यावल नगरपालिकेचे दोन नगरसेवक अपात्र

0
 यावल |  यावल । प्रतिनिधी : येथील नगरपालिकच्या दोघा नगरसेवकांना जिल्हाधिकार्‍यांनी अपात्र घोषीत केले आहे.

पक्षादेशाचा अवमान केल्याने दाखल झालेल्या तक्रारींवर जिल्हाधिकार्‍यांनी हा निर्णय दिला आहे. त्यामुळे यावल न.पा.सह नगरसेवकांमध्ये मोठी खळबळ उडाली आहे.

याबाबत सविस्तर वृत्त असे की यावल नगरपालिकेतील शहर विकास आघाडीचे गटनेते व माजी नगराध्यक्ष अतुल वसंतराव पाटील यांनी विविध विषय समित्यांच्या सभापती पदाच्या दिनांक 15 जानेवारी 2018 रोजी झालेल्या सभापती पदाच्या निवडणुकीत  सुधाकर धनगर यांना सौ देवयानी महाजन यांना पाणीपुरवठा सभापती पदासाठी सुचक किंवा अनुमोदक होण्यासाठी व त्यांना निवडून आणण्यासाठी पक्षादेश बजावला होता.

मात्र धनगर यांनी पक्षाचे उल्लंघन करून स्वतः पाणीपुरवठा सभापती पदासाठी उमेदवारी अर्ज दाखल केला होता त्यामुळे पक्ष देशाचे उल्लंघन झाले होते म्हणून त्यांना अपात्र करण्यात यावे यासाठी दिनांक 5 2 2018 रोजी जिल्हाधिकारी यांच्याकडे त्यांना अपात्र करावे यासाठी प्रस्ताव दाखल केला होता त्या अनुषंगाने दिनांक 26 7 2018 रोजी सुनावणी पूर्ण होऊन आज त्यांना अपात्र घोषित करण्यात आले आहे.

त्याचप्रमाणे महर्षी व्यास शहर विकास आघाडीचे गटनेते राकेश कोलते यांनी त्यांच्या गटातील नगरसेविका सौ रेखा युवराज चौधरी यांना पक्षादेश बजावला होता. सभापती निवडणुकीत रुख्‍माबाई भालेराव यांना सूचक किंवा अनुमोदक व्हावे असा पक्षादेश दिलेला होता. परंतु सौ रेखा चौधरी यांनी रुक्माई भालेराव यांना सुचक तर काँग्रेसच्या साई दाबी शेख हारून यांना अनुमोदक म्हणून स्वाक्षरी दिलेले होते.

त्यामुळे पक्षा देशाचे उल्लंघन झाले होते म्हणून गटनेते राकेश कोलते यांनी जिल्हाधिकारी जळगाव यांच्याकडे रेखा चौधरी यांना अपात्र करण्यासाठी याचिका दाखल केली होती त्या अनुषंगाने सुनावणी पूर्ण होऊन आज रोजी जिल्हाधिकारी  किशोर राजे निंबाळकर यांनी रेखा चौधरी यांना आज पासून अपात्र घोषित केलेले आहे.

पक्षा देशाचे उल्लंघन केल्याने यावल नगरपालिकेचे नगरसेवक सुधाकर आनंदा धनगर व नगरसेविका सौ रेखा युवराज चौधरी यांना आज जिल्हाधिकारी श्री किशोर राजे निंबाळकर यांनी अपात्र घोषित केले आहे

वरील कामकाजादरम्यान  अतुल वसंतराव पाटील व राकेश कोलते यांच्या तर्फे एडवोकेट विश्वासराव भोसले यांनी कामकाज पाहिले.

यावल नगरपालिकेच्या शहर विकास आघाडी व महर्षी व्यास शहर विकास आघाडी या गटातून फुटून सत्ताधारी गटात सामील झालेल्या दोन नगरसेवकांवर अपात्रतेची कारवाई झाल्यामुळे सत्ताधारी गटांमध्ये खळबळ निर्माण झाली असून विरोधी गट पुन्हा प्रभावी ठरला असल्यामुळे शहरांमध्ये चर्चा सुरू झाली आहे

 स्वार्थासाठी कोलांट-उड्या मारणाऱ्यांना धडा मिळाला : अतुल पाटील

नगरपरिषद निवडणुकीत निवडून आल्यानंतर गट स्थापन करण्यात आला होता त्यामुळे आघाडीच्या गटनेत्यांनी दिलेल्या आदेशाचे वेळोवेळी पालन करणे आवश्यक होते व आघाडी सोबत राहणे आवश्यक असतांना मात्र स्वतःच्या राजकीय व आर्थिक फायद्यासाठी शहर विकास आघाडी व महर्षी व्यास विकास आघाडी सी गद्दारी करणाऱ्या व पर्यायाने शहरातील जनतेशी गद्दारी व प्रभागातील मतदारांची फसवणूक करून सत्ताधारी गटात सामील झालेल्या गद्दार नगरसेवकांना या निकालामुळे धडा मिळालेला असून आयाराम गयाराम नगरसेवकांना देखील या निकालामुळे चाप बसणार आहे जिल्हाधिकारी यांनी दिलेल्या निकालामुळे समाधानी असून न्यायदेवतेवर आमचा पूर्ण विश्वास आहे.

LEAVE A REPLY

*