Type to search

Breaking News maharashtra आवर्जून वाचाच जळगाव मुख्य बातम्या

# Breaking # एटीएस पथकाचे रावेर यावल तालुक्यात चौकशी सत्र सुरू

Share
दहिगाव, ता. यावल : गेल्या तीन महिन्यापासून यावल तालुक्यातील साकळी येथील काही युवकांना एटीएस पथकाने चौकशी साठी ताब्यात घेतल्यानंतर यावल व रावेर तालुक्यातील विविध व्यक्तींवर एटीएस पथकाची पाळत आहे. त्यानुसार आत या पथकाने अत्यंत गोपनीय रित्या रावेर तालुक्यातील चिनावल येथून दहिगावात आलेल्या एका व्यक्तीची चौकशी करत त्याला सोबत घेवून गेले आहे.

याबाबत सविस्तर वृत्त असे की एटीएस पथकाचे काही अधिकारी आज दुपारी एक वाजेच्या सुमारास दहिगावात चिनावलचा एका इसमाच्या चौकशीसाठी दाखल झालेत. तो इसम मशिदीमध्ये नमाज पठण करण्यासाठी गेला असल्याने नमाज पठण होईपर्यंत हे पथक ठाण मांडून थांबले होते.

दहीगाव येथील शेख रफीक शेख शिवदास पठाण यांचा नातेवाईक असलेला हा इसम चिनावलहून आला होता. त्याचे धागेदोरे एटीएस पथकाला लागल्याने त्याचे चौकशीसाठी हे पथक दहिगावात दाखल झाले. दीड वाजेच्या सुमारास त्या व्यक्तीची त्यांनी कसून चौकशी केली व त्यास सोबत घेत रावेर मार्गाने घेऊन गेल्याची माहिती मिळत आहे.

गावात पथक दाखल झाल्याने संपूर्ण गावात चर्चेला एकच उधाण आले आहे. चौकशी नेमकी कोणती याबाबत चर्चा सुरू होती. सदर शेख पठाण यांच्याकडे विचारणा केली असता त्यांनी ते लोक वीज वितरण कंपनीचे होते. मीटर मध्ये गडबड असल्याने त्या चौकशीसाठी ते आले असल्याचे त्यांनी सांगीतले.

यासेबतच त्यांनी त्या व्यक्तीचा आमचेशी नाते संबंध असले तरी आम्हाला त्याबाबत काही एक माहीत नाही. आम्ही त्याचे नाव सांगू शकत नसल्याचे सांगीतले.

Leave a Comment

Your email address will not be published. Required fields are marked *

*

error: Content is protected !!