Type to search

maharashtra आवर्जून वाचाच नंदुरबार मुख्य बातम्या

# Photo Gallery # युवारंग जिल्हानिहाय केल्याने विद्यार्थ्यांच्या कलेला संधी : प्र- कुलगुरू डॉ. पी.पी. माहुलीकर

Share

जळगाव| दि.6 :  पुर्वी विद्यापीठाच्या तीनही जिल्ह्याचा एकत्र एकाच वेळी युवारंगाचे आयोजन केले जात होते त्यामुळे अनेक विद्याथ्र्यांना इच्छा असून देखील आपल्या कला गुणांचे सादरीकरण करता येत नव्हत सहभाग नोंदविता येत नव्हता आता युवारंग हा जिल्हावार सुरु केल्यामुळे विद्यार्थ्यांना आपल्या कला गुणांचे सादरीकरण करुन आपल्या कला सादर करण्याची संधी उपलब्ध झाली आहे. असे प्रतिपादन कवयित्री बहिणाबाई चौधरी उत्तर महाराष्ट्र विद्यापीठाचे प्र-कुलगुरू प्रा.डॉ.पी. पी. माहुलिकर यांनी नंदूरबार जिल्हास्तरीय विभागाचा युवक महोत्सवाच्या उद्घाटन समारंभ प्रसंगी केले.

कवयित्री बहिणाबाई चौधरी उत्तर महाराष्ट्र विद्यापीठ आणि च.ह.चौधरी कला, शं.गो.पटेल वाणिज्य व  बाबाजी भ.जा.पटेल  विज्ञान महाविद्यालय, तळोदा यांच्या संयुक्त विद्यमाने तळोदा येथे नंदूरबार जिल्हास्तरीय विभागीय युवक महोत्सवाच्या उद्घाटन समारंभाच्या अध्यक्षस्थानी अध्यापक शिक्षण मंडळ, तळोदाचे उपाध्यक्ष एस.जी. माळी हे होते. कार्यक्रमाचे उद्घाटन प्र-कुलगुरू प्रा.डॉ.पी.पी.माहुलिकर यांनी दिपप्रज्वलन करून केले.

सुरवातीस स्वागत गीत अदिवासी भाषेतून सादर करुन युवारंग गीत वाजविण्यात आले. सरस्वती, नटराज व बहिणाबाई चौधरी यांच्या प्रतिमांना पुष्प अर्पण करण्यात आले.

या वेळी आमदार तथा अधिसभा सदस्य मा.उदेसिंगदादा पाडवी, नगराध्यक्ष अजयभौय्या परदेशी, उपनगरध्याक्षा सौ. भाग्यश्री चौधरी, युवारंग महोत्सवाचे कार्याध्यक्ष तथा व्यवस्थापन परिषदचे सदस्य मा. दिलीप रामू पाटील, व्यस्थापन परिषदेचे सदस्य, प्राचार्य डॉ.डी.एस.सुर्यवंशी, प्रा.डॉ.एम.टी.पावरा, विवेक लोहार, अधिसभा सदस्य ,अमोल मराठे, प्रा.दिनेश खरात, जी.वाय. पाटील, प्रा.एस.आर.गोसावी आयोजक महाविद्यालयाचे प्राचार्य डॉ.पी.व्ही.रामौय्या, समाजकार्य महाविद्यालयाचे प्र.प्राचार्य डी.एस.माळी, प्राचार्य डॉ.एम.एस. रघुवंशी, अक्कलकुवा,प्राचार्य डॉ.बी.एस.पाटील,खापर, प्राचार्य ए.एन.पाटील,शहादा, प्राचार्य ए.एस. भोळे,खापर, प्राचार्य जे.एन.पाटील, प्राचार्य संपतभाई वसावे,मोलगी महाविद्यालय, महाविद्यालयाने दत्तक घेतलेल्या गणेश बुधावल गावाचे सरपंच मंगलसिंग पाटील, युवारंगचे निरिक्षक प्रा.विलास चव्हाण, प्रा.राम पेटारे, प्रा. माधव कदम आदी उपस्थित होते.

आपले मनोगत व्यक्त करतांना पुढे डॉ.माहुलिकर म्हणाले की, महाराष्ट्रातील विद्यापीठांचे मानकरण झालेले आहेत त्यात समाजसुधारकांची, साहित्यातील श्रेष्ठ मंडळींची नावे आहेत. मात्र कवयित्री बहिणाबाई चौधरी  असे एकमेव नाव आहे की जे पूर्णपणे अशिक्षित महिलेचे नाव आहे आणि हेच नाव विद्याथ्र्यांना प्रेरणादाई ठरेल.

