कृषी उत्पन्न बाजार समित्यांचे अधिकार मर्यादित करण्याचा डाव : आ.एकनाथराव खडसे यांचा दावा

0

रावेर, । । प्रतिनिधी :  बाजार समित्यांवर शेतकरी सभासद कायदा समंत झाल्याने, राज्यातील बाजार समित्यावर आगामी कालखंडात निवडणुकीसाठी कोट्यवधी रुपयांचा बोझा पडणार आहे. राज्यातील 16 बाजार समित्या वगळल्या तर अन्य समित्याची निवडणुका घेण्याची क्षमता नाही. कृषी उत्पन्न बाजार समितीवर एका बाजुने खाजगी बाजार समित्यांना प्रधान्य देण्यात आले आणि दुसर्‍या बाजूने कृषी उत्पन्न बाजार समित्यांचे अधिकार मर्यादित करण्याचा डाव होत आहे. निवडणुकांच्या बाबतीत सरकार निर्णय घेतला गेल्याने, निवडणूकांचा बेसुमार खर्च बाजार समित्यांवर लादला जाणार असल्याने आगामी काळात शेतकर्‍यांच्या बाजार समित्या अडचणी येणार आहे. त्यासाठी सहकारातील मंडळीनी जागरूक राहून काम करावे, असे आवाहन करून माजी मंत्री एकनाथराव खडसे यांनी सहकाराबाबत सरकारच्या भूमिकेवर त्यांनी लक्ष्य केले.

ऐनपूर येथील जगन्नाथ पाटील यांच्या निवासस्थानी बाजार समितीचे सभापती राजीव पाटील,उपसभापती कैलास सरोदे,आदर्श मुख्याध्यापक पुरस्काराचे मानकरी एन.व्ही.पाटील यांचा संयुक्त सत्कार सोहळा आयोजित करण्यात आला होता. यावेळी माजी मंत्री यांनी सहकारबाबत सरकारी धोरण यावर आपले विचार मांडले.

याप्रसंगी नुकताच राज्यमंत्री पदाचा दर्जा मिळालेले गुरुमुख जगवाणी, माजी आमदार अरुण पाटील, शिरिष चौधरी, जिल्हा परिषद उपाध्यक्ष नंदकिशोर महाजन, मसाकाचे चेअरमन शरद महाजन, जि.प. सदस्य आत्माराम कोळी, कृउबा संचालक पितांबर पाटील, निळकंठ चौधरी, श्रीकांत महाजन, मसाका व्हा. चेअरमन भागवत पाटील, शिवाजी पाटील, शेतकी संघाचे चेअरमन पी.आर.पाटील,निवृत्ती पाटील, रमेश पाटील, पंस सदस्य जितु पाटील, दिपक पाटील, किसान सभा जिल्हा अध्यक्ष सोपान पाटील, वसंतराव महाजन, प्रल्हाद पाटील (मोरगाव ), हरिष गणवानी, ज्ञानेश्वर महाजन, मोहन पाटील(निंबोल), गजानन महाजन (लोणी), व.पु.होले,कडू पाटील (नेहता), डॉ.जगदीश पाटील व मान्यवर उपस्थितीत होते. यावेळी माजी आमदार अरुण पाटील,शिरिष चौधरी, जिल्हा परिषदेचे उपाध्यक्ष नंदकिशोर महाजन, माजी मसाका संचालक लिलाधर पाचपांडे,यांनी देखील मनोगते मांडली.

माजी मंत्री आ. खडसे म्हणाले, की खाजगी बाजार समित्यांशी स्पर्धा करत असताना, त्यांच्यावर मर्यादा न उलटपक्षी कृषी उत्पन्न बाजार समित्यांचे अधिकार मर्यादित केले. बाजार समितीला दीड टक्के सेस, खाजगी बाजार समिती अर्धा टक्के सेस हि तफावत असल्याने, शेतकरी खाजगी समित्यांकडे वळत आहे. यापूर्वी तालुकाभरात शेतमाल खरेदीचे संपूर्ण अधिकार बाजार समितीला होते त्यावर नियंत्रण देखील बाजार समितीचे होते.आता सरकारने कायदा आणल्या नंतर दोन सुधारणा झाल्या, पहिली सुधारणा काँग्रेस च्या काळात झाली, त्यात खाजगी बाजार समित्यांना परवानगी देण्यात आली. यामुळे खाजगी व्यापारी बाजार समित्याशी स्पर्धा करू लागले,त्यांच्यावर सरकारने नियंत्रण ठेवले नाही.

बाजार समित्यांचे अधिकार कमी करून अधिकार मर्यादित केले.आगामी काळात निवडणुकीचा कायदा मंजूर झाला आहे.यापुढे बाजार समित्यावर निवडून येताना नाके नउ येणार आहे. शेतीचा जो खातेदार आहे,त्यांना बाजार समितीला मतदानाचा अधिकार आल्याने, निवडणुकांचा कोट्यवधी रुपयांचा खर्चाचा बोझा बाजार समित्यावर पडणार आहे. राज्यात फक्त 16 बाजार समित्या निवडणुकीला सामोरे जाण्यासाठी सक्षम आहे.

त्या व्यतिरिक्त जिल्ह्यातील बाजार समित्यांची परिस्थिती निवडणुका चा खर्च पेलणे शक्य होणार नाही.बाजार समिती शेतकर्यासाठी महत्वाचा दुवा असल्याचे त्यांनी सांगितले. कार्यक्रम यशस्वीतेसाठी तंटामुक्ती अध्यक्ष जगन्नाथ पाटील, काशिनाथ पाटील यांनी परिश्रम घेतले. कार्यक्रमाचे सुत्रसंचालन विकास अवसरमल यांनी केले.

राजीव पाटील 65 चे 61 करणारे नेते आहे.त्यांना हे खेळ जमतात असे विधान करून माजी आमदार अरुण पाटील यांनी राजीव पाटील यांच्यावर कोपरखळी मारली,यावर पलटवार राजीव पाटील यांनी करत सांगितले कि,दादा मी 65 चे 61 अशा उलट्यापालट्या मारत नाही.तर राजीव पाटील यांनी बाजार समित्याच्या कार्यक्षेत्रात शेतकर्‍यांची फसवणूक केली जाते.सानियाकाद्री ने माझ्या सकट 7 कोटी रुपये बुडवले यासाठी आगामी काळात बाजार समितीच्या माध्यमातून सक्षम कायदा करणार असल्याचे त्यांनी सांगितले.

LEAVE A REPLY

*