Type to search

maharashtra आवर्जून वाचाच जळगाव नवरात्री

मुलांप्रमाणेच मुलीच्या जन्माचे स्वागत करण्याचा जागर व्हावा

Share
प्रत्येक दिवस आज नव विचार, नव्या जाणीवा घेऊन जन्माला येत आहे. आजचा समाजही नव्या बदलांना सामोरा जात आहे. अशावेळी आजच्या स्त्रीने या उगवत्या सूर्याच्या किरणांवर आरूढ होऊन स्वत:मध्ये आणि समाजातही बदल घडवून आणायला शिकले पाहिजे.

यासाठी आजची महिला अधिक सक्षम, सबळ, निर्भयपणे कोणत्याही संकटाला सामोरे जाणारी, पुरूषांच्या बरोबरीने खांद्याला खांदा लावून काम करणारी, प्रगतीपथाचा ध्वज खांद्यावर घेऊन प्रत्येक क्षेत्रात आपले स्वतंत्र अस्तित्व घडविणारी असली पाहिजे. शिक्षणामुळे महिलांना आज अनेक क्षेत्रात करिअरची संधी मिळाली आहे.

त्यामुळे शैक्षणिक, सामाजिक, सांस्कृतीक, क्रीडा, राजकीय अशा सर्व क्षेत्रात महिलांनी गगनभरारी घेतली आहे. तरी अजूनही अनेक ठिकाणी मुलीचे महत्व न जाणल्याने ‘मुलगाच वंशाचा दिवा’ या अंधश्रध्देपोटी स्त्री-भ्रुणहत्त्या, मुलगी झाल्याने सुनेचा छळ असे प्रकार होत असतात.

मुलीच्या जन्माचे स्वागतच झाले पाहीजे. नवरात्रोत्सवाच्या निमित्ताने सांगावेसे वाटते की, साक्षर महिलाच प्रगत समाज घडवू शकतात. मुली, महिलांनो साक्षर व्हा, निर्भय व्हा, आपल्यावर होणार्‍या अन्यायाचा प्रतिकार करायला शिका, कोणतेही काम आत्मविश्वासाने करा यश तुमचेच आहे.

– सौ.रेखा कोळंबे, बी.यू.एन.रायसोनी मराठी प्राथ. मुख्याध्यापीका.

Leave a Comment

Your email address will not be published. Required fields are marked *

*

error: Content is protected !!