आमदार उदेसिंगदादा पाडवी यांनी आपले मनोगत व्यक्त करतांना सांगीतले की, सातपुडच्या पाथ्याशी तळोदा येथे युवारंग कार्यक्रमाचे आयोजन केले. त्यामुळे अदिवासी भागातील मुला-मुलींना आपले कलागुण सादर करण्याची संधी उपलब्ध करून दिल्यामुळे अदिवासी संस्कृतीचे जतन करण्याचे कार्य यातून घडणार आहे. अदिवासी अॅकेडमीद्वारे जे सहा प्रकारचे कोर्स सुरू करण्यात येणार आहे. त्यामुळे अदिवासी विद्याथ्र्यांना लाभ होणार आहे. खुप चांगला उपक्रम विद्यापीठाने सुरू केला आहे. अदिवासी अॅकेडमी करीता संपूर्णपणे सहकार्य करीन.

व्यवस्थापन परिषदेचे सदस्य तथा युवारंग महोत्सवाचे कार्याध्यक्ष दिलीपदादा पाटील यांनी आपले मनोगत व्यक्त करतांना सांगीतले की, आपल्या विद्यापीठाच्या स्थापनेपुर्वी पुणे विद्यापीठातंर्गत असा युवक महोत्सव साजरा केला जात होता मात्र नंतर तो बंद करण्यात आला. आपल्या विद्यापीठाची स्थापना झाल्यानंतर युवक महोत्सवाचे आयोजन करण्याची सुरुवात करण्यात आली. हा युवक महोत्सव तीनही जिल्ह्यांसाठी एकत्रित घेण्यात येत होता. कुलगुरू महोदयानी निर्णय घेऊन युवक महोत्सव एकत्रित न घेता जिल्ह्या निहाय विभागवार युवक महोत्सव घेण्यास सुरूवात केली आणि त्यामुळे विद्याथ्र्यांना आपल्या कलागुणांना आपले कलागुण सादर करण्याची संधी प्राप्त होत आहे. विद्यार्थींनींचा सहभाग वाढत आहे. ट्रायबल अॅकेडमीद्वारा स्कीलबेस अभ्यासक्रम सुरू करण्याचा प्रयत्न आहे. त्यामुळे अदिवासी विद्याथ्र्यांना त्याचा निश्चित फायदा होणार आहे.

उद्घाटन समारंभाचे उपाध्यक्ष  प्रा.सुधिर माळी यांनी अध्यक्षीय भाषणात सांगीतले की, संस्थेच्या इतिहासातील हा महत्वाचा दिवस आहे आमच्यावर जो विश्वास विद्यापीठाने ठेवला त्याचे आम्ही सार्थक ठरवू. कार्यक्रम यशस्वी होण्यासाठी आमच्या महाविद्यालायांतील सर्व कर्मचारी वर्ग राबत आहेत.

प्रा.सत्यजित साळवे, संचालक, विद्यार्थी विकास व प्रा.एस.एन. शर्मा, समन्वयक, युवारंग यांनी कार्यक्रमाचे प्रास्ताविक केले. नंदूरबार जिल्हा विभागीय युवक महोत्सवात नंदूरबार जिल्ह्यातील एकूण 28 महाविद्यालयांनी सहभाग नोंदविला यात  168 मुली व 195 मुले असे एकूण 363 विद्यार्थी कलाकारांनी सहभाग नोंदविला आहे. सुत्रसंचलन प्रा.जयपालसिंग शिंदे यांंनी तर आभार प्रदर्शन प्रा.एम.एस.जावरे यांनी केले.

कु. कोकणी सोनाली शांताराम हिने सहभागी विद्यार्थी स्पर्धांकाना महोत्सवाची शपथ दिली. कु.नंदा पाडवी, वसावे इंदिरा,तडवी सिता,वसावे मिना व वसावे कौशल्या ह्या विद्यार्थींनीनी परिसरातील पंरपरेनुसार अदिवासी भाषेत स्वागत गीत सादर केले.

महाविद्यालयाच्या परिसरात सात रंगमंच तयार करण्यात आले होते. सकाळ पासून सर्व रंगमंचावर विद्यार्थी कलाकारांनी आपल्या कलांचे सादरीकरणास सुरवात केली.

