Type to search

Breaking News maharashtra आवर्जून वाचाच जळगाव

मुंबईचे दरोडेखोर भुसावळात जेरबंद : भुसावळ बाजारपेठ पोलिसांची कारवाई

Share
भुसावळ । । प्रतिनिधी : येथील सराफ बाजारात दरोडा टाकण्याच्या तयारीत आलेल्या मुंबईच्या चार अट्टल घरफोड्यांच्या मुसक्या येथील बाजारपेठ पोलिसांच्या गस्ती पथकाने आवळल्याची घटना दि.1 ऑक्टोबर रोजी पहाटे तीन वाजेच्या सुमारास घडली.

याबात बाजारपेठ पोलिसात चौघांविरुद्ध गुन्हा दाखल केला आहे. विशेष म्हणजे या चारही आरोपींवर मुंबईसह राज्यातील विविध जिल्ह्यात वेगवेगळे 20 गुन्हे दाखल असल्याची माहिती पोलिस सूत्रांनी दिली.

मिळालेल्या माहितीनुसार, येथील बाजारपेठ पोलिस हद्दीत चोरीचे, घरफोडीचे सत्र सुरु असल्याने सदर पोलिस पथक रात्रीच्या गस्तीवर खडका चौफुलीवर वरणगावकडुन येणारी ग्रे रंगाची सँट्रो कार एमएच 1 एम 8138 ही गाडी आली त्या गाडीला थांबविण्यासाठी गस्ती पथकाने ईशारा केला केला मात्र गाडी न थांबविता जळगावच्या दिशेने जळगावकडे निघीली.

यावेळी गस्ती पथकातील कर्मचार्‍यांना संशय आल्याने त्यांनी मोटरसायकलींवरुन कारचा पाठलाग करुन नाहाटा चौफुली जवळील स्पीड ब्रेकअर जवळ कार अडविली. यावेळी गाडीतील सर्वांनी गाडी सोडुन पळ काढला. त्यातील दोघांनी जामनेर रोडकडे तर तीघांनी जळगावकडे पळाले.

यातील एकाने त्याच्या जवळील चाँपर काढून गस्ती पथकातील कर्मचार्‍यांना दाखवून धमकावले. यावेळी पोलिसांनी त्याच्यावर हल्ला चढवत त्यास पकडले. यातील एका आरोपीने अंधाराचा फायदा घेत पसार झाला. तर मोहीद्दीन शेख निजामुद्दीन शेख (वय 40, रा. काझी वाडा पाईप लाईन साकी नाका मुबंई), शाकीर हैदर शेख (वय 40, रा. मुंबरा देवी रोड मुंबई), अफलोज इस्लाम शेख (वय 23, रा.नालासपोरा धानु बाग मुबंई), हुसेन मोहंम्मद रफीक शेख (वय 28 रा.अंधेरी रमाबाई चाळ रु.नं.65 अंधेरी मुबंई) या चारही आरोपींना गाडी सह ताब्यात घेवुन कसुन चौकशी केली.

जप्त केला मुद्देमाल-पोलिसांनी केलेल्या झाडाझडतीत एक लोखंडी कटर, एक अँडजेस्टेेबल लोखंडी पान्हा, दोन स्क्रु ड्रायव्हर, एक लोखंडी पाते असलेले एक्साब्लेड, दोन बँटरी, एक चॉपर (16 इंच लांबींचे), एक लोखंडी कोयता (18 इंच), एक लोखंडी सुरी (16 इंच), एक लहान चाकु, 2 हजार रुपयांचे दोन नोकीया मोबाइल, 1 हजार रुपयांचा माइक्रोमॅक्स कं.चा मोबाइल, 250 रुपयांचाच सोन्याचे दागिने मोजायाचा वजन काटा, 7450 रोख , 260 रुपयांची चिल्लर, एक मीरचीची थैली, एक नायलाँनची दोरी (26 फुट), तसेच 1लाखची रुपयांची सँन्ट्रो कार असा एकुण 1 लाख 10 हजार 960रुपयांचा ऐवज जप्त केला.

आरोपींकडून जप्त करण्यात आलेले सर्व साहित्य दरोडा, जबरी चोरी, घरफोडी, चोरी करण्यासाठी उपयोगी असल्याने चारीही आरोपींवर मुंबई, ठाणे, अकोला सह विविध ठिकारी घरफोडी, चोरी असे विविध गुन्हे दाखल असल्याची माहीती सुत्रांनी दिली. याबाबत बाजारपेठ पोलिसांत गु.र.नं. 142/18, भा.दं.वि कलम 399, 402, 353, 506 व आर्म अँक्ट क. 4/25 प्रमाणे गुन्हा दाखल करण्यात आला असुन तपास डीवायएसपी गजानन राठोड, पो.नि. देविदास पवार यांच्या मार्गदर्शनाखाली पो.उप.नि.निशीकांत जोशी करित आहे. यांनी केली कारवाई

ही कारवाई जिल्हा पोलिस अधिक्षक दत्तात्रय शिंदे, अप्पर.पो.अधिक्षक लोहित मतानी, डीवायएसपी गजानन राठोड, पो.नि. देविदास पवार यांच्या मार्गदर्शनाखाली पो.उप.नि.निशीकांत जोशी,भुसावळ बा.पेठ डीबी पथकातील पो.उप.नि.निशीकांत जोशी सहाय्यक फौजदार अंबादास पाथरवट, तस्लिम पठाण पो.हे.काँ युवराज नागरुत पो.ना.सुनिल थोरात, नरेंद्र चौधरी, दिपक जाधव पो.काँ कृष्णा देशमुख, निलेश बाविस्कर, प्रशांत चव्हाण, उमाकांत पाटील, राहुल चौधरी, विनोद वितकर यांनी केली.

Leave a Comment

Your email address will not be published. Required fields are marked *

*

error: Content is protected !!