीवनाची भाषा आहे. असे मत विधानसभेचे माजी अध्यक्ष अरूण गुजराथी यांनी व्यक्त केले.

येथील भगिनी मंडळ संचलित ललित कला केंद्र,येथे मातृतुल्य डाॅ.सुशिलाबेन शाह उर्फ जीजी यांच्या दुसरा स्मृतिदिनानिमित्त अायोजित राज्य स्तरीय कलाशिक्षकांसाठी पोष्टर प्रदर्शनाचे उदघाटन विधानसभेचे माजी अध्यक्ष प्रा.अरुणभाई गुजराथी यांच्या हस्ते संपन्न झाले.

डाॅ.सुशिलाबेन शाह यांचे समाजकार्य उत्तुंग होते. साधी रहाणी उच्च विचार व सर्व सामान्य विद्यार्थ्यांच्या प्रती असलेला जिव्हाळा,गरीबांची मुले फी अभावी शिक्षणापासून वंचित राहू नये.या उदात भावनेने सर्व सामान्य विद्यार्थ्यांना व शिक्षकांना न्याय देण्याचा सतत प्रयत्न केला. त्यांच्या दुसऱ्या स्मृती दिनाचे औचित्य साधून ललित कला केंद्र या अनुदानित कला संस्थेने राज्यस्तरीय भित्तिचित्र स्पर्धेत विविध सामाजिक विषयांवर प्रबोधनात्मक चित्रणाचे विषय देवून स्पर्धेचे  अायोजन केले होते. स्पर्धेसाठी संपूर्ण राज्यातून सुमारे २३७ चित्रे प्राप्त झालीत.त्यातून बक्षिस पात्र चित्रांचे व त्या चित्रकारांचे प्रा.अरुणभाई गुजराथी यांनी कौतुक केले.

पोस्टर प्रदर्शन उदघाटन प्रसंगी माजी शिक्षक आमदार प्रा.दिलीपराव सोनवणे, नगराध्यक्षा मनिषा चौधरी व गटनेते तथा नगरसेवक जिवन चौधरी,चोसाका चेअरमन अतूल ठाकरे,पीपल्स बॅकेचे चेअरमन चंद्रहासभाई गुजराथी,संचालक नेमिचंद जैन, प्रसन्नभाई गुजराथी,आशिष गुजराथी,भगिनी मंडळाच्या अध्यक्षा तथा सिनेट सदस्या पुनमबेन गुजराथी, उपाध्यक्षा छायाबेन गुजराथी सहसचिव व नगरसेविका अश्विनी गुजराथी,प्रा.अाशिष गुजराथी,प्रा.सुरेश अलिझाड, कविवर्य अशोक सोनवणे, विभागीय उपाध्यक्ष दिनेश बाविस्कर,तालुका अध्यक्ष ए.पी.पाटील,जेष्ठ कलाशिक्षक पी.ए. महाजन यांचेसह आदी मान्यवर उपस्थित होते.

कार्यक्रमाचे प्रमुख पाहूणे व मान्यवर यांच्या शाल व श्रीफळ देवून सत्कार करण्यात अाला. कार्यक्रमाचे प्रस्थाविक प्राचार्य राजेंद्र महाजन यांनी व सुत्रसंचालन प्रा.संजय नेवे यांनी केले.प्रदर्शनाची मांडणी प्रा.गिरधर साळी,प्रा.सुनिल बारी,प्रा.विनोद पाटील यांनी तर सहकार्य भगवान बारी, अतुल अडावदकर,प्रविण मानकरी व विद्यार्थ्यांनी केले.

पोस्टर प्रदर्शन दि. २८ ऑक्टोबर २०१८ रविवार पर्यंत सकाळी १० ते संध्या.७ वाजे पर्यत सर्वांसाठी खुले राहील. कला प्रदर्शनीचा रसिक व नागरिकांनी लाभ घ्यावा असे अावाहन स्पर्धा प्रमुख प्रा.जी.व्ही. साळी व प्राचार्य राजेंद्र महाजन यांनी केले अाहे.

Leave a Comment

Your email address will not be published. Required fields are marked *

*

error: Content is protected !!