रंगमंच निहाय सादर केलेल्या कलाप्रकारचा तपशिल
स्व. भाईसाहेब गो.हु.महाजन रंगमंच क्रमांक:- 1 लोेक संगीत या कला प्रकारात 01 महाविद्यालयाने सादरीकरण केले.  याच रंगमंचावर मिमिक्री  या कला प्रकारात06 महाविद्यालयाच्या स्पर्धकांनी आपली कला सादर केली यात विडंबन नाट¶ या कला प्रकारात 07 महाविद्यालयांनी आपला सहभाग नोंदविला यात लिंगभेद,बेटी बचाव, पाणी प्रश्न समाज प्रबोधन, लोकशाहीची शाळा, पाणी रे पाणी या विषयांवर विडंबनात्मक सादरीकरण केले. मुक नाट¶,या कला प्रकारात 10 महाविद्यालयांनी सहभाग घेतला यांत मुक अभिनयांतून मोबाईल शाप कि वरदान पाल चिटकली, अत्याचार आदीवर प्रकाश टाकला व समूह लोकनृत्त ह्या कला प्रकारात 08 महाविद्यालयांनी आपला सहभाग घेतला.

शहिद शिरीषकुमार रंगमंच क्रमांक 2:- शास्त्रीय गायन या कला प्रकारात 03 महाविद्यालयांच्या स्पर्धकांनी आपली कला सादर केली. याच रंगमंचावर शास्त्रीय वादन (सुर वाद्या),या कला प्रकारात 02 तर शात्रीय वादन (ताल वाद्या) या कला प्रकारात 01 महाविद्यालयाच्या स्पर्धाकांनी सहभाग नोंदविला. शास्त्रीय नृत्य  ह्या कला प्रकारात 03 महाविद्यालयांनी आपली कला सादर करण्यात केली.

क्रांतीविर बिरसा मुंडा रंगमंच क्रमांक 3:- काव्य वाचन या कला प्रकारात 14 महाविद्यालयाच्या स्पर्धकांनी सहभाग नोंदवून आई, वडील,प्रेम, आयुष्य आदी विषयांवर स्वंयरचित कविता सादर केल्या. तर वाद विवाद या कला प्रकारात सोशल मेडियामुळे सामाजिक स्वास्थ बिघडत आहे का? या विषयावर 16 महाविद्यालयांच्या स्पर्धकांनी सहभाग नोंदविला तर वक्तृत्व या कला प्रकारत 20 महाविद्यालयाच्या स्पर्धकांनी भारतीय लोकशाही-वास्तव आणि अपेक्षा या विषयावर सहभाग नोंदविला.

महात्मा ज्योतीबा फुले रंगमंच क्रमांक 4:- सुगम गायन (भारतीय) या कला प्रकारात 05 महाविद्यालयांनी सुगम गायन (पाश्चिमात्य) या कला प्रकारात 02 महाविद्यालयांनी समूह गायन (पाश्चिमात्य) या कला प्रकारात 01 महाविद्यालयांनी  समूह गीत (भारतीय) या कला प्रकारात 08 महाविद्यालयांनी तर लोकगीत या कला प्रकारात 06 महाविद्यालयांनी सहभाग नोंदविला

डॉ.बाबासाहेब आंबेडकर रंगमंच क्रमांक 5:- स्पॉटपेटींग, या कला प्रकारात 11 महाविद्यालयांनी निसर्ग व घटना या विषयावर पेटींग सादर केली तर कोलाज, या कला प्रकारात 09 महाविद्यालयांनी लँडस्केप व निसर्ग या विषयावर कोलाज सादर केले. व इस्टॉलेशन या कला प्रकारात 09 महाविद्यालयांनी आपला सहभाग नोंदविला

सातपुडा रंगमंच क्रमांक 6:- मेंहदी व रांगोळी चित्रकला या कला प्रकारात 18 महाविद्यालयांनी सहभाग घेत युवारंग व अदिवासी या विषयांवर आपल्या रांगोळी सादर केल्या. फांेटो कला प्रकारात 11 महाविद्यालय सहभागी झाले निसर्ग व उत्साह हे विषय देण्यात आले होते तर याच रंंगमंचावर व हा कला प्रकार सादर करण्यात आले.

महात्मा गांधी रंगमंच क्रमांक 7:- फोटोग्राफी या कला प्रकारात 11 महाविद्यालयांनी सहभाग नोंदवत निसर्ग व उत्साह या विषयवर छायाचित्र सादर केले. याच रंगमंचावर व्यंगचित्र 06 तर क्लेमॉडलींग या कला प्रकारात 06 महाविद्यालयांनी सहभाग नोंदविला.

Leave a Comment

Your email address will not be published. Required fields are marked *

*

error: Content is protected !!