Type to search

maharashtra आवर्जून वाचाच जळगाव मुख्य बातम्या

वृत्तपत्र विक्रेत्यांचा प्रश्न सभागृहात मांडणार : आ.उन्मेष पाटील

Share
चाळीसगाव । प्रतिनिधी :  संघटीत कामगार हे आपल्या मागण्या पदरात पांडून घेत असतात. परंतू वृत्तपत्र विक्रेता हा संघटीत नसल्यामुळे त्यांचे प्रश्न मार्गी लागत नाही आहे. बांधकाम कामगारांप्रमाणे, वृत्तपत्र विक्रेत्यांना कायस्वरुपी योजनांचा लाभ कसा मिळेल, यासाठी त्या खात्यांच्या मंत्र्यांकडे पाठपुरवा करणार, वृत्तपत्र विक्रेत्याचे प्रश्न समागृहात मांडणार असून पुढील वृत्तपत्रविक्रेता दिनापर्यंत त्यांच्या पदरात नक्कीच काहीतरी पडलेले असेल, असे आश्वासन आमदार उन्मेष पाटील यांनी दिले.

भारताचे माजी राष्ट्रपती डॉ.ए.पी.जे.अब्दुल कलाम यांच्या जंयतीनिमित्ताने सोमवारी चाळीसगाव येथे वृत्तपत्र विक्रेता दिन चाळीसगाव वृत्तपत्र विक्रेता युनियनतर्फे साजरा करण्यात आला. यावेळी प्रमुख पाहुणे म्हणून आ.उन्मेष पाटील बोलत होते.

याप्रसंगी व्यासपीठावर जळगाव शहर पेपर विक्रेता संघटनेचे अशोक डहाळे, जिल्हा दुध संघाचे संचालक प्रमोद पाटील, शिवसेने तालुकाध्यक्ष रमेशआबा चव्हाण, प.स.चे उपसभापती संजय भास्कर पाटील, मा.प.स.सदस्य दिनेश बोरसे, भाजपाचे शहराध्यक्ष घृष्णेश्वर पाटील, डॉ.प्रमोद सोनवणे, नगरसेवक रामचंद्र जाधव, सुर्यकांत ठाकुर, भगवान राजपूत, दिपक पाटील आदि उपस्थित होते. सुरुवातील डॉ.कलाम यांच्या प्रतिमेचे पूजन व माल्यार्पण उपस्थित मान्यवर व वृत्तपत्रविक्रेत्यांच्या हस्ते करण्यात आले.

पुढे बोलतांना आ.उन्मेष पाटील म्हणाले की, वृत्तपत्र विक्रेत्यांसमोर डॉ.अब्दुल कलाम यांचा आर्दश आहे. या क्षेत्रात काम करता करता ते शिक्षण घेत आहे. आपल्या कुंटूबाला हातभार लावण्याबरोबरच ते आपले शिक्षण देखील पूर्ण करत आहे. चाळीसगाव तालुक्यातील वृत्तपत्र विक्रेत्यांना वैयक्तीकरित्या कुठलीही अडचण आल्यास ती सोडविण्यास आम्ही सर्व जण प्रयत्न करुन, तसेच गरजू वृत्तपत्र विक्रेत्यांचा शैक्षणिक खर्च सुद्धा आम्ही उचलू.

शासनाच्या वैद्यकिय सुविध्दांचा लाभ ह्या वृत्तपत्र विक्रेत्यांना मिळवून देवूच, याउपरही कुठल्याही प्रकारच्या वैद्यकिय खर्चाची बाब असेल तर आम्ही त्यासाठी सर्वात्तोपरी मदत करणार असल्याचे त्यानी सांगीतले.

पुढे ते म्हणाले की, ज्या वृत्तपत्र विक्रेत्याकडे पिवळे शेषन कार्ड नाही, आशांकडे जर केशरी कार्ड असेल तर त्यांना सुध्दा पधरा दिवसात पिवळ्या रेशनकार्ड प्रमाणे रेशन दिले जाईल.

यावेळी प्रमोद पाटील, डॉ.प्रमोद सोनवणे, दिनेश बोरसे, रामचंद्र जाधव, देशदूतचे उपसंपादक मनोहर कांडेकर आदिनी आपल्या मनोगतातून वृत्तपत्र विक्रेत्याच्या समस्या त्वरित सुटण्यासाठी आ.उन्मेष पाटील यांना विधानसभेत प्रश्न उपस्थित करण्याची मागणी केली.

याप्रसंगी चाळीसगाव वृत्तपत्रविक्रेता युनियनचे अध्यक्ष संजय बडगुजर, उपाध्यक्ष मधुकर गुंजाळ, सचिव अनिल बोरसे, जेष्ठ वृत्तपत्र विक्रेते चंद्रकांत काकरीया, सुभाष अमृतकार, भास्कर चिकने, गोकुळ सोनजे, भरत पाटील, दिपक पवार, योगेश गायकवाड, पिटु सोनार, आमोल शिनकर, विजय गायकवाड, योगेश अमृतकार, छोटु बोरसे, गितेश कुंभार, गणेश चव्हाण, नितिन शिंदे, निलेश आहिरे, सौरभ पाटील, इंद्रजित बोरसे, सिध्दांत बोरसे आदि वृत्तपत्र विक्रेते उपस्थित होते.

सुत्रसंचालन अमोल नांदकर यांनी केले, तर आभार जेष्ठ वृत्तपत्रविक्रेते भिकन वाणी यांनी मानले.

Leave a Comment

Your email address will not be published. Required fields are marked *

*

error: Content is protected !!