Type to search

maharashtra आवर्जून वाचाच जळगाव

पद, प्रतिष्ठा, सत्ता डोक्यात जावू देवू नका !

Share
जळगाव । प्रतिनिधी :  पद, प्रतिष्ठा आणि सत्ता या गोष्टी डोक्यात गेल्या की, र्‍हास झाला असं समजा! त्यामुळे या गोष्टी डोक्यात जावू देवू नका? असा सल्ला मुख्यमंत्री देवेंद्र फडणवीस यांनी महापालिकेत विजयी झालेल्या भाजप नगरसेवकांना दिला.

मुख्यमंत्री देवेंद्र फडणवीस हे जळगाव शहराच्या दौर्‍यावर आले होते. जिल्हा आढावा बैठकीनंतर दुपारी जिल्हा नियोजन सभागृहात भाजपच्या नगरसेवकांची त्यांनी संवाद साधला. यावेळी व्यासपीठावर पालकमंत्री ना.चंद्रकांत पाटील, जलसंपदामंत्री ना.गिरीष महाजन, खा.ए.टी.पाटील, आ.राजूमामा भोळे, आ.चंदुलाल पटेल, आ.स्मीताताई वाघ, आ.चंद्रकांत सोनवणे, आ.उन्मेश पाटील, आ.शिरीष चौधरी, जि.प.अध्यक्ष ना.उज्वला पाटील, महापौर सीमा भोळे, उपमहापौर अश्विन सोनवणे उपस्थित होते.

पुढे बोलतांना मुख्यमंत्री फडणवीस म्हणाले की, जळगाव शहर महानगरपालिकेत प्रचंड मोठा विजय मिळविला आहे. भाजपाचे 57 नगरसेवक निवडून आले आहेत. विजय जेवढा मोठा असतो, तेवढ्या अपेक्षा मोठ्या असतात. त्यामुळे विकास आणि व्यवहारातुन जनतेला सकारात्मक उत्तर द्यायचे असल्याचेही ते म्हणाले.

विकासासाठी निधी कमी पडू देणार नाही!

जळगाव शहराचा चेहरा-मोहरा बदलवायचे आहे. जलसंपदामंत्री ना.गिरीष महाजन, आ.राजूमामा भोळे यांच्या नेतृत्वात भाजपची सर्व नगरसेवक काम करीत आहेत. शहराच्या विकासकामांसाठी निधी कमी पडू देणार नाही, असे आश्वासन देखील मुख्यमंत्री देवेंद्र फडणवीस यांनी दिले.

Leave a Comment

Your email address will not be published. Required fields are marked *

*

error: Content is protected !!