# Video # चाळीसगाव चकाचक करण्यासाठी आधुनिक 14 घंटागाड्या रस्त्यावर

पथनाट्यातून स्वच्छतेचा जागर : आमदारांच्या हस्ते हिरवी झेंडी दाखवून उद्घाटन

0

चाळीसगाव । दि. 10 । प्रतिनिधी   :  शहरातील कचरा संकलनासाठी चाळीसगाव पालिकेतर्फे आधुनिक तंत्रज्ञान बसवलेल्या 14 घंटागाड्या खरेदी करण्यात आल्या आहेत. गुरुवारी कचरा संकलनासाठी ह्या 14 घंटागाड्याचा शुभारंभ आमदार उन्मेष पाटील यांच्या हस्ते हिरवा झेंडी दाखवून करण्यात आला.

याप्रसंगी नगराध्यक्षा आशालता चव्हाण, मुख्याधिकारी अनिकेत मानोरकर, सत्ताधारी गटनेते संजय पाटील, विश्वास चव्हाण, नगरसेवक मानसिंग राजपूत, चंद्रकांत तयाडे, नितीन पाटील, सोमसिंग राजपूत, नगरसेविका विजया पवार, नगरसेवक अण्णा कोळी, न.पा.चे स्वच्छता निरिक्षक, स्वच्छाग्रहचे कर्मचारी व नागरिक उपस्थित होते.

स्वच्छता अभियान व्यापकपणे राबविण्यासाठी न.पा.च्या माध्यामातून शहरातून जगजागृती केली जात आहे. त्यांच एका भाग म्हणून जीपीएस सिस्टीमसह 14 घंटागाड्या शहरातील कचरा संकलनासाठी खरेदी करण्यात आल्या आहेत. त्यांचे लोकार्पण नुकतेच शंताब्दी मोहत्वासाच्या कार्यक्रमात नामदार गिरीष महाजन यांच्या हस्ते करण्यात आले होते. आता प्रत्यक्षात रस्त्यावर कचरा संकल करण्यासाठी 14 गाड्या घरोघरी फिरणार आहेत.

पथनाट्यातून स्वच्छतेचा जागर

यावेळी पालिकेच्या अवारात महाविद्यालयीन विद्यार्थ्यानी स्वच्छतेचे महत्व पटवून देण्यासाठी पथनाट्य सादर केले. पथनाट्याच्या माध्यामातून आपला परिसर कसा स्वच्छ ठेवावा. याबाबत जनजागृती केली. पथनाट्यानतंर स्वच्छतेचा जागर करण्यासाठी शहरातून रॅली काढण्यात आली.

LEAVE A REPLY

*