अहीरवाडी येथे मध्यरात्री दरोडा

0

रावेर | प्रतिनिधी :  तालुक्यातील अहीरवाडी येथे मध्यरात्री दरोडा तीन दरोडेखोरांनी धुमाकुळ घातला. चाकूचा धाक दाखवुन लाखो रुपयांचा ऐवज लुटून नेल्याची थरारक घटना घडली. या घटनेने संपुर्ण रावेर तालुका हादरला आहे.घटनेचे गांभीर्य लक्षात घेता उपविभागीय पोलीस अधिकाऱ्यांसह जिल्हा भरातील विविध शाखांचे अधिकारी अहीरवाडी गावात धडकले आहे.

या प्रकरणी मिळालेली माहीती अशी की, राहूल रविंद्र चौधरी त्यांची पत्नी सोनाली, मुलगा सानिध्य एका खोलीत झोपले होते. दुसऱ्या खोलीत वत्सलाबाई , मुलगी मेघासह झोपलेले होते, मध्यरात्री तीन अज्ञात चोरटयांनी दरवाजाला धडक देऊन, दरवाजा तोडून घरात प्रवेश केला,यावेळी राहूल च्या खोलीला बाहेरून कडी लावत , वत्सलाबाई च्या रुम मध्ये शिरल्यावर त्यांचे तोंड दाबुन चाकूचा धाक दाखवुन कपाटातील दोन लाख २० हजाराचा ऐवज चोरून नेला आहे.

याबाबत वत्सलाबाई चौधरी यांच्या फिर्यादीवरून रावेर पोलिसात गुन्हा दाखल करण्यात आला आहे. त्याच्या फिर्यादीत दोन लाख २० हजार रुपयांचा ऐवज लुटून नेल्याचे नमुद असुन यात ८० हजार रुपयांचा ३२ ग्रॅम वजनाचा राणी हार, साडे तीन ग्रॅम वजनाची सोन्याची अंगठी, बारा हजार पाचशे रुपये किमतीचे कानातील टॉप्स, १२ हजार ५०० रुपयांच्या कानातील बाह्या, १२ हजार ५०० रुपये किंमतीचे मंगळसूत्र, ८o हजार रुपयांची रोकड आहे.

सदरील घटनेने संपुर्ण परिसरात दहशत पसरली असल्याने, पोलीसांच्या अब्रुची लक्तरे वेशीला टांगली गेली आहे. घटनेचे गांभीर्य लक्षात घेता ,याठिकाणी उपविभागीय पोलिस अधिकारी राजेंद्र रायसिंग, स्थानिक गुन्हे शाखेचे पोलिस निरीक्षक सुनील कुराडे यांच्यासह जळगाव येथील श्वानपथक व ठसे तज्ज्ञांचे पथक गावात दाखल झाले आहे.

तीन चोरटयांनी केला दरोडा !
सोमवारी रात्री, अहीरवाडी येथे झालेल्या दरोड्यात तीन जणांचा समावेश असल्याचे पिडीत महीला सांगत आहे. त्यांनी दिलेल्या वर्णनावरून दरोडेखोर २५ ते ३० वयोगटातील असून, त्यातील एक उंच सडपातळ,अंगात शर्ट पॅन्ट घातलेला, तसेच दुसरा इसम उंच मध्यम बांध्याचा त्यांनीही शर्ट पॅन्ट घातलेला, तिसरा सावळ्या रंगाचा असे वर्णन सांगितले आहे. घटनेनंतर पोलीस घटनास्थळी दाखल झाले असून सदरील प्रकरणाची कसून चौकशी करत आहे.

.

LEAVE A REPLY

*