Type to search

maharashtra आवर्जून वाचाच जळगाव नवरात्री

सुसंस्कृत समाजात स्त्री सुरक्षिततेसाठी कायद्याची मदत घ्यावी लागणे दुर्देवीच !

Share
आदिशक्ती म्हणून स्त्रीशक्तीचा गौरव केला जातो. विशेषत: महिला दिनी व नवरात्रोत्सवात तर स्त्री सामर्थ्याचा अभूतपूर्व जागर होत असतो. वास्तवात आजही ही आदिशक्ती कोणाच्या तरी कृपेवर जगते असेच वातावरण बव्हंशी आढळते.

महिला सक्षमीकरण, स्त्री स्वातंत्र्य हे केवळ बोलाची कढी अन् बोलाचाच भात असल्याचे अनुभव पावलोपावली येत असतात. विविध क्षेत्रे आज महिलांनी पादाक्रांत केली असली तरी प्रत्यक्षात जिथे ती आपल्या कर्तृत्वाचा ठसा उमटविते त्या ठिकारी तिची कशी अक्षम्य हेळसांड होते. मग अशा ठिकाणी महिला सुरक्षित राहाव्या यासाठी यंत्रणेला कायद्याची मदत घ्यावी लागते.

पण दुर्दैव असही आहे की, आताच्या काळात स्त्री ही सुरक्षित नाही. स्त्रीकडे बघण्याचा समाजातील लोकांचा दृष्टीकोन बदलण्याची. विवेकानंदांनी सांगितल्याप्रमाणे स्त्री आणि पुरूष हे समाजरूपी पक्षाचे दोन पंख आहेत आणि हे दोनही पंख जोपर्यंत सारख्या क्षमतेचे असणार नाही तोपर्यंत समाजरूपी पक्षी भरारी घेऊ शकणार नाही.

स्त्रीला देण्यासाठी सर्वात मोलाची भेट म्हणजे तिचा सन्मान आणि हा सन्मान जर प्रत्येक स्तरातील स्त्रीला दिला गेला तर तिचे मानवी हक्के तिला अनुभवता येतील आणि जर अशी व्यवस्था समाजात झाली तर नक्कीच ‘स्त्री शक्तीचा जागर’ होईल.

– आदिती लिलाधर ठोसर
जे.टी.महाजन, पॉलिटेक्नीक, फैजपूर

Leave a Comment

Your email address will not be published. Required fields are marked *

*

error: Content is protected !!