Type to search

maharashtra आवर्जून वाचाच जळगाव नवरात्री

स्त्रीयांना समजून घेत त्यांना मदत करण्यातच पुरूषार्थ

Share
स्त्री म्हणजे शक्ती, पुरुष म्हणजे सहन शक्ती. असे जोक काही वेळेस सोशल मिडीयाच्या माध्यमातून वाचल्यावर हसू येतही असेल कदाचित. पुरुषांना तर नक्कीच. त्याबाबत खर्‍या अर्थाने विचार केल्यास स्त्रियांनी आपल्यावर शोषण, आरोप करण्याचे अधिकार अनेक काळापासूनच पुरुषांना दिलेले आहेत.

हसत अपमान सहन करणे, प्रत्येकजागी आधी पुरुषांना मान देणे हे स्त्रीने सहजपणे आपल्या स्वभावात सामील करून घेतले आहेत किंवा लहानपणापासून तिला ही शिकवण मिळाली असावी. आणि ही शिकवण मिळाली नसली तरी घरात, समाजात हेच बघत-बघत ती मोठी झाली आणि तिने आपोआप दबून राहायचे असा निश्चय केला नसला तरी तिच्या वागणुकीत याच्या विरोधही दिसून आलेला नाही.आपण लाख म्हणतो की आज स्त्रियांच्या परिस्थित खूप सुधार झाला. त्या खाद्यांला खांदा देऊन चालतात.

पण खरं बघायला गेलं तर हे फक्त एक वर्ग विशेषपर्यंत मर्यादित आहे. परिस्थिती बदलली आहे आणि बदलत आहे यात शंकाच नाही पण अजूनही खूप काही बदलली पाहिजे. यासाठी स्रीयांनीच स्वतः स्वयसिद्ध होणे आवश्यक आहे. वेळ प्रसंगी आपल्यातील नारी शक्तीचे रूप दाखविले पाहिजे पूरूषांनी देखील तिला समजून घेतले पाहिजे.

स्त्री पुरूष हे विभिन्न असले तरी ते एकमेकास पुरक आहेत. त्यामुळे त्यांनी ऐकमेकांना समजून घेणे गरजेचे आहे. अन्याय, अत्याचार कोणालाही सहन होत नाही. मग ते स्त्रीनेच का सहन करावे. किमान याबात तरी सुशिक्षीतांमध्ये विचारमंथनासह कृती होणे गरजेचे आहे.

सौ. रिटा भूपेंद्र बाविस्कर, प्रदेश सरचिटणीस राष्ट्रवादी महाराष्ट्र ग्रंथालय सेल

Leave a Comment

Your email address will not be published. Required fields are marked *

*

error: Content is protected !!